Ана бізді? к?німіз

Құрметті ата-аналар,қонақтар! Бүгінгі Аналар күніне байланысты өткізілгелі жатқан «Ана –біздің күніміз» атты ертеңгілігімізге хош келдіңіздер.

Жүргізуші: Той пердесін ашайық

Тойға шашу шашайық

Аналарды құрметтеп

Ән – маржанын шашайық

Сіздердің құрметтеріңізге: Ән: «Құттықтаймын мама туған күніңмен».

Тәрбиеші: Адам баласы үшін ең аяулы, ең қастерлі сөз - ана. Бала дүниеге келген күнінен бастап ,өзінің жұмсақ алақаны, жылы жүзі, ыстық құшағы, мейірім толы көзқарасы арқылы барлық сүйіспеншілігін, мейірімділік махаббатын бере білген. Адам бойындағы барлық қасиет күннің нұрынан, ананың ақ сүтінен таралған. Сондықтан да, балалар аналарды құрметтейік, нұрға бөлейік, аналар алдында бас иейік. Олай болса, бүгінгі мерекеміздің тақырыбы осы қасиетті «Ана» есімі болмақ.

- Ендеше, қазір балалардың аналарына арнаған жылы лебіздерін тыңдайық.

Айсұлу: Ана дейміз бәріміз де аңқылдап

Ана дейді жас сәби де жарқылдап

Ана деген бәйтерегі өмірдің

Ана деген алтын қазық, алтын бақ

Айбол:Мен үшін не керек-бәрін табасың.

Айналайын анашым,жұмысыңа барасың.

Қайтіп мені көргенде,шын сағынып қаласың.

Арман: Баланың да тірегі

Дананың да тірегі

Шаншымасын ешқашан

Аналардың жүрегі

Алана: Мәпелейсің мені, анам

Қолыңдағы құсыңдай

Құлпыра өсіп дем алам

Құшағыңда қысылмай

Әлімжан: Әлпештеген аялаған,

Ақ сүт берген апатайым.

Сәлем жазып бүгін саған,

Мейрамыңмен құттықтаймын.

О.Дильназ: Мен анамды сүйемін,

Құшағына енемін.

Мәпелеген анамды,

Қуантсам деп келемін.

Жүргізуші: Мың бұралған арулар аңдап басып

Келеді міне ортаға толқып тасып

Аруларын сыйлаған халқым менің

Көңілді қошеметпен қарсы алайық

Би: «Малинка» (қыздар мен ұлдардың орындауында)

Тәрбиеші: Ортаға  М.Аружан, Ербол, Гүлсезім,Диас, Іңкәрді шақырамыз. Келе қойыңдар.

М.Аружан:Анаң болса қасында

Басқа бақыт не керек

Аналардың жүрегі

Мейірімді ғой керемет.

Ербол: Еркелесем күлімдейтін,

Ұрысқаны білінбейтін.

Маңдайымнан иіскеп менің,

Құлыншағым күнім дейтін.

Гүлсезім: «Ана» деген сөзді де

«Апа» деген сөзді де

«Әке» деген сөзді де

«Тәте» деген сөзді де

«Аға» деген сөзді де

Хормен балалар: «Ойлап тапқан балалар»

Диас: Күнім, жаным дегенді

Құлыншағым дегенді

Ботақаным дегенді

Айналайын дегенді

Толған айым дегенді

Хормен балалар: «Ойлап тапқан аналар»

Іңкәр: Жан ана,жарық күн жанарың,

Бір сенде кеңдігі даланың.

Балаңды құшақтап сүйгенде,

Сеземін көктемнің самалын.

 Тәрбиеші:Біздің  «Қарлығаш» тобының тәрбиеленушісі Сарсибай Айсұлудың  орындауында «Аяулы анашым» ән. Қабыл алыңыздар.

Ойын: «Жапырақты  кім көп жинайды».

Ойын шарты:Ортаға екі бала шығып,жердегі жапырақтарды жинайды.Кім көп жапырақ жинаса, сол бала жеңімпаз болады.

Жүргізуші: Құлыным дейді әжем

Бірақ мен баламын

Әппағым дейді әжем

Бірақ мен қарамын – деп Шөмішбай Сариев деген ағамыздың өлеңінде айтылғандай біздің қуанышымыз бен ренішімізді анамызбен тең бөлісетін, әрқашанда мейірімді жүзбен, сағынышты көңілмен бізді қарсы алатын адам бар. Ол кім?

Балалар: Ол – біздің әжеміз.

Тәрбиеші: Осы жерде отырған әжелеріміздің құрметіне бір ән салып берейік. Бұл ән барлық балалардың әжелеріне арналады.Абілмансұров Ерболдың орындауында Ән: «Қошақаным»

С.Аружан: Таусылмайды өлеңі

Күнде айтып береді

Барған сайын қонаққа

Кәмпит алып келеді.

Әжем мені өйткені

Өте жақсы көреді.

Ильяс: Айналайын дегені

Жанға рақат береді

Көңіліңді табады

Әнді қалай салады

Ляйсан: Мені жақсы көреді,

Күндей күліп келеді,

Көп ертегі біледі,

Маған айтып береді.

Рамазан: Менің әжем –мейірбан,

Мені жақсы көреді.

Қажетіне жарасам,

Жас балаша күледі.

Тәрбиеші: балаға деген ана махаббаты «бесік жырлары» арқылы берілген. Ана баласын бесікке бөлерде ең алдымен бесік жырын айтады екен. Ендеше, біздің қыздарымыз аналарының айтқан бесік жырын айтып берсін.

Дильназ: Әлди, әлди, әл бөпем

Ақ бесікке жат бөпем

Жылама бөпем жылама

Жілік шағып берейін

Байқұтанның құйрығын

Жіпке тағып берейін.

Ойын: « Балаңды таны» ( аналарды ойнату).

Шарты: Аналардың көзі байлаулы,балалардың құлағын сипалау арқылы өз баласын тауып алуы керек.

Тәрбиеші: Бала тілі – бал дегендей балалардың шын жүрегінен шыққан, аналарына деген тілектері бар, соны оқып берейін. (әр баланың тілегі оқылады)

Тәрбиеші: Иә, баларыңыз айтқандай ауырмаңыздар, бақытты болыңыздар, әрдайым әдемі, сүйкімді болып жүріңіздер.

Тәрбиеші: Барына риза болыңыздар

Үйретерміз білмегенін

Тағы да үйретерміз аман болсақ!

Осымен бұл қызықты қорытындыласақ!

-Құрметті қонақтар! «Ана біздің күніміз» атты ертеңгілігіміз өз мәресіне жетті.Келесі кездескенше хош сау болыңыздар.