Г дыбысы мен ?рпі 1 класс

Жамбыл облысы

Қордай ауданы

Қайнар ауылы

№32 В.В. Маяковский атындағы орта мектебі

Жумаева Зина Толегеновна

Бастауыш сынып мұғалімі

Еңбек өтілі : 19 жыл

Санаты: I.

Сабақтың тақырыбы : Г дыбысы мен әрпі.

Сабақтың мақсаты: Оқушыларға әріп , дыбыс туралы түсінік беру.

Білімділігі: Г дыбысы мен әрпін таныстыру; г дыбысы бар сөздерді дұрыс оқыту; сөздерге дыбыстық талдау жасауға үйрету.

Дамытушылығы: Сөздік қорын молайту, сөйлем құрастыру, байланыстырып сөйлеу және есте сақтау қабілеттерін дамыту..

Тәрбиелілігі: Көркем, таза жазуға үйрету. Гүлдердің пайдасын біле отырып

оларды баптауға , күтуге тәрбиелеу.

Сабақтың типі: Жаңа білімді игеру.

Сабақтың түрі: Аралас сабақ.

Көрнекілігі : Г дыбысына байланысты плакат, суреттер, әріптер, гүл сигналды карточка.

Сабақтың әдіс-тәсілі: сұрақ -жауап, түсіндіру, дыбыстық талдау, буынға бөлу, сөйлем құрау , жұмбақ шешу, қима қағазбен жұмыс , суретпен жұмыс т.б

Сабақтың барысы: I. Ұйымдастыру кезеңі.

 

Психологиялық дайындық

Аспан түрді түндігін,

Жерге сәуле жайылды.

Неткен ашық күн бүгін.

Қайырлы күн, қайырлы!

Балалар бүгінгі әліппе сабағымыз қалай өтсін деп ойлайсыңдар?

-Сабағымыз көңілді өтсін.

-Достарымызды сыйлайық.

-Аспанымыз ашық болсын.

-Жазуды әдемі жазайық.

Олай болса сендердің сабақтарыңа менде жақсы тілектер білдіремін.

Бүгінгі сабағымызға келіп отырған қонақтарға өзіміздің білімімізді және қандай оқушы екендігімізді көрсетейік.

 Осындай көңілдерімен келесі сұрақ тапсырмаларды беру.

 II Білімдерін тексеру.

1. Өткен сабақта қандай әріппен таныстық ? Ү дыбысы бар сөздер айқызу.

2. Баспа түрінен және жазба түрінен кім көрсетеді?

3. Ү дыбысының жазба түріндегі бас әрпін , кіші әрпін кім көрсетеді?

4. Үкі деген сөзді кім жазып көрсетеді?

5. Үкі деген сөзде неше дыбыс бар?

6. Үкі деген сөз бе, сөйлем бе? Үкі сөзін қатыстырып сөйлем құра.

7. Ү қандай дыбыс? Т.б

Оқушыларға қима қағаздар беріп қоямын ү дыбысы бар сөздер жазылған, сол сөздерді оқушылар буынға бөледі және дыбыстық талдау жасайды.

III Жаңа сабақ .

Жұмбақ жасырудан бастаймын.

Көшеде құдық қарайық,

Ұқсайды оған қай әріп? (Г)

Жұпар иісі еседі,

Жайнап бақта өседі.

Қайсы әріптен басталған,

Аты не, кім шешеді? (Гүл)

-Барлығың гүл деп айтып көрейікші. Гүл деген сөз бе, сөйлем бе?

-Гүл сөзінде неше дыбыс бар?

-Гүл деген сөзде бірінші қандай дыбыс естіліп тұр?

-Балалар ,олай болса біз бүгін «Гүл» дегенде келетін Г дыбысымен танысамыз.

Оқушыларға әріп , дыбыс туралы түсінік беру.

Г дыбысы мен әрпін таныстыру, г әрпі бар сөздерді дұрыс оқыту, сөздерге дыбыстық талдау жасауға үйрету.

Сөздік қорын молайту, сөйлем құрастыру, байланыстырып

сөйлеуге, ойлауға, есте сақтау қабілеттерін дамыту..

Көркем, таза жазуға үйрету. Гүлдердің пайдасын біле отырып

оларды баптауға , күтуге және үлкенді сыйлауға тәрбиелеу

Тақтаға Г әрпінің бас әрпін , кіші әрпін жазып көрсету .

-Қане, балалар, біздің сыныбымызда Г әрпіне келетін баланың аты бар ма? Қандай аттарды білесіңдер?

Балалардың жауаптары.

Тақтадағы суреттерге назар аудару .

Ой қозғау. Көгершінді біз қандай құс деп атаймыз?

Балалар жауаптарын тыңдау.

1) кереге 2) көгершін 3) гүл 4) сегіз (слайдтан көрсету)

кереге-буынға бөліп көрейікші. Неше буын бар?

- Г дыбысы нешінші буында?

- кереге деген сөзде неше дыбыс бар? (6)

- Ал, мынау ненің суреті?

- Көгершін деген сөзді буынға бөліп көрейік. Бұл сөзде неше буын бар? (3)

- Г дыбысы қай буында келіп тұр ?

-Осы сөзде неше дыбыс бар ? (8)

Сегіз сөзінде неше дыбыс бар? (5)

Балалар, Г дыбысы сөздің басында және ортасында келеді екен.

Кім жылдам? ойынын ойнату.

жан

Гүл наз

нұр

сім

Бұл қыздардың аттары.

Адам аттары қалай жазылады?

 

Сергіту сәті.

Тербеледі ағаштар

Алдымнан жел еседі

Кіп-кішкентай ағаштар

Үп –үлкен боп өседі

Оқулықпен жұмыс

а) Бағанадағы сөздерді оқыту (мағыналарын түсіндіру).

ә) Ақ көгершін әнін оқыту хормен оқыту (сұрақ-жауап алып түсінік беру).

«Жоқ буынды тап» ойыны

Өшір..., шең..., біл..., үлгі..., сүл..., бәй..,, көгер..., әңгі..., ше... .

Дәптермен жұмыс

1. Тақтаға Г әрпінің бас әрпін , кіші әрпін жазып көрсету .

2. Г дыбысының алдындағы әріпке, соңындағы әріпке қалай жалғанатынын

көрсету.

3.Ауада жазу

Сергіту сәті

Дәптерімізді ашайық,

Салақтықтан қашайық.

Қолға қалам алайық,

Көркем етіп жазайық.

1. Дәптерлеріне жаздыру.

2. Тақтаға сөздер жаздыру.

3. Кеспе әріптер мен сөздер жаздыру. Көгершін , егін, шеге, сегіз, егіз. Гүлжан гүл өсірді.

IV . Бекіту

Ойын «Кім зерек?»

Сөздерге сигалды карточка арқылы дыбыстық талдау жасау.

Көгершін, бетеге, шеңгел, егін.

Балалар гүлдердің қандай пайдасы бар?

Гүлдердің пайдасы көп. Гүлдер жердің сәні. Гүлдер адамға көңіл-күй сыйлайды.

Оны күтіп баптауымыз керек. Мерекелерде, туған күндерде адамдар бір-біріне гүл сыйлап жақсы тілектер айтады.

Бүгін сендер үшін мереке, міне біздерге қонақтар келіп отыр. Сіздерге менің

оқушыларым мерекелеріңізбен құттықтап гүлдерін сыйға береді.

Қабыл алыңыздар!

( Гүл салып келу оқушыларға берген озық тапсырма болатын).

Жүректен-жүрекке

 V.Қорыту.

«Ақ көгершін» әнін айтып сабақты қорыту.

 Ақ көгершін, көгершін,

Қолғанат құс сен едің.

Бар, кезіп қайт ел үшін,

Кең дүниенің көлемін.

Әділеттің құсы деп ,

Көз алмастан жолыңнан

Бақыт құсы болсын деп,

Ұшырамын қолымнан.

Ел тілегін алып ұш,

Адамзаттың бағына.

Қара бұлтты жарып ұш,

Мұхиттың арғы жағына

Сеннен көзін алмайды,

Ақ ниетті бар адам.

Ақ қанатың талмайды,

Әділеттен жаралған.

Тыныш бейбіт өмірдің ,

Белгісі боп қант қақ.

Әлемге ортақ көңілдің,

Қайт шыңына қонақтап.

VI. Үйге тапсырма. Г дыбысын оқу. Ақ көгершін әнін жаттау.

Бағалау. Жұлдызшалар, төртбұрыштар, үшбұрыштар беріп оқушылар еңбегін бағалау.