Мені? Отаным ?аза?стан

Бекітемін

Сыныбы: 1

Күні:

Мұғалім: Бекишова Маржан

Тақырыбы: Менің Отаным –Қазақстан

Білімділік: Балаларға Қазақстан Республикасы туралы  білім беру, оқушылардың интеллектуалдық ой - өрісін, білім деңгейін көтеру.
Дамытушылық: Оқушылардың танымдық деңгейлерін өрістету, тіл байлығын, өз ойын жеткізу, еркін сөйлей білу әрекеттерін жетілдіру.
Тәрбиелік: Оқушыларды отаншылдыққа, туған жерін сүюге, мемлекеттік рәміздерін қастерлеуге, мемлекеттік тілін құрметтеуге, өз елінің тарихын сыйлауға үйрету, оқушыларды патриоттық рухта тәрбиелеу.
Сабақтың әдістері: Сұрақ - жауап, топтау, дәлелдеу, сипаттау, жинақтау
Сабақтың түрі: Дамыта оқыту
Көрнекіліктері: Қазақстан картасы, Елбасының суреті, рәміздер, суреттер, отан  туралы мақал-мәтелдер, шарлар

-Арайлап таң атты,

Алтын сәуле таратты

Жарқырайды күніміз,

Жарқырайды  даламыз

Біз бақытты баламыз,- дей  отырып, « Менің Отаным –Қазақстан » атты тәрбие  сағатымызды ашық  деп жариялаймыз.

Қазақстан Респуликасының мемлекеттік гимні  орындалады.

- Балалар, сендер қандай ән орындадыңдар?

- Қазақстан Республикасының гимнін орындадық.

Дұрыс айтасыңдар, балалар. Әрбір республиканың өз ерекшелігін білдіретін гимні, туы, елтаңбасы болады. Біз оны рәміздер деп атаймыз. Осы рәміздер  туралы жеке - жеке түсінік беріп өтейін.

- Мынау – біздің туымыз. Тудың түсі аспанның түсіне ұқсайды. Көк аспандай көгілдір, ортасында күн, астында бүркіт  бейнеленген

- Мынау - Елтаңбамыз. Елтаңбада шаңырақ, күн сәулесі, бес бұрышты жұлдыз, «Қазақстан» деген жазу бар.

- Балалар, біздің Отанымыздың астанасы қай қала?

-Астана қаласы

-Ел бөбегі бүлдіршін жас баламыз,

Астанамыз Астана – бас қаламыз.

-Балалар, үлкен  мерекелерде туымыз көтеріліп, гимніміз орындалады. Рәміздерімізді үлкен де, кіші де құрметтеп жоғары ұстауы тиіс. Ал гимнді  біз білеміз. Сендер елтаңба мен туды әрқашан  қастерлеуге тиіссіңдер. Қазақстан республкасының рәміздері туралы  кім тақпақ біледі?

Ерсұлтан:

Көк туымыз бетінде,

Қыран бүркіт қанатты.

Сол қырандай еркіндеп,

Біз өсеміз талапты.

Дильназ:

Айнымайды аспаннан,

Біздің тудың бояуы.

Оны  халық қашанда,

Биікке іліп қояды.

Аяна:

Елтаңбасы елімнің,

Қандай әйбат әдемі

Тұнығындай  көңілдің,

Ортада аспан әлемі

Елдос:

Құт береке шаңырақ,

Орын алған ол төрден.

Қанатты қос арғымақ,

Екі жақтан көмкерген.

-Жарайсыңдар, балалар. Біз Қазақстанда тұрамыз, демек, Отанымыз  -Қазақстан. Халқымызда «Отан отбасынан басталады» деген мақал бар. Сендер үлкен болып өскенде Отанымызды қорғайтын азамат боласыңдар. Отан деген не? Қалай түсінесіңдер?

Іңкәр: Отан деген менің үйім, туған жерім.

Қалданазиз: Менің жүрегім Отан деп соғады.

Рамазан:

Азаматқа лайық ,

Отанымның ұлымын.

Отанымды қорғайтын,

Азаматтың бірімін.

Отан деген –Атамекен,

Отан деген - туған жер.

Отан –ана, отан –үлкен,

Қазақстан – туған ел.

-Балалар,Қазақстан Республикасының ел басшысы кім?

- Нұрсұлтан Назарбаев атамыз

Елбасымыз туралы кім тақпақ біледі ?

Асылжан:

Шықты тарап ой данадан,

Бер қарады жұлдыз беті,

Өзі қалап сайлап алған,

Елімнің бар президенті.

- Балалар, өте жақсы. Егеменді елдің басты белгісі - тіл.

Қазақ тілі мемлекеттік тіл болып саналады.

Қазақ тілі – біздің ана тіліміз.

Нұртілеу:

Тілім барда мақтанам,

Тілім менің аппақ ән

Бірлігім бүгінгі,

Ана тілім сақтаған.

Бекарыс:

Ана тілің арың бұл,

Ұятың боп тұр бетте,

Өзге тілдің бәрін біл

Өз тіліңді құрметте.

- Балалар, сендер отан туралы жан - жақты білетіндеріңді көрсеттіңдер. Енді сендер Отан туралы мақал - мәтел айтайық.

Отан – оттанда ыстық.

Отан – елдің анасы,

Ел - ердің анасы.

Туған елдей ел болмас,

Туған жердей жер болмас.

- Міне, балалар, өміріміздің жалғасы, еліміздің қорғаны, тірегі болыңдар.

- Құрметті ұстаздар! Абай атамыз айтқандай «Сенде бір кірпіш дүниеге, кетігін тапта, бар қалан» деп, бүгінгі бүлдіршін балаларымыз қоғамымызға кірпіш болып қалана берсін деген тілекпен тәрбие сағатымызды аяқтаймыз.