Әдебиеттік оқу Роза Әбілқадырова "Әскербектің әтеші"

Сабақтың тақырыбы: ӘСКЕРБЕКТІҢ ӘТЕШІ.

Роза Әбілқадырова.

Сабақтың мақсаты:

• Интерактивті тақтадан слайдты пайдалану арқылы жаңа ұғымды қабылдауын жеңілдету; топқа бөлу арқылы тақырыбын ашқызу;

• Оқыту мен оқудағы жаңа тәсілдердің бірі диалог әдісін қолдана отырып, Роза Әбілқадырованың. «Әскербектің әтеші» әңгімесінің идеясын түсіну;

• Оқушы әңгіменің негізгі түйінін зерделеуі;

• Тапсырмалар орындау арқылы ұжымда тыныштық сақтауға, бірін-бірі тыңдауға, жағымсыз қылықтардан арылуға, адамгершілік қасиет пен білімге тәрбиелеу.

• Шығармашылық жұмыс жүргізу арқылы дарындылықты байқау; 

• Оқыту үшін бағалау мен оқытуды бағалау арқылы білім деңгейін анықтау және жиынтық бағамен бағалау;

• Кері байланыс арқылы оқушылардың білім деңгейін анықтау.

Күтілетін нәтиже: Мәтіннің негізгі идеясын жан-жақты талқылайды, өз ойларын еркін айта алады, бірлесіп пікірлеседі, топтық жұмыс жүргізеді. Оқиғаның әрі қарай қалай өрлейтінін болжай алады. Екі баланың   іс-әрекетін салыстырады. Топпен жұмыс жасай алады Әңгімені  бөлікке бөліп Жигсо әдісімен оқиды «Мейірім» тақырыбына шағын эссе жазады.

Сілтеме, дереккөздер: Ана тілі оқулығы. 4-сынып  Ана тілі оқулығы әдістемелігі 
Көрнекілігі: интерактивті тақта, тақырып мазмұнына сай жасалған слайдтар, кері байланыс парағы, бағалау парағы 

Сабақтың барысы:

Ойсергек

Шаттық шеңбері. «Мен сенің бойыңнан мына қасиеттерді көргім келеді...» Әр оқушы жанында тұрған оқушыға өз пікірін айтады

«Ұжымда болу – бақыт»  арқылы топқа бөлінеміз.  

Оқушылар мұғалімнің қолындағы адамның әр түрлі қасиеттері жазылған парақшаларды суыру арқылы топқа бөлінеді, қасиеттері бірдей оқушылар бір топқа жайғасады (жанашырлық, достық, шындық, тапқырлық)

Топқа жайғасады, топ ережелерін бекітеді

- Балалар, біз топқа бөліндік. Топқа тапсырмалар беріледі. Тапсырма орындаған сәтте біз белгілі бір ережеге бағынуымыз керек. (Ереже шығарып алу) 
Топ ережесі: 
1. Мұғалімді тыңдау 
2. Бірін-бірі тыңдау 
3. Уақытқа бағыну 
4. Нақты сөйлеу 
5. Мадақтау 
-Сонымен қатар топта әрқайсымыз әр түрлі қызмет атқарамыз. 
Хатшы, бақылаушы, баяндамашы, басшы. 

Әр топқа тапсырма беріледі Өз топтарының аттарын қалай түсінесіңдер постерге салып , түсіндіру.

Топ басшыларын тағайындайды, бағалау критериялармен танысады

«Көзбен көр, сөзбен өр» үй тапсырмасын сұрау:

-Балалар, үйге қандай тапсырма берілді? 

- Үшінші тоқсанда Бақытжанның сабағы неге төмендеп кетті?

- Телефоннан естілген хабар Бақытжанның анасына қалай әсер етті?

- «Бармағын тістеу» дегенді қалай түсінесің?

- Бақытжанның анасы неге бармағын тістеп тұрып қалды?

- Бақытжан қандай бала?

- Әңгімеден қандай қорытынды жасауға болады?

Мағынаны тану

Тақтаға мейірімділік деген жазылған парақша ілінеді оқушылар мейірімділік сөзіне өз ассоциацияларын жазады

Жаңа сабақ Бүгінгі сабақта біз сендермен Роза Әбілқадырованың «Әскербектің әтеші» атты әңгімесінен Әскербектің кішкене жүрегінің дарқан мейрімділігі жайлы білеміз.

«Оқы да, ойыңа түй» оқулықпен жұмыс 
• Джигсо әдісі бойынша төрт топқа мәтінді оқу тапсырылады. 
• «Балық қаңқасы» әдісі арқылы мәтінді талдау(оқушылар оқып болған соң, әр топ өзінің оқыған мәтініін түсіндіреді, ал қалған топ тыңдайды). 

Сөздік жұмыс. Қиқым – бұл жерде: киімнен кесіп алынған кішкентай қиынды.

Топпен жұмыс

1-топ: Неліктен ауылдастары «Көрші үйінің қырылдауық әтеші» деп атады?

2-топ: Неліктен Әскербек досымен Сарыбастың үйіне барды?

3-топ: Әскербек досымен әтешті қалай емдеді?

4-топ:Неге әкесі бұрыңғы ойынан қайтып қалды?

Сергіту сәті

Топпен жұмыс

1-топ: Қазақтың ырымдарын ата

2-топ: Мейірімге байланысты мақал-мәтелдер айтыңдар

3-топ: Әскербектің әкесінің соңғы сөзін көшіріп жаз. Бұл сөйлемнен нені түсіндіңдер?

4-топ: Егер Әскербектің орнында болсаң, әтешті қалай емдер едің?

Дарынды оқушылармен жұмыс

«Мейірімді адам» эссе жазу

«Тобықтай сөзде түйін бар» Ой толғаныс

Әңгімеден адамдардың бойындағы қандай мінез- құлықты байқауға болады?

Әр топ өздерінің қасиеттері туралы жазылған парақшаға осы мәтін бойынша қорытынды жазады

Үйге тапсырма: мәтінді әңгімелеу, Әскербектің әкесіне өз ойыңды айтып хат жаз

Бағалау.

Бағалау парағы

Кері байланыс

«Алма ағашы» әдісі

Қызыл түсті алма- мен бүгін бәрін жақсы орындадым деп ойлаймын, менің көңіл-күйім жақсы

Сары түсті алма- мен бүгінгі сабақты жақсы түсіндім, бірақ барлық тапсырмаларды орындай алмадым

Жасыл алма-мен тапсырманы орындай алмадым, көңіл-күйім жоқ