О?ушылар?а сан есім туралы т?сінік беру. Сан есімні? есептік,реттік т?рлерін ажырата білуге баулу. Шы?армашылы? ойлау ?абілетін грамматикалы? тапсырмалар ар?ылы теориялы? ойлауын,тілін дамыту.С?здік ?орларын байыту.О?ушыларды? а?ыл-ойын,тілін дамыту. ?з бетінше ж?мыс істеуін,ойын ар?ылы ойлау ?абілеттерін дамыту.Жа?а технологияны пайдалана отырып білім сапасын арттыру.
Есептік сан есімді, реттік сан есімге айналдыра білу, реттік сан есімні? жал?ауларын ажырата білу да?дыларын дамыту.
Сабақтың мақсаты: Оқушыларға сан есім туралы түсінік беру. Сан
есімнің есептік, реттік түрлерін ажырата білу, сөйлем ішінен сан есімдерді тауып, дұрыс сұрақ қоя білуге үйрету. Шығармашылық ойлау қабілетін грамматикалық тапсырмалар арқылы теориялық ойлауын, тілін дамыту. Сөздік қорларын байыту
Дамытушылық: Оқушылардың ақыл- ойын, тілін дамыту, өз бетінше
жұмыс істеуін, ойын арқылы ойлау қабілеттерін дамыту. Жаңа технологияны пайдалана отырып білім сапасын арттыру. Есептік сан есімді, реттік сан есімге айналдыра білу, реттік сан есімнің жалғауларын ажырата білу дағдыларын дамыту.
Сабақтың әдіс- тәсілі: Түсіндіру, сұрақ- жауап, топтастыру әдісі.
Сабақтың көрнекілігі: Сөзжұмбақ.
Пәнаралық байланыс: Ана тілі, математика.
Сабақтың барысы:
І. Ұйымдастыру кезеңі:
А) белгілеу ә) дайындау б) назарын сабаққа аудару
ІІ. Өткенді пысықтау: Үй тапсырмасын тексеру, талқылау. Дәптерлерін ауыстыру.
Психологиялық дайындық.
Ашық болсын қос қабақ,
Бізге келді көп қонақ.
Бейтаныс та, таныс та,
Бүгін төрде бас қонақ.
ІІІ. Жаңа сабақ.
Балалар, бүгінгі сабағымызда «Алтын қақпа» ойынын ойнаймыз. Ойынның шарты: Алтын қақпамыз үш қақпадан тұрады. Тас қақпа, Күміс қақпа, Алтын қақпа. Әр қақпаның өз тапсырмасы бар. Үш қақпаның тапсырмасына толық жауап берсек, алтын сандыққа жетеміз. Алтын сандықтың тапсырмасын орындасақ, бүгінгі сабағымызды қаншалықты меңгергенімізді байқаймыз.
Балалар, мына сөзжұмбақтың ортасындағы сөзді кәне кім оқып береді.- Сан есім.
Иә, бүгінгі жаңа сабағымыздың тақырыбы «Сан есім туралы түсінік» біз бүгін сан есім дегеніміз не, қандай сұрақтарға жауап береді, соны танып білеміз. Заттың санын білдіретін сөздер сендерге математика сабағынан жақсы таныс. Сендер сандармен берілген әр алуан тапсырмаларды орындай аласыңдар. Бірақ сендер санды қосу, азайту, көбейту, бөлу амалдарының объектілері ретінде, санау таңбасы деп ұғынасың. Ал қазақ тілінде сан есімдер негізгі есім сөздердің бірі ретінде саналады.
Сенің жасың нешеде?
Сенің туған күнің қашан?
Қай сыныпта оқисың?
Бұл сұрақтарға жауап беру үшін сен санды пайдаланасың. Ал ол сандар белгілі бір заттың санын білдіріп тұрады.
ЕРЕЖЕ: Заттың санын, мөлшерін, ретін білдіретін сөздерді САН ЕСІМ дейді. Сан есім қанша?, неше?, нешеу?, нешінші? Деген сұрақтарға жауап береді.
Сан есім заттың санын, мөлшерін, ретін білдіріп, тікелей зат есіммен тіркесіп айтылады.
Тас қақпаның тапсырмасы:
Ендеше, мына сөзжұмабқты шешіп көрейік.
Оқулықпен жұмыс
Күміс қақпаның тапсырмалары:
456- жаттығу. Жұмбақты оқып, шешуін табу. Сан есімдерді тауып, сұрақ қою.Бұлар қандай сан есімдер (Ауызша орындату)
Екі қарауыл,
Екі тыңшы,
Бір жыршы.
Шешуі: екі көз, екі құлақ, тіл.
Дәптермен жұмыс.
457- жаттығу. Мәтінді көшіріп жаз, сан есімдердің астын сыз. Сан есімдерге сұрақ қойып, қайсысы реттік, қайсысы есептік екенін айт.
Ал, енді балалар сендер шаршаған боларсыңдар. Біраз дем алып
«Сандар сөйлейді» ойынын ойнап жіберейік.
«Сандар сөйлейді» ойыны.
4; 12; 30; 7; 365;
Үлгі: 4- Бір жылда төрт мезгіл бар.
Алтын қақапаның тапсырмасы:
458- жаттығу. Шығармашылық тапсырма.
Төрт сынып- төртінші сынып.
Алты топ- алтыншы топ.
Он айналым- оныншы айналым.
460- жаттығу. Танымдық жұмыс. Сан есімдерді тауып, сөз құрамына талда.
Бір сыңары
Кәдуілгі сұрау сөз,
Екіншісі-
Шөлге берік жануар.
Үміттенбе
Табылар деп мынау тез,
Аспай- саспай,
Бұл қос сөзді тауып ал-
Тұтас сөзде
Туған жердің нәрі бар.
Алтын сандықтың тапсырмасы:
Ал, балалар, енді біз алтын сандыққа да келіп жеттік. Алтын сандықты ашу үшін мына тапсырманы орындауымыз керек.
«Сөз ойла, тез ойла» ойыны.
Шеңбер бойында орналасқан әріптердің жүйесін тауып, үш қатар бойынша геометриялық фигураларды жинау арқылы бүгінгі тақырыбымызға байланысты қанша? Неше? Нешінші? Сұрақтарына жауап беретін сөздерді табу және сөйлем құрау.
Алтын сандықтың тапсырмасына назар аударайық.
-Балалар, Алтын қақпа ойынында барлық қақпаның тапсырмасын орындап, бүгінгі сабаққа жақсы қатысып, Алтын сандықты өзімізге қалдырдық.
