И и дыбысы ж?не ?рпі

Сабақтың тақырыбы: И и дыбысы және әрпі

Сабақтың мақсаты:

1.Білімділік: оқушыларға И  дыбысы мен әрпін таныстыру. И дыбысы бар

сөздерге талдау жасау. И дыбысы мен әрпінің ұқсас Йй әрпінен айырмашылығын түсіндіру. 2.Дамытушылық: И дыбысына қатысты жаңа сөздерді оқыту арқылы   балалардың тілін дамыту. Сурет бойынша сөйлеуге  жетелеу. 3.Тәрбиелік: Өз ойын еркін айтуға дағдыландыру, шапшаңдыққа, тапқырлыққа, сауаттылыққа, әдептілікке тәрбиелеу. Сабақтың көрнекілігі: Кеспе әріптер, суреттер, оқулық. Сабақтың әдісі: сұрақ-жауап, көрнекілік әдісі

Сабақтың түрі: Аралас сабақ Сабақтың барысы: І. Ұйымдастыру кезеңі. Кел балалар,оқылық, Оқығанды көңілге Ықыласпен тоқылық! – деп ақын жырлағандай, білім беретін «Әліппе әлеміне» қош келдіңдер. -Балалар, бүгін біздің сабағымызға қонақтар келген екен.Сендер оларды танисыңдар ма? Иә,балалар,дұрыс айтасыңдар бұлар – Шрек пен Фиона. Тақтаға қарандаршы, Шрек пен Фионаның ортасында не тұр? Иә,балалар көл. Олардың кездесулеріне көл кедергі жасап тұр.Бірақ, Шрек пен Фиона бір-бірімен кездескісі келіп тұр, бүгін олардың туған күндері екен.Біз олардың кездесулеріне көмектесе аламыз. Көлдің бізге дайындаған сұрақтары бар екен,соларды дұрыс орындасақ жол ашылады.Олай болса,балалар Шрек пен Фионаға көмектесуге дайынсыңдар ма? ІІ. Өткен сабақты пысықтау Көлдің тапсырмалары: 1) Әріп пен дыбыстың айырмашылығы неде?

- Дыбысты естиміз, айтамыз. Әріпті көреміз, жазамыз.

2) Дыбыстар нешеге бөлінеді?

- екіге, дауысты және дауыссыз.

-Жақсы балалар, Шрек пен Фионаға жол ашыла бастады.

3) Адасқан әріптер:

Шрек, есек, әліппе, нағашы, орамал, ойыншық, кеме, домбыра, қақпа.

Тақтаға кезекпен шығып, оқиды.(сыйлық тарату).

4) Ә әрпіне байланысты жұмбақтар жасыру:

Құйрығы жасыл-қызыл қораз,

Інге тығылған ұзын қораз (Сәбіз)

Үлкен есіктен кіріп,

Кіші есіктен шығады. (Шәйнек)

Ыстық-суықта шынықтым.

Мөлдірмін сондай,

Тұнықпын.

Тұнықтығыма сенесің-

Аржағымдағыны көресің.(Әйнек)

Үнсіз-үнсіз тыныш

Құлады алтын қылыш(Күн сәулесі)

Сылдыр-сылдыр кісенім,

Сылдырлайды кісенім.

Құлағында құлпы жоқ,

Құдіретті кісенім.(Сәукеле)

Аузынан ішкені

Мұрнынан шығады.(Шәйнек)

Сергіту сәті (көңілді әуенмен).

Жарайсыңдар, балалар, сендер көлдің барлық тапсырмаларын дұрыс орындап, Шрек пен Фионаның кездесуіне көмектестіндер.

ІІІ. Жаңа сабақ

-Балалар бұл ненің даусы?( Үнтаспадан есектің даусын естіртеміз)

-Ия, дұрыс айтасыңдар бұл - есектің дауысы. Есек - Шрек пен Фионаның досы екен. Есектің даусы қалай шығады балалар?

-ИииииииА – ИииииииА - ИииииииА.

-Қане балалар бірге айтып көрейікші?

-Енді айтып көрейік,оқушыларға дауыстап айтқызу. Бұл дыбыстардың ішінде бізге таныс емес дыбысты айтыңдаршы!

«Кім жылдам?» ойынын ойната отырып, жұмбақтың шешу

Тұмсығына жібін байлап

Сүңгіп батып,сүңгіп батып, бұл мықты,

Бүтіндейді жыртықты. (ине)

                     Өзі төрт қанатты, Және алты аяқты,

     Сөйтсе де тікұшаққа ұқсайды.  (инелік)

-Сонымен балалар, бүгінгі біздің өтетін сабағымыздың тақырыбы «Ии дыбысы және әрпі».

Ии дыбысына толық анықтама беру ( артикуляциялық айтылуы)

-Ине, инелік, ит  сөздері қандай дыбыстан басталады?

-И дыбысынан

Енді  И, и дыбысын айтып көрейік

- И-и-и

- Қалай айтылады екен?

- Созылып айтылады.

- Демек бұл қандай дыбыс?

- Дауысты дыбыс.

- Оны қандай текшемен белгілейміз?

- Қызыл текшемен.

-Ии дыбысы біздің денемізде де өмір сүреді.(иек, ми, иық)

-Ии дыбысы сөздердің басында да, ортасында да, соңында да кездеседі: ит, ине, инелік, итмұрын, иіс, ителгі, итбалық.

-И-дан басталатын есімдер: Ибраhим, Инабат, Динара, Мадина......

И дыбысы бар сөздерді ойлату, буынға бөлу.

- Балалар, осы әріпке ұқсас қандай әріппен таныстық?

- Й әрпі.

 «И» және «Й» айырмашылықтарын түсіндіру.

Сергіту сәті.

VI. Оқулықпен жұмыс. Оқу.

1.Топтық оқу.

2.Жеке оқу. (Фиона мен Шректің сұрауы бойынша)

V. Дәптермен жұмыс:

Жазу ережесін еске түсіру.

1. И-дің жазылуын көрсету (ауада, тақтада).

2. Сөздерді жаздыру.

Қорытынды.Шрек пен Фионаның балаларды мадақтауы.