« Ұстазым- ұлағатым, үлгі-өнегем»

Тақырыбы:   « Ұстазым- ұлағатым, үлгі-өнегем»

Мақсаты: Әр баланың екінші анасындай көретін ұлағатты ұстаздардың ерен еңбектерін бағалау, құрметтеу. Оқушылардың өлең шумақтары арқылы ой-өрістерін дамыту, ұстаздарына деген құрметін сезіндіру.

Күтілетін нәтиже:Ұлағатты ұстаздар еңбегін  бағалай біледі. Өлең шумақтары арқылы ұстазға деген сезімдері оянады.

Көрнекілігі: Сахналық безендіру жабдықтары, бейнежазба, презентация, гүлдер.

Жүрісі:  1. Ұйымдастыру барысы

               2. Кіріспе сөз

           Ұстаз... Қандай қасиетті сөз!

Әр адамның жүрегіне ерекше жылулық нұрын себетін аяулы тұлға бейнесімен өзектес ұғым.  Адам баласының жүрегіндегі қадір тұтып, құрметтейтін екі ұғым болса, оның бірі-Ұстаз.

          Ұстаз деген сөз қазақ баласы үшін қашанда қасиетті, қадірлі болған. «Ұстаздан тәрбие алған» немесе «Ұстаз алдын көрген» деген сөздер «Ана тәрбиесін көрген»деген сөздермен ұштасып жатады. Ұрпақ тәрбиесі- ұстазға байланысты. «Ұяда не көрсең, ұшқанда соны ілерсің» дегендей өнегелі ұстаздан жақсы шәкірт шығатыны сөзсіз.

Армысыздар, ардақты ұстаздар! Төл мерекелеріңіз құтты болсын!

9 сынып оқушылары дайындаған «Ұстазым-ұлағатым, үлгі-өнегем» атты ашық тәрбие сағаты сіздерге арналады.

1-жүргізуші:   Әділ      

 Ұстаз деген-жарқын күні ғаламның,

 Ұстаз деген- анасы ол адамның.

Бүкіл әлем  мойындайды еңбегін,

Сен де одан адам болып жаралдың

Ұстазыңды түсінген сен тереңнен,

Бүкіл әлемге еңбегімен еленген.

Сенің бағың өрге қарай өрлесе,

Ол да бірге қуанышқа кенелген.

2-жүргізуші: Гүлсана

Сол арқылы сен де өмірді жалғадың,

Ізгі іс қой, ұстаз тілін алғаның.

Мақтау алсаң ұстаздардың алдында,

Ол өзіңнің орындалған арманың.

Ұстаз сөзін айтып жүрдік ән қылып,

Одан басқа жүрер кім бар жанды ұғып.

Ұстаз деген- ұлылылардың ұлысы.

Қасиетіне бас иелік мәңгілік!

 Хор: «Ұстазым менің»

1-жүргізуші: Әділ

Күллі өмірін жеткіншекке арнаған,

Мұғалімді ардақтайды барша жан.

Ол мектептен шықпаса да қыс- жазы,

Жемісі оның жердің жүзін шарлаған,

Бала десе ойламайды өз қамын,

Көрсем дейді күнге де қол созғанын.

Бала десе қалайды ол әрқашан,

Шәкірттердің өзінен де озғанын.

2-жүргізуші: Гүлсана

Ұстаздар!  Қандай ғажап   халықсыздар!

Шәкіртке  шыңдай биік алыпсыздар.

Жан біткен жанарына нұр сыйлаған,

Күндей боп күлімдеген жарықсыздар!

1-оқушы: Мерлан

Ұстаздың оттай ыстық алақаны,

Болған соң ойлайтыны бала қамы.

Шәкірттен ұстазыма мың сан алғыс ,

Өйткені ол ұстазымның ақ арманы!

2-оқушы:Біржан

Ең аяулы есім ғой “Ұстаз” деген,

Бар тіршілік бақытты ұстазбенен.

Ұстазды жеткізгенше мұратына,

Білім іздеп лапылдап жана берем.

3-оқушы:Перизат

Мектеп, сенсің адалдықты үйреткен,

Мектеп, сенсің жамандықтан жиренткен.

Мектеп, сенсің жақсылықты ұран ғып,              

Мектеп, сенсің мені жұртқа сыйлы еткен.

4-оқушы:Нұрдана

Мектеп деген-білім кені, жыр кені,

Мектеп деген- ғылымның ең үлкені.

Мектеп деген тәрбиеші адамға,

Мектеп деген- даналардың мекені!

5-оқушы:Гүлнұр

О,Ұстаз! Киелі ана, ардақты ана,

Өмірде саған теңеу табылған ба?

Бауыр етің мен болып бір өзіңнен,

Іздеймін әрқашанда сенен пана.

6-оқушы: Айдос

Тербетесің ізгіліктің бесігін,

”Ұстаз” деген ардақты ғой есімің.

“Білім” деген таңғажайып әлемнің,

Кілтін беріп, аштың дүние есігін!

7-оқушы: Әбділдә

Мектеп- кеме, білім-теңіз,

Барар жерге тез жетеміз.

Адаспаймыз ұлы жолда,

Білім кілті біздің қолда.

8-оқушы: Нұрбақыт

Қадірлі мектеп- бұл мектеп,

Оқыған ата-анамыз.

Атыңды сенің құрметтеп,

Әрқашан еске аламыз.

Ұстаздарға мың алғыс!

9-оқушы:Талант

Үйреткені- адалдық,

Ұсынғаны- адамдық.

 Текті мінез  даналық.

 Бар ұстазға тілейміз:

Бақыт, табыс, амандық

10-оқушы:Нұрсая

Ұстаздар- ұлттың тірегі,

Ұстаздар- мектеп жүрегі.

Ұрпаққа жетер ұстазбен,

Халықтың ұлы тілегі.