Зерде интеллектуалды ойын. 3 сынып

Теміртау қаласының №4 жалпы білім беретін орта мектебі

Интеллектуалды ойын жобасы

Өткізген: бастауыш сынып

мұғалімі Исаева А.С.

Теміртау қаласы. 2013 – 2014 оқу жылы

Мақсаты: Оқушылардың әр пән бойынша алған білімдерін тексере отырып, білм – білік дағдыларын байқау, ақыл-ой өрісін жан-жақты дамыту. Ана тілін сүюге, аталы сөзді түсінуге үйрету. Елін, жерін қастерлеп, қорғауға тәрбиелеу.

Мұғалім: Жер үстінде адам өмір өткізер,

Бар нәрсеге білім қолды жеткізер.

Бар ізгілік тек білімнен алынар,

Білімменнен аспанға жол салынар.

Армысыздар ата – аналар, ұстаздар!

Бармысыздар,

Болашақтың басталуы,

Балғын шақты балалар!

Қазір сіздер осы уақытқа дейін алған білімімізді көрсететін «Зерде» атты интеллектуалды ойынымызды тамашалайсыздар.

Ал, келіңдер, келіңдер,

Біріңе – бірің еріңдер,

Біліміңді тексеріп,

Ойынға қатысып көріңдер

(Ойынға қатысушыларды ортаға шақырамыз)

Әділ бағалайтын, сұрақтарға дұрыс жауап беруін қадағалайтын әділ-қазылар алқасымен таныстырып өтелік.

«Зерде» атты интеллектуалды ойынымыз 3 бөлімнен тұрады.

«Таныстыру»

«Бәйге»

«Ғажайып төрттік»

«Тапқырлық»

Сайысқа қатысатындарға іске сәт!

1 – бөлім: «Бәйге». Бұл бөлімде әр топқа 10 сұраққа тез жауап беру керек. Дұрыс жауапқа 1 балл

1-топ:

1. Қазақ әліпбиінде қанша әріп бар? ( 42 әріп бар)

2. Ең кіші бір таңбалы сан? (1)

3. Сұйық зат? (Су)

4. “Қ” қандай дауыссыз дыбыс? ( Қатаң дауыссыз)

5. Ешкінің төлі қалай аталады? (Лақ)

6. Бір сағатта неше минут бар? ( 60 минут)

7. Тудың түсі? (Көгілдір)

8. Отбасында жеті қыз және әр қайсысында бір-бірінен інісі бар. Отбасында неше бала бар? /8/
9. Қазақстан Республикасының президенті? (Н.Назарбаев)

10. Бетін адам ашады,

Білім нұрын шашады. ( кiтап )

2-топ:

1. Сиырдың төлі? (Бұзау)

2. Жер бетінің өсімдік өсетін қабаты? (Топырақ)

3. Балалар сөзіне қандай сұрақ қойылады? (Кімдер?)

4. Жемістер қай мезгілде піседі? (Күзде)

5. Қазақстан Республикасының астанасы? (Астана)

6.Екі өркешті жануар? (Түйе)

7. Жаяу жүргінші бағдаршамның қай түсі жанғанда жүреді? (Жасыл)

8. Бүгін аптаның қай күні? (Жұма)

9. “О” дыбыбы қандай дыбыс? (Дауысты, жуан)

10. Сылдыр сұйық, су емес ,

Iшсең шөлiң қанады.

Ақ болса да, қар емес.

Шешуiн кiм табады ?  (сүт )

3-топ:

1. Әкеңнің анасы саған кім болады? ( әже )

2. Аң патшасы?  (арыстан)

3. 35 саныңда неше ондық бар? ( 3 ондық)

4. Қанағаттанарлық сөзінде неше буын бар? (6 буын)

5. 0 * 8 өрнегінің мәні нешеге тең? (0)

6. Суда еритін заттар? (Қант пен тұз)

7. Тау сөзіндегі у дыбысы қандай дыбысқа жатады? (Дауыссыз)

8. 5 ондық, 9 бірлік нешеге тең? (59)

9. Қазақстан Ресубликасының мемлекеттік тілі? (Қазақ тілі)

10. Білімнен мол сый – асы,

Балғындардың ұясы. (мектеп )

4-топ:

1. Қа…бақ көп нүктенің орнында қандай әріп қойылады? (ң)

2. Егер 1 жұмыртқа 4 миниутта піссе, 6 жұмыртқа неше минутта піседі? ( 4)

3. 45 саныңда неше ондық бар? ( 4 )

4. Домбыра сөзінде неше буын бар? ( 3 буын, дом – бы – ра)

5. 3 * 8 өрнегінің мәні нешеге тең? (24)

6. Ту сөзіндегі у дыбысы қандай дыбысқа жатады? (Дауысты)

7. Топырақтың ең басты қасиеті? (Құнарлылығы)

8. Қазақтың тұңғыш ғарышкері? (Тоқтар Әубәкіров)

9. Өсімдік мүшелерін ата? (сабақ, гүл, дән, жапырақ, тамыр)

10. Жаздай інге тығылып,

Жатқан қызыл түлкіні

Құйрығынан суырып ,

Әкелді әкем бір күні (Сәбіз)

3 – бөлім: «Ғажайып төрттік»

Бұл тур бойынша ұпай санын (30,40,50) таңдау арқылы әр пәннен сұрақтар қойылады. Дұрыс жауапқа таңдаған ұпай саны берiледi.

Қазақ тілі

30. У дыбысы дауысты болып тұрған сөзді тап.

Жауаптары: А) ауа Б) уақыт В) көшу

40. Мәтіннің қанша түрі бар. Оларды ата.

Жауаптары: А) 3 Б) 2 В) 4

50. Х, һ, ц, ч, щ қандай дауыссыз дыбыстарға жатады?

Жауаптары: А) қатаң Б) ұяң В) үнді

Ана тілі.

30. “Ғылым таппай мақтанба” өлеңінің авторы кім?

Жауаптары: А) А.Байтұрсынұлы Б) Ы. Алтынсарин В) А.Құнанбайұлы

40. Шапшаң айтылатын бір шумақ өлең қалай аталады?

Жауаптары:А)Жұмбақ Б)Жаңылтпаш В)Мақал

50. Қабанбай батырдың шын аты кім?

Жауаптары:А)Сабалақ  Б)Ерасыл В)Қабанбай

Математика.

30. 20: х = 5 өрнектің мәні нешеге тең?

Жауаптары: А) 5  Б) 3  В) 4

40. 0 • 20 өрнегінің мәні нешеге тең?

Жауаптары: А) 0 Б) 1 В) 20

50. 20 санының жартысы нешеге тең?

Жауаптары: А) 20 Б) 40 В) 10

Дүниетану.

30. Өсімдіктің топырақ астындағы бөлігі қалай аталады?

Жауаптары:А) тамыр Б) сабақ В) жапырақ

40. Көкжиектің негізгі неше тұсы бар?

Жауаптары: А) 3 Б) 5 В) 4

50. Адамның сезім мүшесін ата.

Жауаптары: А) асқазан Б) мұрын В) жүрек

Ұпайы аз 2 топ ойыннан шығады.

3 – бөлім: «Тапқырлық»

Бұл турда топқа бір сөз беріледі сол сөзден бірнеше сөз құрастыру қажет.

Уақыты 1 минут.

Қ А З А Қ С Т А Н

Қаз, ақ, қазақ, ас, ат, ана, зат, нақ, сақ, сақа, тана, сана, қас, қан, тас.

Ұпайы аз 1топ ойыннан шығады.

«Тапқыр болсаң,тауып көр» мақал – мәтелдер көрермендермен сайысы. Мақалдың бір сыңарын айтамын, екінші бөлігін тапқан оқушыға сый-сияпат бар.

1. Білекті бірді жығады, (білімді мыңды жығады).

2. Әдептілік белгісі- (иіліп сәлем бергені).

3. Жақсыдан үйрен, (жаманнан жирен).

4. Ата көрген оқ жонар, (ана көрген тон пішер).

5. Қына тасқа бітеді, (білім басқа бітеді).

6. Арпа,бидай-ас екен, (алтын-күміс тас екен).

7. Болат қайнауда шынығады, (батыр майданда

шынығады).

8. Еңбектің наны тәтті, (жалқаудың жаны тәтті).

9. Дос жылатып айтар, (дұшпан күлдіріп айтар).

10. Ойнап сөйлесең де (ойлап сөйле).

Мұғалім: 

Бастауышта оқиды,

Ойға білім тоқиды

Бұлар бізден жалындар

Ертеңгі ірі ғалымдар

Алдыңда ұзақ жолың бар,

Оқумен өсіп толыңдар

Қиындыққа мойымай

Аман – есен болыңдар.

«Зерек интеллектуалды ойынымызды аяқтаймыз. Сөз кезегін әділқазылар алқасына береміз. Осымен сайысымыз аяқталды, көңіл бөліп тыңдағандарыңызға рахмет!