Алтын күз ашық сабағы

Сыныптан тыс шара: «Берекелі Алтын – Күз»

Түзету білімділік: Табиғаттың күз мезгіліндегі өзгерістері жайлы балалардың білімдерін кеңейту.

Түзету дамытушылық: Күз мезгілінің берекелі екенін айту, түсінік беру, ойлау қабілетін дамыту.

Түзету тәрбиелік: Балаларды еңбекқорлыққа тәрбиелеу. Жыл мезгілінің ерекшелігін байқату, табиғатты аялауға, қоршаған ортаны әсемдікті көре білуге, сезінуге тәрбиелеу.

Сабақтың көрнекіліктері:слайдт(күздің суреті, жемістер мен көкөністер суреті), мақал – мәтел, жұмбақтар, сөздіктер.

Негізгі бөлім.

Әдемі сазды әуен ойналып тұрады. Балалар тәрбиешімен бірге кіріп орындықтарға жайғасады.

Тәрбиеші: Армысыздар ұлағатты ұстаздар!

Бармысыздар жадыраған жас достар!

Балалар бүгін бізде өте әдемі, жомарт, тиянақты бірақ аздап көңілсіздеу болып тұратын жыл мезгілі Күз мейрамы!

Әдемі дейтініміз – Күз мезгілі ғана бізге әдемі сары – қызыл – алтын түстерді сыйлайды.

Жомарт дейтініміз – тек күзде ғана жеміс – жидектер піседі.

Ал тиянақты дейтініміз – көкөністер мен бидай өнімдерін тездетіп салқынға қалдырмай жинап алуымыз керек.

Көңілсіздеу болатын себебі – жаз мезгілімен, ашық аспанмен, ыстық күнмен, көңілді құстармен қоштасқымыз келмегендіктен.

Ендеше бәріміз «Берекелі Алтын – Күз » мерекесін тамашалайық!

Тәрбиеші: Әр сыныптан төрт – оқушы шығады, біреуі көшбасшы болады. Көшбасшыларын жылдың төрт мезгіліне бөлеміз(Күз, Қыс, Көктем, Жаз).

Қалған үш оқушылар тақтаға шығып, өздері таңдаған көкөністер мен жемістерді алып, артындағы жазулы тұрған айлардың аттарын оқып, қай жыл мезгіліне жататынын тауып баруы керек.

Тәрбиеші: Қыс, Көктем, Жаз Қош келдіңіздер! Бүгін бізде қонақтасыңдар. Біз сіздердің бауырларыңыз Күзді тойлаймыз! Ал сіздер отырыңыздар.

Тәрбиеші: Ендеше ортаға күз айларын шақырайық.

Күз айлары: Қыркүйек, Қазан, Қараша.

Бірінші оқушы: «Қыркүйек»

Бірінші қыркүйек
Білімге бастады,
Мал мен аң жүр билеп, 
Құс шарлап аспанды.

Екінші оқушы: «Қазан»

Жаңартқан ғаламды
Жаңбырлы ғажап ай,
Осынау заманды
Орнатқан қазан ай.

Үшінші оқушы: «Қараша»

Мол байлық тергені 
Шаттығы қаншалық
Қарашы, өрледі
Қараша ән салып

Тәрбиеші: Қыс, Көктем, Жаз мезгілдері Күз мезгіліне қандай сыйлық алып келдіңдер? Балалар күзде болатын өзгерістерді тақпақпен айтып беріңдерші.

Күз айы туралы тақпақтар айтылады:

Қуандырып  біздерді 
Өлкемізге  күз  келді
О  алақай  тамаша
Шашу  шашты  жапырақ

(Нұртас)

Куандырып  біздерді
Өлкемізге  күз  келді
Кел  жемісті  алтын күз
Кемелденген  халқымыз

(Әлім)

Күздің  қазан  айында
Алма, алмұрт  піседі
Жапырақтар  сарғайып
Сыбдыр-сыбдыр  етеді.

(Ердана)

Алқаптағы  бидайды
Қоймаға  ел жинайды
Тырнасы  тізілген
Ұнатамын  күзді  мен

(Елік)

Ағаштарды жамырап
Ұшты кенет жапырақ
Құстар қайтып барады
Көк аспанды қалықтап.

(Әсем)

Аспанды сұрғылт бұлт
Жан-жақтан жабады.
Күн бірте суытып
Жауын көп жауады.

(Иманәлі)

Тәрбиеші: Балалар күздің бірнеше түрі бар. (Экранмен жұмыс)

Күз, Алтын күз,  Қоңыр күз.

Күз дегеніміз – Қыркүйек айын айтамыз.
Алтын күз – Егіннің, көкөністер  мен  жемістердің  піскен  кезі.

Қоңыр күз – Жапырақтар  қурап  жерге  түскен кезі.

Тәрбиеші: Ал балалар, балалар

Жұмбақтарды тыңдаңдар.

Қандай жұмбақ айтсақта,

Шешпей оны қоймаңдар!

• Деп балалар, сендерге жұмбақтар жасырайын,сендер шешуін табыңдар.

Экранмен жұмыс.

1.Жазда інге тығылып,
Жатқан қызыл түлкіні.
Құйрығынан қызыл түлкіні.
Құйрығыннан суырып,
Әкелді әжем бір күні (сәбіз)

2.Жайлы жұмсақ төсегім
Домаланып өсемін
Қабат-қабат тоным бар.
Қалай оны шешемін
Бұл не? ( Орамжапырақ)

3.Қалың киім ұнатады
Шешіндірсең жылатады. ( пияз)

Тәрбиеші: Жарайсыңдар балалар жұмбақты да шеше алдыңдар!

Ойын: «Антошка, кел картоп жинайық» деп аталады.

Шарты: әуен тоқтағанға дейін әр оқушы өз шелегіне күрекпен картоп жинауы қажет. Кімде көп болса, сол жеңімпаз болады (Үш мезгілден бір оқушыдан шығады).

Ән – «Күз – айы» 4 – сынып оқушылары.

Тәрбиеші: Ал енді қонақтарымызды сынап көрейік (Мақал – мәтелдерді жалғастыр, экранмен жұмыс).

1. Еңбек түбі береке.

2. Еңбек етсең ерінбей, тояды қарының тіленбей.

3. Адам жерге нәр береді, жер адамға дән береді.

Тәрбиеші: Қане балалар осындай молшылық күз айында тағы бір ойын ойнап жіберейік!

Ойын «Ұйқасын тап» (Жапырақтар)

Би – «Жемістер» 1«д» сыныбы

Тәрбиеші: Білім – теңіз, мектепті кеме дейміз,
Білім менен тәрбие егіз дейміз.
Әдебі мен тәлімі үндесетін,
Балаларды болашаққа жетелейміз.
Қош дейміз әлі талай кештер бар,
Өнерлерің өрлей берсін ұландар

Құрметті қонақтар бүгінгі біздің «Берекелі Алтын – Күз » атты кешіміз өз соңына жетті. Көңіл қойып, тыңдағандарыңызға рахмет. Көріскенше сау болыңыздар!

«Берекелі Алтын - Күз»

Тәрбиеші: Есимова Т.К