Просмотр содержимого документа
«?ош бол ??тты ?ліппем!»
Тақырыбы : «Қош бол, құтты Әліппем!» Сабақтың мақсаты.Барлық ғылым беташары-Әліппені бітірулеріне байланысты оқушылардың ең алғашқы оқулықтарын қалай меңгергендерін байқау.Олардың нені үйренгендерін,білгендерін көрсету.Топпен жұмыс,жеке оқушылармен жұмыс түрлерін сабақта пайдалану. Сөздік қорларын молайту. Білімділігі: Бауырсақ ертегісін сабаққа қолдану арқылы оқушылардың танымдық белсенділігін арттыру. Дамытушылығы: оқушыларды өнерге бейімдеп, әртістік қабілетін арттыру. Тәрбиелігі: өзара сыйласып, достық қарым-қатынаста болуға, біреуге қызғанып қарамауға, бірін-бірі құрметтеп, үлгі тұтуға тәрбиелеу,ұжыммен жұмыс істеуге үйрету. Көрнекілігі: тақта, орманды мекендеген аңдар суреттері,маркер,ноутбуктағы тапсырмалар,ойын Сабақтың түрі:ертегі сабақ. Әдісі:жеке оқушымен, топпен жұмыс,сұрақ-жауап,тақтамен,оқулық,дәптермен,нұсқалармен жұмыс.
Сабақтың барысы:
1.Ұйымдастыру кезеңі:Психологиялық дайындық.
-Қайырлы күн қонақтар
Қайырлы күн достар
Қайырлы күн болсын
Сәттілікке толсын!
-«Мен атамнан қаштым, мен апамнан қаштым»деген сөздерді қай ертегіден естіп едік.
-Бұл қандай ертегі?
-Дұрыс«Бауырсақертегісі» - Біз бүгін жаңа нұсқадағы «Бауырсақ» ертегісімен танысамыз. Суреттермен жұмыс: -Бір кемпір мен шал болыпты. Бірде шал жалынып:
Шал: - Кемпір-ау, маған бауырсақ пісіріп берсеңші Кемпір -Неден пісірейін? Ұн жоқ қой Шал - Әй ,кемпірім-ай ! Қойманың түбін қырнап көрсең ғой бауырсақтық ұн табылып қалар. Кемпірі солай істейді: қойма түбін қырып-қырнап екі уыс ұн табады да, қаймаққа шылап, қамыр илеп, бауырсақты майға пісіріп,терезе алдына суытқалы қояды. Жата-жата жалыққан бауырсақ терезе алдынан үйдің іргесіне домалап түседі, іргеден көгал үстіне домалайды,көгалдан жылжып жолға жетеді.Одан әрі жолмен зырлай жөнеледі. Бауырсақ жолда зымырап бара жатса , қарсы алдынан қоян шыға келеді. Қоян Бауырсақ! Бауырсақ! Мен сені жеп қоямын ! Бауырсақ Жоқ, сен мені жеме,мен саған қандай өлең айтып берер екем, онан да соны тыңда. Қоян Бауырсақ сенің өленің жақсы, бірақ сен одан да менің тапсырмамды орында .
Ал балалар қояннан бауырсақты құтқарып сұрағына жауап берейік. Қоянның тапсырмасы:
Үй тапсырмасын тексеру. -Үйге берілген өлеңді кезектесіп мәнерлеп оқып беріңдер. (Оқушылар кезектесіп үй тапсырмасын оқып береді.)
Бауырсақ жалғыз аяқ жолмен келе жатса ,оның алдынан қасқыр шыға келіп: Қасқыр Бауырсақ! Бауырсақ! Мен сені жеп қоямын ! Бауырсақ - Сен мені жеме, мен саған ән айтып берейін.
Қасқыр -Жоқ, бауырсақ, әннің керек жоқ сен менің тапсырмамды орында. Қасқырдың тапсырмасы: Ал балалар сендер маған « Әліппе» сөзіне топтау жасап беріңдер. Оқушылар топтау жасап оны қорғау арқылы жаңа тақырыпты ашады.
Жаңа сабақ. -Балалар сендер қандай сөзге топтау жасадыңдар?
-Дұрыс әліппе сөзіне.
-Ендеше бүгінгі жаңа тақырыбымыз да осы Әліппе туралы.
Оқулықпен жұмыс:
Оқулықтағы өлеңмен таныстыру.Мұғалімнің оқып беруі.
Оқушылардың мұғаліммен бірге оқуы.Кезектесіп оқулары.
Ал, балалар осымен ертегі аяқталды.
-Жоқ апай біз әлі аюмен,түлкімен кездескен жоқпыз ғой.
-Ұмытып барады екем,ары қарай қандай аңға жолығушы еді?
-Аюға.
-Дұрыс айтасыңдар,бауырсақ орман ішімен домалап бара жатса оған аю қарсы шығады.
Аю - Әй ,бауырсақ ! Мен сені жеп қоямын! Бауырсақ - Сен мені жеме, мен саған ән айтып беремін. Аю -Әй, балалар, балалар! Менде қызық ойын бар, Ал ықылас қойындар Кәне, тәртіп сақтайық, Мен берген тапсырманы, Бұлжытпай орындайық. Аюдың тапсырмасы: «Сөздер әлемі» ойыны оқушылар берілген сөздерді толықтырып дұрыс жазулары қажет.
Осылай бауырсақ әрі қарай домалай жөнеледі. Түлкі -Амансың ба, бауырсақ! Көргендерге ұнайды, жүзің қызыл шырайлы!
Бауырсақ мақтағанға мәз болып, өлеңін айта бастайды. Түлкі болса құмарта тыңдаған боп,қыбырын білдірмей, бауырымен сырғып, жақындай береді. Бауырсақ Әжей қойма қырнаған,екі уыс ұн жинаған. Балқаймаққа шылаған,пісіріп маймен сылаған. Суытып та сынаған, бауырсақпын зулаған! Атайдан да құтылдым,әжейден де құтылдым. Қояннан да сытылдым,қасқырдан да құтылдым, Аюдан да сытылдым,түлкі ,сенен құтылу Қиын емес бұл маған ! Түлкі Түлкі: оңай құтыла алмассың, менің тапсырмамды орында Түлкі :
-Маған « Қазақ әліпбиін» айтып берсеңдер ,мен бауырсақты жемеймін.
Кез-келген оқушыға әліпбиді айтқызу. Түлкі сөзінде тұрып бауырсақты өз жөніне жібереді. Балалар: Аңдардың тапсырмаларын дұрыс орындап бауырсақты аман алып қалады.
Қорытындылау: - Балалар сабақ сендерге ұнады ма? Балалар, бүгінгі тақырыбымыз не туралы екен? -Әліппе.
-Сабақтан не үйрендіңдер,қандай жаңалық алдыңдар?
-Сабақ қызықты өтті.
-Маған ертегі сияқты өткені ұнады. -Бауырсақтың түсі қандай? Сары. Бауысақтың пішін іқандай? Домалақ, шеңбер.
-Ал, балалар , бүгінгі сабағымызды «Балық аулау» ойынымен қорытындылайық. (Алдын-ала дайындалған тапсырмалар орындау.) - Келесі кездескенше, сау болыңдар.
Оқушыларға сабақты бағалату.(смайликтер жапсыру)
Мұғалім: Әже сендерге бауырсақты аман алып қалғандарын үшін бауырсақ пісіріп қойды.
Мұғалім: Кәне, балалар, қонақтарға да беріңдер бауырсақтан жеңдер, (отырған қонақтарға бауырсақ ауыз тигізу).
