Дүниетанудан сабақ жоспары

Сабақ: Адам қалай есейеді?

Мектеп:

Күні:

Мұғалімнің аты жөні:

Сынып: 1

Қатысқандар:

Сынып: 1 «ә»

Осы сабақ арқылы жүзеге асатын оқу мақсаттары

1.2.3.2 адам өмірінің кезеңдерін сипаттау;

1.2.3.3 адамның өсуі мен дамуы үшін керек қажеттіліктерді анықтау

Барлық оқушылар орындай алады: Адам өмірінің жас кезеңдерін атайды және сипаттайды. Сәби, бүлдіршін және оқушыға қажетті заттарды ажырата алады.

Оқушылардың көпшілігі орындай алады: жастық шақ, кемелдену кезеңі, қарттық шақты бір-бірінен ажырата алады.

Кейбір оқушылар орындай алады: адам жасына қарай қимыл іс-әрекеттерін көрсете алады.

Тілдік мақсат:

Оқушылар орындай алады: балалық шақ, жастық шақ, қарттық шақ кезеңдерін ажырата алады, ерекшеліктерін түсінеді, сөздерде қолдана алады,

Түйінді сөздер мен сөз тіркестері: сәби, жасөспірімдік кезең, кемелдену кезеңі, балалық шақ, жастық шақ, қарттық шақ.

Сыныптағы диалог (жазылым үшін) сай келеді:

Талқылауға арналған сұрақтар:

- Сәби деп кімді атаймыз?

- Жасөспірімдік кезең неше жастан басталады?

- Кемелдену кезеңі деп қай кезеңді айтамыз?

- Балалық шақ, жастық шақ, қарттық шақтардың бір-бірінен айырмашылығы неде деп ойлайсың?

Бағалау критерилері

Адам өмірінің кезеңдерін сипаттай алады.

Адамның өсуі мен дамуы үшін керек қажеттіліктерді атай алады.

Құндылықтар

Біз елдің әрбір азаматының жасампаздық әлеуетін жүзеге асыру үшін жағдай жасай отырып, еңбексүйгіштік және жауапкершілік, Еңбек Адамына құрмет сынды құндылықтарымызды нығайтамыз.

Пән аралық байланыс

Сауат ашу, көркем еңбек, дене шынықтыру.

Алдыңғы оқу:

Адамның есейетіндігін біледі.

Жоспар

Жоспарланған уақыт есебі

Жоспарланған жаттығу түрлері

Ресурстар

Басы

1 минут

Ұйымдастыру кезеңі Оқулық пен жұмыс дәптерін және сабаққа керекті құралдарын түгелдету.

2 минут

Көңіл күй ахуалы. Ынталандыру.

Біз бақытты балдырған

Достығымыз жарасқан.

Жаратылыстану еліне

Батыл қадам жасаған.

2 минут

«Мозайка» әдісі.

Суреттерді құрастыру арқылы, «Балалық шақ», «Жастық шақ», «Қарттық шақ» деп үш топқа біріктіремін. Осы сөздерге назар аударта отырып, бүгінгі сабақтың тақырыбын ашамын.

Мақсат: Өзінің қалай өсіп, дамығаның туралы білетін болады.Адам өмірінің кезеңдерімен танысады.

Суретті

парақшалар

Ортасы

5 минут

Кіріспе:

Сенің інің немесе қарындасың (сіңлің) бар ма? сұрағын қою арқылы, (інісінің немесе қарындасының) жасын нақтылатамын. Сәбиді сипаттауын, не істей алатынын сұраймын. Оның дүниеге келген күнінен бастап отбасында қандай өзгерістер болғанын сұраймын.

Ширату жаттығуы. «Сен қалай өстің?» суретіне назар аударта отырып, сұрақтар қоямын.

• Жаңа туған сәби қандай болады?

• Қалай ойлайсың, ол не істей алады?

• Бала уақыт өтісімен қалай өзгереді? Ол не істеуді үйренді?

• Үшінші суретті екінші суретпен салыстыру. Сәбиде қандай өзгеріс болды? Қазір не істей алады?

• Соңғы суреттегі бала нешеде деп ойлайсың?

«Бірге ойлаймыз» әдісі

- Жаңа туған сәби қандай болады?

- Мектеп жасындағы бала мен сәбидің айырмашылығы қандай?

- Кемелдену кезеңін әңгімелеп бер.

Мақсаты: адам өмірінің бірінші кезеңімен танысады.

Оқулық

«Сен қалай өстің?» суреті

5 минут

Тәжірибелік жұмыс ұйымдастыру. Топтық жұмыс.

«Сәбиге, бүлдіршінге және оқушыға не керек?»Мынадай сұрақтар қоямын: Сәби қалай тамақтанады? Оған не беру керек? Қандай ойыншықтар керек? Әр топқа тамақтануға арналған бөтелке, емізік, сылдырмақ, текше, қуыршақ, ойыншық машина, картон, оқулық, қаламсауыт, дәптер суреттерін үлестіру. Заттарды әр кезеңнің қажеттілігіне байланысты бөлуді ұсынамын. Әр топ алған заттарын­ өмірінің кезеңдеріндегі қажеттілігіне байланысты­ төрт топқа бөліп, таң­дауының себебін түсіндіруін сұраймын.

Оқулық

Үлестірме парақша

Заттардың суреті

5 минут

Есею кезеңдері

Жұптық жұмыс. Суреттерді салыстыр.

-Адам бірден қартая ма?

-Адамның жасы ұлғайған сайын бойы қалай өзгереді?

Ойлан! Адам неліктен өседі және дамиды?

Нәрестелік кезеңнен бастап қарттық кезеңге

дейінгі суреттер

Есте сақта!

Бала сәбилік, бала шақта және жасөспірімдік шақта тез өседі. Жастық шақта өсіп-жетіледі. Кемелденген және қартайған шағында адамның өсуі тежеледі.

Жазылым

5 минут

Жұмыс дәптері

Мен қалай өстім? Сәби, бүлдіршін, оқушы.

Суреттерді бояу. Адам қалай есейеді?

Отбасыңда қанша адам бар? Олардың жастары нешеде? Кестеге олардың аттарын жаз.

Сергіту сәті

2 минут

Күлкіменен түлейік!

Қабақ түйген не керек?

Көңілді болып жүрейік.

Кел балалар, күлейік!

Күлкіменен түлейік!

Күлкі көңіл ашады,

Күліп өмір сүрейік!

5 минут

Зерттейік. 1-кезең.

Сұрақтар:

— Кім жүз метрлік арақашықтықты тез жүгіріп өтеді: атасы ма әлде немересі ме?

— Адамдар кімнен ақыл сұрайды: әжесінен бе әлде немересінен бе?

— Кім тауға тез көтеріледі: атасы ма әлде немересі ме?

2-кезең.

Ата-әжелерге не жетіспейді? (Күш, денсаулық, белсенділік). Ата –әжелер нені жақсы атқарады? (Ақыл айту, үйрену, өмірдің қиын жағдайында көмек беру). Неге? (Олардың өмірлік тәжірибесі мол).

3-кезең. «Қариясы бар үйдің қазынасы бар» деген мақалды қалай түсінетіндігін сұраймын.

Қартайған адамдарды тыңдауға бола ма?

Олар құрметке лайық па?

Соңы

3 минут

Адам өмірінің кезеңдерін өсу ретімен белгілеп (цифрмен) көрсетіңіз.

Жұптық жұмыс.

Кішкентай кезіңізден есіңізде қалған оқиғаны баяндап беріңіз.

1. -Мен кішкентайкезімде .....

Суреттер

Рефлексия

Бүгінгі сабақта болған көңіл – күйді бас бармақ салынған суреттер арқылы бағалау.