Қош келдің,Жаңа 2017 жыл

Ключев орта мектебі

Бастауыш сынып мұғалімі: Ажкаева А.Б

1 – жүргізуші: Қош келдіңіз бүгінгі Жаңа жыл кешімізге
Жаңа табыс тілейік ісімізге
Келе жатқан Жаңа жыл құт әкелсін,
Мына отырған барша жан бәрімізге..

2 – жүргізуші: Құрметті ата – аналар , оқушылар, ұстаздар, қонақтар Жаңа жыл мерекесіне арналған «Қош келдің, Жаңа 2017 жыл» атты кешімізді бастауға рұқсат етіңіздер.

1 – жүргізуші: Құрметті жамағат жүрекке жылылық ұялатар алғашқы жаңа жылдық құттықтау сөзді білім ұясының басшысы Сквирская Данагүл Қадырқызына береміз.

2 – жүргізуші: Құтты болсын жаңа жыл, барша халық,

Қуанышқа, шаттыққа тамсанайық.

Бірімізге шынайы тілек тілеп,

Бар әлемге бақытпен жар салайық!

1 – жүргізуші: Жаңа күнде ән қылып,

Тек жүрмеңіз сән құрып.

Көңілдердей қартаймай,

Шырша тұрар мәңгілік.

Ал енді барлығымыз шыршаны айналып «Шырша жырын» айтайық.

Рахимжанова К.К ойын ойнатады.

2 – жүргізуші: Жаңа жылда жаңа белден асамыз,

Жаңа жылға жырмен шашу шашамыз.

Бейбітшілік ұранмен, жеңіспен

Жаңа жылда тағы да алға басамыз.

1 – жүргізуші: Би билейі бұралып,

Қыздар тұр сұранып.

Мен де тұрмын құр қалып,

Шаттанайық қуанып.

«У оленя дом большой»

2 – жүргізуші: Жаңа жылда алдағы,

Көңіл өсіп кеңейсін.

Ортақ ойы арманы,

Жақсы дәстүр көбейсін.

1 – жүргізуші: Әнші де құс үні бар,

Кірсең кештің сәні бар.

Салайықшы шырқатыпғ

Жаңа жылдың әніне

Ал балалар тұмайық,

Жаңа жылдық жырлайық.

«Жаңа жыл» әні.

«Қысқы жел» ойын

Ойын барысында ( 3 – 5 оқушы) үстелге отырады.Үстел үсті тегіс болу керек. Оқушылар мақтадан немесе қағаздан жасалған қар ұлпаларын үстелден ұшырып түсіру керек.

1 – жүргізуші:Бүгінгі Жаңа жыл кешіне сәйгүліктерін желдіріп, шанасымен Аяз ата мен сүйкімді Ақша қар келе жатыр деген хабар алдық. Аяз атамыз келгенше бәріміз ән салайық.

Ән: «Аппақ, аппақ, жапалақтап»

2 – жүргізуші: Қараңыздар мынау шыршаға,

Неткен сұлу ,неткен көрікті еді.

Шыршамызға енді Аяз ата келіп қалар, Қане барлығымыз Аяз ата, Ақша қар деп шақырайық. Сонда біздің дауысымызды естіп тез келер.

(Аяз ата, ақша қар т.б келеді)

Аяз ата: Аяулы аналарға, ардақты ұл-қыздарға

Бүлдіршін балаларға бip сәлем!

Қандай жарқын жүздерін,

Қандай әсем жырларың

Асулармен алысқан,

Асау желмен жарысқан

Аталарың сендерге

Шаршап келді алыстан

/Балалармен амандасады/

Ақшақар: Аяз ата қарашы, балалардың киімi қандай әдемі. Шырша да әсем безендірілген екен. Бәрі де сұлуланып кетіпті.

Шырша шамын жағайық,

Жаңа жыл тойын ашайық. Барлығымыз «Шырша жан, Шамдарыңды жарқырат» деп айтайық. (барлығы айқайлайды, шырша шамдары жағылады).

Аяз ата: Бәрекелді балалар! Шыршамыз жарқырап, айналаға қуаныш сыйлауда. Шыршаның құрметіне ән айтып, шыршаны айналып өтейік.

Ән: «Жасыл шарша жанында»

1 – жүргізуші: Жаңа жыл, жаңа жыл,

Қалауын тап, қар үстінде қада гүл.

Жаңа жыл, жаңа жыл,

Сан тілектің бастамасы ғана бұл.

2 – жүргізуші: Жаңа жылда алдағы,

Көңіл өсіп кеңейсін.

Ортақ ойы арманы,

Жақсы дәстүр көбейсін.

Ойын: «Шыршаны безендір»

Балалар 2 топқа бөлінеді. 2 топтың жанына ойыншықтар салынған қорап қойылады. Оқушылардан әрірек 2 топтың шыршасы тұрады. Әр топ шыршаны безендіруден жарысады. Қай топтың ойыншылары бірінші безендіріп бітеді, сол топ жеңеді.

Аяз ата: Бәрекелді жаңа жылым. Төрімізге шық.

Бәрімізге жаңа бақыт, жаңа қуаныш ала кел.

Ақшақар: Кәне, балалар енді бар өнерлерінді ортаға салындар, Аяз ата шаршағанын бассын.

Аяз ата: Әкелген базарлығым бар, сендердің өнерлеріңді тамашалап, бір дем алайын. Уф, шаршағаным-ай!

Би: фиксики Ойын: «Шарды жар»

Ойыншылардан 4- 5 қадам жерде үрленген шар жатады. Ойыншының көзін байлап шарларды тауып жарады.

Аяз ата: Жарайсыңдар, балалар.Өнерлерің өрге жүзсін. Қанаттарың талмай, әрі қарай самғасын. Кәне, Ақшақар, сыйлықтарыңнан үлестіріп жібер балаларға.

Би (аяз атамен бірге) «Аяқпенен топ – топ – топ»

Аяз ата: Балалар, өнерлерің тамаша екен, Бәрің бір-бір талант иесі екенсіңдер.Өнерлерің әрі қарай шыңдала берсін. Менің әлі баратын жерім көп, сендер сияқты әр жерде балалар тосып отыр. Ақшақар екеуіміз қайтайық. Келесі жаңа жылда жолыққанша сау болыңдар!

1 – жүргізуші: Ал құрметті достар! Бәріміз бірге Аяз атаны шығарып салайық.

2– жүргізуші: Аяз ата келесі кездескенше аман болыңыз. Біз сізді асыға күтеміз.

1 – жүргізуші: Басталарда жаңа нұр,

Құйылады жаңа нұр.

Жүрекке арман бөлеген,

Қош келіпсің, жаңа жыл.

2 – жүргізуші: Жаңа жылда жаңа бақыт тыныштық,

Жаса, жаса достық бірлік туыстық.

Құттықтайық жаңа жылды өнермен,

Қуаныштың әр минуты тым ыстық

Ойын: « Мысық – тышқан

Ойын: « Қарды ұста »

Ойында 2 топ қатысады. Әр топтың бір ойыншысының қолында қорап ұстап тұрады. Әр топта қағаздан жасалған бірнеше қаршалар болады. Мұғалімнің бастауы бойынша ойыншылар қарды қорапқа қарды лақтырады. Қай топтың қорабында қар көп болады. Сол топ жеңеді.

1 – жүргізуші: Аппақ бүгін қыр, далам ,

Ақ мақтаны жапқандай!

Бүкіл әлем – бір ғалам,

Қонақ күтіп жатқандай.

2 – жүргізуші: Уа, халайық құрметті,

Көмейіме жыр кеп тұр.

Жаңа жылды қарсы алып,

Өткізейік дүрмекті.

1 – жүргізуші: Ал балалар , тұрмайық,

Әндетейік, жырлайық,

Ортамызды ашайық.

Ырыс тілеп бұл жылға

Жырдан шашу шашайық.

2 – жүргізуші: Дөңгеленіп тұрайық,

Ойын сауық құрайық.

Ән шашуы шашылсын,

Жаңа жылға ылайық.

Ән: «Шырша » әні

Би: буги – вуги

Ойын: «Жемістерді жина»

Ойыншылар 2 топқа бөлінеді. Тапсырма – белгілі уақыт ішінде бір жерден екінші жерге апельсин немесе мандарин апару керек. Қолдың көмегінсіз.

1 – жүргізуші: Құрметті достар!

2 – жүргізуші:Қадірлі ұстаздар, қонақтар!

1 – жүргізуші:Жаңа жыл! Осы жыл барлық отбасыларымызға бақыт пен шаттық әкелсін. Еңбектеріңіз жемісті болсын.

2 – жүргізуші: Жаңа жыл құтты болсын! Келесі кездескенше сау – саламатта болыңыздар!