Презентация "Минь ялганьке "Якстерь тяштеня" и "Мокша" журналсь"

Минь ялганьке – « Якстерь тяштеня» и «Мокша» журналсь.

1932 кизонь январьста Саранскяйса васенцеда лиссь мокшень кяльса-валса «Якстерь тяштеня» идень журналсь. Лисендсь эрь ковня. Нилеце номерда меле лемоц полафтсь, арась «Якстерь галстук». Шарьхкодеви, сонь шамаликоц ульсь аф тячиеннеть лаца. Печатлакшневсь тюжя кагод лангс, эсонза кржаль рисункада, фотографияда. Но иттненди сонь эрь самац сякокс ульсь оцю праздникокс. Кие содасы, конашка серес кеподель «Якстерь тяштенясь», кда афоль ушеда Великай Отечественнай войнась. Зиянць сувась эрь кудти, пяшкодезе ризфта кажнайть седиенц. 1941-це кизоня сязевсь журналоньконьге эряфоц.

Журналсь, коза сатсь виец-эрьгац, сембе ломаненьконь мархта строясь шачема масторсонк од эряф, лездсь касфтомс шабатнень родинань кельгикс, тевонь содайкс. Васенце редакторкс ульсь мокшень содаф журналистсь Никита Степанович Шотин. Од тятихнень етксотольхть Илья Девин, Василий Каргин, Григорий Ельмеев, Василий Виард, Федор Дурнов, Андрей Чекашкин, Александр Малькин, Михаил Сайгин и ламотне лиятне .

Оду «Якстерь тяштенясь» васедсь лувиензон мархта аньцек 1964-це кизоня. «Мокша» журналть потмоса кармась лисендема иттненди книганя. А штоба лувомац улель сяда пара, 1972-це кизоть песта книганясь ушедсь печатлавома башка. 1988-це кизонь январьста «Якстерь тяштенясь» лийкстась «Мокшеть» паця алда и арась башка журналкс. Редакторонь тевть кармась вятемонза Мордовияннь заслуженнай писательсь Анатолий Ежов, кона пяк лама тись журналть эреклафтоманц инкса.

Эрь ковня «Якстерь тяштенясь» виде вайме ломанькс сашенды лувиензон пяли, канни од кулят тонафнихнень эряфста, азонды шабатнень эрь шинь тевснон-киснон, мяльснон-арьсемаснон колга. Содафни писательхнень, поэттнень, художникнень и республикань лия ломаттнень мархта.

Кода корхтайхть журналть лангса работайхне, што сембода пяк кеняртьфни эсонк во мезе: школьникне кучсихть редакцияв лама сермада. Эсост стихсна, ефкссна, кульф-серматф легендасна, содама ефкссна, рисункасна. «Якстерь тяштенясь» лезни тейст касфнема асуснон.

Учтама эсот лажатф мяльса,

Мес морнят морсят, кода цефкс,

Мес корхнят мархтонк идень кяльса,

И содат лама цебярь ефкс.

Ки лангонь тяштекс тейнек арак,

Катк валдце тейнек сай и сай,

Лезтт етамс сери пантт и карафт,

Катк смузце седизонк сувай.

Мзяра ба минь афолеме корхта тяса журналоньконь колга, сембось аф азондови. Вдь эрь номерса, кона сашенды эрь ковня, минь мушенттама лама одняда, интереснайда, конат кошарясамазь арьсема, тонафтсамазь улемс настоящай ломанькс.

Литературно-художественный, публицистический и общественно-политический журнал Союза писателей Республики Мордовия. Издается с марта 1928 года. С 1931 по 1941 год издавался под названием «Колхозонь эряф» («Колхозная жизнь»). С 1941 по 1956 год журнал не выходил. В 1956 году издание возобновилось под названием «Мокша». На страницах журнала публикуются прозаические и поэтические произведения на мокшанском языке, переводы классических произведений русских и зарубежных писателей