Презентация "Е?бек?орлы? пен еріншектік." 4 сынып

Тақырыбы:Еңбекқорлық пен еріншектік

Құндылық:дұрыс әрекет

Қасиеттер:табандылық, шыдамдылық, батылдық. 

Сабақтың мақсаты:

• Оқушылардың «еңбек» құндылығы туралы түсініктерін кеңейте отырып, дұрыс әрекет жасауға баулу.

Сабақтың міндеттері:

• -еңбекқор мен еріншек туралы түсінік беру;
• -еңбекке қызығушылықтарын арттыру;
• -еңбексүйгіштікке тәрбиелеу .

Сабақтың барысы :

1.Ұйымдастыру кезеңі .Сәлемдесу.

5 ереже: талап, тәртіп, тыныштық,

тазалық, татулық

Армысың сұлу күн!

Армысың ашық аспан!

Қайырлы күн баршаға!

Тыныс алуға зейін қою. Тыныштық сәті.

2.Үй тапсырмасын тексеру. «Еңбексүйгіш пен Еріншек» (ертегі)

- Еңбексүйгіштің қасиеттерін айту.

- Еріншектің қасиеттерін айту.

• «Нағыз адамның өткен жылдары

өшпейді» дегенді қалай түсінесіңдер?

3.Жағымды ой – пікір (Дәйексөз)

Еңбек – қуаныш, жалқаулық – айырылмас азап.

Абай.

Абай атамыз 38-қарасөзінде «Күллі адам баласын қор қылатын үш нәрсе бар. Сонан қашпақ керек. Әуелі – надандық, екінші – еріншектік, үшінші залымдық, - деген екен».

4. Оқиға айту. Мұғалімнің сыйы. Мультфильм «Үш шебер»

Ойын – жаттығу: Еңбек

• Қырға шықсаң, өрлеп,(Қолды кезекпен жоғары көтереді.)
• Мұның аты – Еңбек. ( Екі қолын жаяды. )
• Кесте тіксең , зерлеп, ( Оң қолымен ине тігеді. )
• Мұның аты – Еңбек. ( Екі қолын жаяды. )
• Сабағыңа жөндеп. ( Көршісіне сол қолын жаяды. )
• Әзірленсең – Еңбек.
• Қиындықтың бәрін ( Құшағын ашады. )
• Еңбек қана жеңбек. ( Екі қолын жаяды. )

5.Шығармашылық жұмыс ( топтық жұмыс )

- Кестені толтыру:

- Еріншек – Еңбекқор ( қасиеттерін жазу )

- Еңбекқор бала мен еріншек

балаға мінездеме жазу.

- Еңбек туралы мақал-мәтел жазу.

Жақсы бала еңбекшіл

Ер азамат болады,

Қиындықты жеңіп кіл,

Құшағы гүл толады.

Қайырмасы:

Еңбекшіл осындай,

Болайықшы, досым-ай.

Таза бала мұнтаздай,

Сүйсінеді қараған.

Ұқыпты деп бұл қандай,

Жақсы көрер бар адам.

6. Топпен ән айту. «Болайықшы осындай» сөзі: әні: А. Меңжанова

7. Үй тапсырмасы. «Әдемі әже» Р. Әбілқадірова.

8.Сабақтың қорытынды сәті. (ойымызға түсіреміз)

- Бүгінгі сабақта не ұнады?

- Қандай әсер алдыңыздар?

Еңбектеріңіз үшін рахмет!