"?ліппе, са?ан мы? ал?ыс"

«Әліппемен аштық білім есігін,

Тербетеміз тәуелсіз ел бесігін!»

І-ж: Қайырлы кеш құрметті қонақтар. «Ақбота» телестудиясына қош келдіңіздер.

ІІ-ж: Қайырлы күн телестудия қонақтары.

І-ж: Ашыла берді алдымнан

Кең дүние есігі.

Соғылған сомдап алтыннан,

Әліппе білім бесігі, - деп ақын атамыз жырлағандай бүгінгі хабарымыз «Әліппеден біз не үйрендік, не білдік?» осы туралы болмақшы.

ІІ-ж: Құрметті Әліппе әпкеміз телестудиямызға қош келдіңіз.

Әліппе: Сәлеметсіздер ме?

І-ж: Әрбір әріп нұрланып,

Бізге сырын ашады.

Әр әріптен бір жарық,

Шұғыласын шашады.

ІІ-ж: Өтті оқу сан сабақ,

Бүгін үлкен салтанат.

Басқа оқулықпен достаспақ,

Әліппеміз қоштаспақ.

1-ж: Сырлы әріптер сөз түйіп,

Сыбырлап саған қарайды.

ІІ-ж: Сырларын білсең бас иіп,

Керегіңе жарайды.

ІІ-ж: Ендгі кезекті «Әріптер әлеміне саяхат» айдарына береміз.

Т - Тәуелсіз елде тұрағым, Тәуелсіздік жыр әнім!

Ә - Әспеттеп салт пен әдетті, боламыз бала әдепті!

У - Уәдеге берік боламыз, биік-биік үйлер саламыз!

Е - Елім деп мен жар салам, елімменен мақтанам!

Л - Лайым болсын ел аман, несібесі мол заман!

С - Сенімін елдің ақтаймыз, жақсы істер жасаймыз!

І - Ізгілік нұрын шашатын, жасасын Қазақстаным!

З - Зейінге бәрін тоқимыз, сабақты 5ке оқимыз!

Д - даламыздай кең пейілді, мақтан тұтам елімді!

І - Ілтипатпен үлкенді сыйлайтын біз боламыз!

К - Келешекке нақ басқан, Біз бақытты балдырған!

Әліппе: РАХМЕТ

І –о: Алфавитті білеміз,

Онда жүйе қалып бар,

Біздің қазақ тілінде

42 әріп бар.

ІІ-О: А деген ол аналар ғой ардақты,

Ә деген ол әкелер ғой салмақты.

Б деген балалар ғой бақытты,

Біздің елде үшеуі де кәделі.

ІІІ-о: Есті бала ер жетіп,

Елдің қамын ойлаған.

Ессіз бала кері кетіп,

Есерлігін қоймаған.

ІV-о: Шындықты сақтаймыз,

Шыншылды ақтаймыз.

Шаршы топ алдына,

Шығарып мақтаймыз.

V-о: Отан - менің ата-анам,

Отан- досым, бауырым.

Отан - өлкем Астанам

Отан - туған ауылым.

VІ-О: Әдептілік дегенің

Әрқашан да керегің

Әсемпаздық дегенің

Әуре сараң әлегің.

VІІ-о: Жатырқама кісіні,

Жатсынбайда түсінген,

Жәбірлеме кісіні,

Жақсылығы ісіңнен.

VІІІ-о: Қиындықтан қорықпа,

Қаймығып, еш торықпа.

Қайратың мен жігерің,

Қолқанатың жорықта.

ІХ-о: тәртіпті бала сүйеніш,

Төбең бір көкке жетеді.

Тәртіпсіз бала күйініш,

Төмендеп басың кетеді.

Әліппе: Алғаш рет өзімнен,

Білім алды балалар.

Оқу сырын сөзімнен

Біліп алды балалар.

Ризамын-ризамын,

Балалар мен сендерге жұмбақ жасырайын, деп отырмын.

Оңға қарай оқысаң да бір халық, солға қарай оқысаң да бір халық, бұл қай сөз. /Қазақ/ .Біздің ата-бабаларымыз не деді екен соны тыңдап көрейік.

І-ж: Менің тілім Қаз дауысты Қазыбек,

Әйтеке мен Төле бидің тілдері.

ІІ-ж: Олай болса, от ауызды, орақ тілді үш жүзіміздің билеріміздіңсөзіне құлақ түрейік.

Төле бидің сөзі:

Атың жақсы болса,

Ер жігіттің пырағы.

Балаң жақсы болса,

Жан мен тәннің шырағы.

Қазыбек бидің сөзі:

Біз қазақ деген мал баққан елміз,

Бірақ ешкімге соқтықпай, жай жатқан елміз.

Елімізде құт береке қашпасын деп,

Найзаға үкі таққан елміз!

Ешбір дұшпан басынбаған елміз,

Басынан сөз асырмаған елміз.

Досымызды сақтай білген елміз,

Дәм тұзды ақтай білген елміз.

Әйтеке бидің сөзі:

Ашу деген ағын су,

Алдын ашсаң арқырар.

Ақыл деген дария,

Алдын тоссаң тоқырар.

Әліппе: Ы.Алтынсарин аталарың не деген?

Ыбырайдың сөзі

Бір Аллаға сыйынып,

Кел, балалар, оқылық ,

Оқығанды көңілге

Ықыласпен тоқылық..

Оқысаңыз , балалар,

Шамнан шырақ жағылар,

Тілегенің алдыңнан

Іздемей-ақ табылар.

Әліппе: Абай аталарың не деген екен?

Абайдың сөзі.

Әсемпаз болма, әрнеге

Өнерпаз болсаң арқалан.

Сен де бір кірпіш дүниеге,

Кетігін тап та бар қалан!

І-Ж: Қазақ халқы ежелден балаларын тазалыққа, кішіпейілділікке, инабаттылыққа тәрбиелеген. Ендеше.....

ІІ-ж: «Салт-дәстүр» айдарына кезек береміз.

І-о: Бесікті жатқа сатпайды,

Бабалар рухы сынады деп.

Шаңырақты отқа жақпайды,

Киесі оның ұрады деп.

ІІ-о: Өспеген көкті жұлмайды,

Көктей соласың деп

Малды басқа ұрмайды,

Киесіне жолығасың деп.

ІІІ-о: итті кет дейді,

Аяқпен теппейді,

Ит адамға ырыс деп,

Тебуді шектейді.

ІV-о: Есікті кермейді,

Нанды бір қолмен үзіп бермейді,

Екі қолмен сындырып,

Тістеп жеуді жөн дейді.

V-о: Табалдырықты баспайды,

Есікті теуіп ашпайды,

Теуіп ашу есікті,

Сұмдық жолға бастайды.

VІ-о: Сиырды өк деп айдайды,

Түйені шөк деп байлайды.

Үйге жылан кірсе,

Басына ақ құйып,

Еппен айдайды.

Әліппе: Рахмет, бүлдіршіндерім! Өркендерің өссін.

ІІ-ж: «Оймен қане өсейік, ойлы жұмбақ шешейік» айдарына кезек береміз.

І-о: Бар білімнің бастауы,

Бар ғылымның бастауы

Жас балаға нұр шашқан,

Қандай кітап тіл ашқан. (Әліппе)

Мақал: Әліппе - білім бастауы.

ІІ-О: Қабат-қабат қаттама,

Ақылың болса, аттама. (Кітап)

Мақал: Кітап білім-бұлағы,

ІІІ-О: Жылт-жылт етеді,

Жылғалардан өтеді. (Су)

Мақал: Судың да сұрауы бар!

ІV-О: Мінсең – көлік,

Жесең – тамақ. (Ат)

Мақал: Ер қанаты – ат.

5-О: Білімнің жол басшысы,

Шәкірттің қол басшысы. (Мұғалім)

Ата-ана:

6-О: Сағат сайын соғылды,

Тек мектептен табылды! (қоңырау)

7-О: Жұқа тақтай бөлшегі,

Ұзындықтың өлшемі. (сызғыш)

Әліппе: Рахмет балалар.

І-ж: «Еңбек білім мәнінде,

Есептеймін бәрін де.

Сөз береміз ардақтап,

Ағылшын, логика пәніне»

(шыршаны безендіру)

ІІ-ж: Ендігі кезекті «Ертегілер еліне саяхат» айдарына береміз. Көрініс

.

Әліппе: Рахмет балалар. Көп нәрсе меңгерген екенсіңдер. Ризамын.

.

І -О: Білімге жолды бастаған

Әліппем саған мың алғыс

Оқы ұран тастаған

Әліппем саған мың алғыс.

2-о: Таныстырған 42 әріппен,

Хош бол менің қасиетті әліппем.

Сенің арқаң, оқи, жаза білгенім,

Сауатты ада санатына кіргенім

Ән «Әліппе».

Ауа- райы туралы Синоптик Әлішер хабарлайды.

Әліппе тұрып келіп:

Ризамын, құрметті шәкірттер.

Меңгердің болмадың босқа тер

Ана тілі атты сіңілім бар,

Сендерді жетелеп әкетер.

Ана-тілі:

Сәлеметсіңдер ме балалар?

Әліппе: балалар, енді менің сендерге айтар тілегім «Ана тілін» сүйіңдер, құрметтеңдер. « Ана тілі» әпкелеріңмен таныс болыңдар.

1-о Ана тілің арың бұл,

Ұятың боп тұр бетте,

Өзге тілдің бәрін біл,

Өз тіліңді құрметте дегім келеді.

Ана тілі: Сөйлетер сөзді шеберлеп

Өзіңнің ана тіліңмін.

Байыппен жақсы оқысаң

Негізі менде білімнің.

ХОР: Оқимыз, тоқимыз.

І-о: Ана тілім – аялайтын бір гүлім

Ана тілім – аялайтын тірлігім.

Ана тілім - әнші құсым, бұлбұлым.

Сайрап кетсе сарқылмайтын жыр бүгін.

ХОР: Ана тілін сүйеміз

Ана тілін оқимыз

1-О: Еркесі едім ата-әжемнің,

Еркесі едім әке-шешемнің.

Толдым биыл 7 ге,

Мен оқушы атандым!

2-о: Баланың да тірегі,

Дананың да тірегі,

Шаншымасын ешқашан,

Аналардың жүрегі.

3-о: Мектебім жыл ұя бесігім,

Күнде ашық мен үшін есігің,

Білімнің шуағын мол сепкен,

Ұстазым қымбат қой есімің!

4-О: Әліппе даңғыл жол ашқан,

Жаңадан пәндер жалғасты.

Әліппе сыры ұқтырған,

Рахмет ұстаз алғашқы.

І-ж: Мектеп-кеме, білім-теңіз

Бара жерге тез жетеміз

Адаспаймыз ұлы жолда

Мектеп берген білім қолда.

.

Сөз кезегін мектеп мүдіріне берміз.

Оқу ісінің меңгерушісіне сөз береміз

2-ж.

Әр күнім алып келер жаңалықты

Тоқимын, оқып біліп жаңа әріпті

Ұстазымның тынымсыз еңбегімен

Жанымда бір сағат сайын жаңартты.

Сөз кезегі Ұстазымызға берілерді.

Әке асқар тау балаға бере ниет

Ана бұлақ суыққа тонып, ыстыққа күйетін

Бала құрақ, бақытты ұрпақ қашан да

Ата-ананың арқасында сүйетін.

Ата – аналарға сөз береміз.

1-ж. Құрметті Қонақтар , хабарымызды тыңдағандарыңызға көп-көп рахмет. Келесі кездескенше хош сау болыңыздар!

Біздің хабарымыздың толық түсірілімін www.22 мектеп_13 кабинет_1^в

Сыныбына көре аласыздар.

Ақбота телестудиясында келесі кездескенше !

Дайындаған: Ашимова Перизат Султановна

1 «в» сынып жетекшісі

Семей қаласы.