К??ілді балалар ойыны

Сабақтың тақырыбы:Көңілді балалар ойыны

Сабақтың мақсаты:

А) білімділік: . Оқушылардың бойындағы мемлекеттік тілге деген сүйіспеншілікті одан әрі дамыту, оны әрқашан құрметтеуге баулу. Оқушылардың білім деңгейін байқау
Өз отбасын, Отанын сүйіп, әдепті болуына бағыт - бағдар беру
Ә) тәрбиелік: Патриоттық сезімдерін оятып,тілге деген құрметке тәрбиелеу

Б) дамытушылық: сөйлеу дағдысын дамыту, логикалық ойлау қабілетін жетілдіру, танымдық деңгейін көтеру.

Сабақтың түрі: сайыс – сабақ
Көрнекілігі: слайдтар, қима қағаздар.
Ойынның барысы:
Жүргізуші:
- Қайырлы күн құрметті ұстаздар, оқушылар! «Қазақстанның болашағы – білімді ұрпағында» демекші, сендер сол болашаққа бүгінгі білімдеріңмен, бастау алып отырсыңдар. Бүгінгі сайысымыз сіздердің білімдеріңізді, ұшқыр ойларыңызды өрнектеп ортаға салу. Олай болса, «Көңілді балалар ойыны» атты сайысымызға қош келдіңіздер! Сайысқа екі топ қатысады, топтарды ортаға шақырамыз.

1 – топ «Алғырлар»
2 – топ «Тапқырлар

Ал енді сайысымыз әділ де шыншыл өту үшін әділ - қазылар мүшелерін сайлайық.
Халық даналығында «Ойнай білмеген, ойлай да білмейді», «Ойында озған, өмірде де озады» деген аталы сөз бар. Ойын ережесі 8 айналымнан тұрады. -Енді қай топ бірінші болып бастайтынын анықтау үшін қоржыннан асықты таңдап алады.Қызыл асықты алғандар бірінші,көк асықты алғандар екінші бастайды.

Беташарын сайысымыздың бастайық,

Көрерменді бір серпілтіп тастайық.

Көрсетсін сайыскерлер өздерін,

Өнеріне ду қол соғып,қостайық!

1.Таныстыру

1.Сөз тапқанға қолқа жоқ

2.Қына тасқа бітеді,білім басқа бітеді

3.Ойлы болсаң, озып көр

4.Құпия сөздің құлпын аш

5. «Орамал тастау»қазақтың ұлттық ойыны

6.Мықты болсаң,тауып көр

7.Жеті жұрттың тілін біл

Ойынның бірінші кезеңі. Таныстыру.

1-топ. «Алғырлар»
Ұраны: Ұқыпты-ұтар,

Ізденген табар.

Оқыған-озар,

Еріншек тозар.

2 – топ. «Тапқырлар»

Ұраны: Алғырлықпен ойлап біз,

Тапқырлықпен жеңеміз!

Ойынның екінші кезеңі. « Сөз тапқанға қолқа жоқ»

Мақсаты:Әр топтан 3 оқушыдан шығып,әріптер таңдап алады.Қойылған сұрақтарға сол әріптерден басталатын сөзбен жауап береді.

А,Е,Т,С,Қ,О

1-топтың ойыншыларына қойылатын сұрақтар

1.Сен бүгін нешеде тұрдың?

2.Досыңның аты кім?

3.Наурыз мейрамы қай айда тойланады?

4.Сен қандай үйірмеге барасың?

5.Сен қай қалада тұрасың?

2-топтың ойыншыларына қойылатын сұрақтар

1.Бірінші сабақ нешеде басталады?

2.Қазақстан мемлекеті қандай?

3.Анаңның аты кім?

4.Сыныпта неше оқушы бар?

5.Мектепке кіммен барасың?

-Ал енді балалар,алғырлық пен тапқырлықтан білімдеріңнің алғашқы деңгейін көрсеттіңдер.

Ойынның үшінші кезеңі. «Қына тасқа бітеді,білім басқа бітеді»

Ойынның шарты:Екі топ берілген суреттерді құрастыра отырып,шыққан тақырыпқа мәтін құрап жазу,айту.

1. «Астана қаласы»

2. «Менің отбасым»

Ойынның төртінші кезеңі. «Ойлы болсаң,озып көр»

Бұл бөлімде аты айтып тұрғандай,оқушылардың ой-өрістері сынға түседі.

1-топ.Тақтада ілулі тұрған ағашта қандай жемістер өседі,дұрысын қалдыру керек.Қазақ тілінде атауларын айту керек

2-топ.Бөлмеде қандай заттар болу керек,дұрысын қалдыру керек.

Ойынның бесінші кезеңі. «Құпия сөздің құлпын аш»

Ойынның шарты:Екі топқа тақтадан екі жыл мезгілі көрсетіледі.Сол бойынша әр топ оқушылары диалог құрау керек.

Ойынның алтыншы кезеңі. «Орамал тастау» қазақтың ұлттық ойыны.

Ойынның шарты:Түбір сөзге дұрыс қосымша жалғау керек.Бір топтағы оқушы келесі топтағы оқушыға бір сөз айтып орамалды береді,ол оқушы дұрыс қосымша жалғап айту керек.Ойынға барлық оқушы түгел қатысады.

Мысалы:ойын+шық,ойын+шы,кітап+тар,дәптер+лер

Ойынның жетінші кезеңі. «Мықты болсаң,тауып көр»

Сұрақтар қойылады. Бестік,ондық,жиырмалық ұпаймен бағаланады.

1.Қазақстанның астанасы қай қала? (5 ұпай)

2.Қазақстан Республикасының рәміздерін ата. (10 ұпай)

3.Қазақтың қандай салт-дәстүрін білесің? (20 ұпай)

4.Қазақстанның басты қалаларын ата(5 ұпай)

5.Қазақтың қандай тағамын білесің? (10 ұпай)

6.Қазақстанда тұрғаныңды мақтан етесің бе? (20ұпай)

Ойынның сегізінші кезеңі. «Жеті жұрттың тілін біл»

Шарты:Әр топқа екі жұмбақтан беріледі.Оқушылар жұмбақтың жауабын үш тілде айтулары керек.

1-топ.1) Қасқырды қабады,

Қойды бағады. (ит-собака- а dog)

2)Сырт-сырт соғады,

Уақыт озады. (Сағат-Часы-A clock )

2-топ.1) Тақиям толған сөк,

Таңертең тұрсам жоқ (Жұлдыз-Звезда-Star)

2) Күн мен түннің теңелетін жыл мезгілі (Көктем-Весна-Spring)

Жүргізуші:
Қазылар орнықтырар әділдікті,

Кімдердің жауаптары кәміл мықты,

Білім мен тапқырлықтың сайысында,

Жеңіске жетер дейміз нағыз мықты-дегендей ойыншыларымызды бағалау үшін әділ қазыларға сөз берейік.

«Көңілді балалар ойыны» өз мәресіне жетті. Тіл-әр ұлттың қайталанбас байлығы,тіл бар жерде ұлт та,ел де, жер де болмақ- деп,бүгінгі ойынымызды аяқтаймыз.Көріп тамашалағандарыңызға рахмет!Қош,сау болыңыздар!

№252 Г.Н.Ковтунов атындағы орта мектеп

С а й ы с с а б а қ

Сыныбы:3«а»,3«б»

Пән мұғалімдері:Бейсембаева Н

Еспенбетова Э