"Мен ертең 5-ші сынып оқушысы атанамын"

«Мен ертең 5 – ші сынып оқушысы атанамын»

Топтық ойын

Мақсаты: Әлеуметтік – психологиялық тұлға қасиеттерін, қарым – қатынас қабілеттерін дамыта отырып, бірлікке тәрбиелеу, ұжымда жұмыс жасауға үйрету. Қобалжу сезімдерінен арылту. Орта буынға бейімдеу, білім алуға ықпал жасай отырып, қиындықтарды еңсеруге үйрету, қиялдау, елестету қабілеттерін дамыту, бірін – бірі түсініп, ұжымды сыйлауға үйрету.

Қатысушылар : 4 сынып оқушылары

Көрнекі құралдар: презентация, А4 форматары, түрлі – түсті қарындаштар, ватман.

Өту түрі:

І. Сәлемдесу, психолог сөзі

ІІ. Бірінші станция «Тапқырлық»

ІІІ. Екінші станция «Өткел»

IV. Үшінші станция «Эрудит»

V. Төртінші станция «Бірлік»

VI. Бесінші станция «Алғыс»

VII. Қорытынды

Сәлемдесу, психолог сөзі: Құрметті оқушылар, бүгін біз сіздермен 5 – ші сыныпқа саяхат жасаймыз. Саяхатымыз біздің сиқырлы болғандықтан көлігіміз де сиқырлы. Біз онда поездбен барамыз, ал жолда бізге поезд вагондары қосылып отырады. Вагондар да бос емес, 5 – ші сыныпта қажет болатын сендердің ең жақсы, ең керемет қасиеттеріңе толы вагондар. Ал сол вагондарды поезымызға тіркеу үшін біз бірнеше бекеттерге барып, тапсырмалар орындаймыз.

Саяхатымызды бастаймыз ба? Олай болса, Алға!

Бірінші станция «Тапқырлық»

• Балалар, ал сендер 5 – ші сыныпқа барғанда кім боласыңдар? (5 – ші сынып оқушысы)

• Ал енді сол 5 – ші сынып оқушысы қандай болу керек? (Керекті қасиеттерді жазады)

• Олай болса, 5 – ші сынып оқушысының суретін салып, айналасына оған керекті қасиеттерді жазып шығыңдар.

• Енді, суреттеріңмен жаныңда отырған парталасыңмен ауыстырып, жазылмаған қасиеттерін жазып, толықтыр.

• Балалар дәл осы тапсырмада сендерге ең басты қандай қабілет көмектесті?

• Дұрыс айтасыңдар «Тапқырлық!»

• Ал бізідң поезымызға бірінші «Тапқырлық» вагоны тіркелді. Өте жақсы балалар!

Екінші станция «Өткел»

• Біздің келесі бекетімізде, сендер сыныптан оң жағынан сол жағына әр оқушы әр түрлі тәсілмен өтуі керек. Яғни, ойласып бірінің жасағанын бірің қайталамайтын етіп келісіп әрекет етесіңдер.

• Сендердің ойларыңша қандай қасиет осы тапсырманы орындауға көмектесті?

• Дұрыс айтасыңдар, әрине «Достық», жұмыла жасаған жұмыс қашанда жемісті болмақ.

• Бізге тағы бір вагон тіркелді.

• Ал келесі бекет сендердің қаншалықты ақылды екендеріңді көрсетеді, олай болса дайын болыңдар!

Үшінші станция «Эрудит»

• Бұл бекет бізге әр пән бойынша сұрақ қойғысы келеді екен. Дайын болсақ бастаймыз.

• Жалғау нешеге бөлінеді, және қандай?

• Қаратпа сөз дегеніміз не?

• Етістік дегеніміз не?

• Зат есімнің көпше түрде сұрағы қалай болады?

• 0 санын 10 – ға көбейткенде неше болады?

• Екі саннан тұратын санды не деп айтамыз?

• 5*5 неше болады?

• Қазақстанның астанасы қай қала?

• Біз қай обылыста тұрамыз?

• Табиғатты біз қалай бөлеміз?

• Не үшін дене шынықтырамыз?

• Футбол ойының бізге пайдасы бар ма?

• Керемет балалар, өте жақсы, барлық сұраққа жауап бердік солай ма, олай болса бізге осы сұрақтарға жауап беруге қандай қасиетіміз көмектесті?

• Әрине, біздің барлығын білгіміз келетін «Қызығушылық» қасиетіміз көмектесті. Яғни бізге тағы бір вагон қосылды.

Төртінші станция «Бірлік»

• Міне тағы жаңа бекет, бірақ мұнда перрон өте тар екен, ал біз бәріміз поездан түсіп демалғымыз келеді.

• Келесі тапсырма сендерге мынадай: мында газет берілген бәріміз осыған бірлесіп, бір – бірімізді ұстап, құлап қалмайтындай етіп мықтап ұстап тұруымыз керек.

• (Балалар тапсырманы орындайды)

• Өте жақсы балалар, бұл қиындықты да жеңіп шықтық, ал бізге тағы бір вагон тіркелді «Бірлік».

Бесінші станция «Алғыс»

• Міне балалар біз соңғы бекетке де келіп жеттік. Кішкене ғана уақыт, арада төрт жыл да өте шықты. Осы уақыт ішінде сыныптарың бір отбасыға айналды, сынып жетекшілерің екінші аналарың бола білді. Жазуды, оқуды үйреткен, біліммен сусындатқан сынып жетекшімізді қалай сыйлайтынымызды, қаншалықты жақсы көретінімізді көрсететін уақыт та келді.

• Олай болса сеіздерге ватман беріледі, соған ұстазға деген жылы лебіздеріңді, тілектеріңді жазып, суретте салуға болады, қалай әрлесеңдер де өз еріктеріңде. Жұмысқа 5 мин ғана уақыт беремін.

• Өте жақсы балалар! (Балалар өз жұмыстарын қорғайды, ұстазына алғысын айтып ұсынады)

• Балалар бізге қандай вагон қосылды деп ойлайсыңдар?

• Әрине «Алғыс» вагоны.

Қорытынды:

• Өздерің көріп тұрғандай біздер бойымызға көптеген қасиеттерді сіңірдік деп ойлаймын, ал сіздерге алдағы уақытта сәттілік тілеймін!

• Осымен тренинг сабағымыз аяқталды, сау болыңдар!