«Бал күлкілі балалық шақ – бастауыш»
«Бастауышпен қоштасу -2012» Шөптікөл НОББМ
Сынып жетекшісі:
Жантлеуова Айлаззат Амангелдіқызы
Сыныбы: 4 (төртінші)
Санаты: жоқ
Еңбек өтілі: 3, 9 ай.
Лауазымы: Бастауыш сынып мұғалімі.
Мақсаты:
Бастауыш сыныбымен , алғаш қолына қалам ұстатқан алғашқы ұстазымен қоштаса отырып, әр баланың ерекшелігін таныта отырып, сәт – сапар тілеу.
Білімнің сара жолы бастауыштан басталатынын , бастауышта алған білімнің негіз болып қаланатынына көз жеткізу.
Білім берер ордасы- мектепті , ұстаздарын құрметтеп, білімге деген құштарлғын арттыру.Өз Отанынының адал ұлы мен қызы болуға тәрбиелеу.
«Шуағын төккен 4 жыл» фотомонтажы. Слайдтар.
Қанатты сөздер мен тақырып.
Көрнекілігі:
Төрт жылғы үйреніп, білгендерін көрсетеді. Өз беттерінше ертеңгілікті жүргізіп, батылдық, шешімшілдік қасиеттері артады, түрлі қырларынан көрінеді.
Күтілетін нәтиже:
Бұл оқу тамақ болар қарны ашқанда,
Жол табар қараңғыда адасқанда
Мал озбас біле білсең білім озар,
Ақыры керек болар бір сасқанда.
Толқимыз, толқып тұрмыз баршаңыз да
Мұндай күй сірә болған қаншаңызда.
Қол соғып, қошеметпен шақырайық,
4-сынып түлектерін ортамызға.
Жас жүректің өмірінің құштары бұл, Бағбан ұстаз баулыған құстары бұл Қоштасып бүгінгі күн бастауышпен Сол құстардың бір тобы ұшқалы тұр.
Бала шаққа болашақты жырлатып,
Шәкірттерге ой түзеткен сымбатты.
Күн нұрындай сәуле құйған көңілге,
Армысыздар, ұстаздарым қымбатты!
Ән әуенін теріңдер,
Бәрің бермен келіңдер.
Мың бұралған бишілерді
Тамашалап көріңдер!
Армысыздар әжелер мен аналар
Ұрпағыңыз күнде өзіңізден бата алар.
Ел дәстүрін мәңгі сақтап оқы деп,
Үйреткен ғой Абай, Ыбырай бабалар.
Армысыздар өр тұлғалы әкелер!
Қыран құстай балапанын мәпелер.
Бүгін міне бастауышпен қоштасады,
Азамат боп кешегі сәби-еркелер!
Абзал жан бар биік тұлға , байсалды,
Құшақ жая шәкірттерін қарсы алды.
Бар баланың сенгені бір өзіңіз,
Бүгінгідей салтанатты шақта бір,
Сол сенімді ақтаумен өрледіңіз.
Құттықтайды мектеп басшысы баршаңды-деп сөз кезегі мектебіміздің директоры Меңдібаева Жанаргүл Жамамбайқызына беріледі.
Үлкенге де кішіге де үлгі болып,
Жана берсін жасампаз еңбегіңіз.
Жана берсін, еңбегіңіз,жана берсін,
Мерейіне шәкірттер қана берсін.
Үлгілі анадайсыз бар балаға,
Жанаргүл Жамамбайқызы мәртебеңіз арта берсін!
Құттықтау
Армысың сен, алтын ұя мектебім
Саған айтар жыр-алғысым көп менің
Жүректерге жаққан білім шырағын,
Мектебіме арналады бұл әнім!
Айлаззат апай оқу ісін
Қадағалап отырар.
Озаттыққа жету үшін
Бізде ынта табылар.
Айтамыз, апай, сізге көп-көп алғыс,
Қашанда қасыңыздан табылармыз.
«Бастауыш – бар білімнің негізі деп
Біз сізді әрқашанда сағынамыз.
Қолыма алғаш қалам ұстатқызған
Апайым Зиада қымбат маған.
Сабырлы да салмақты қалпыменен
Қажымай үйретуден бір танбаған.
Шынығады денем дәйім,
Спорт мәңгі серігім.
Бейбіттейін ағайдың біз,
Үйрендік сан тәлімін.
Ақыл-кеңес көп қой онда ұққанға,
Ардың туын асқақ ұстап шықты алға.
Ағылшынша сөйлеуді бізге үйреткен,
Мың рахмет Назымгүлдей апайға.
Алабөтен айрықша еді талғамын,
Алғыс пенен абырой боп алғаның.
Орыс тілдің аралатқан орманын
Орны бөлек Райхандай апайдың.
Жүрегі нұр, өмірі гүл ұстаздың,
Сондықтанда ұстазыма ұқсадым.
Ақкөңіл де қарапайым қашанда,
Құрметтейміз өзіңізді Айсұлу апай ұстазым!
Ұстаз жолы қиынырақ басқадан,
Жеміс күткен гүл ашпаған бақшадан.
Жігерің мен талатыңды аямай,
Жүрсіз талай тәрбиелеп жақсы адам.
Сырлары мол әлі сыртқа шықпаған,
Шаршаса да тәрбиелеу жолында.
Жұмысынан бар бақытын тапқан жан,
Гүлзия апай неткен ғажап іскер жан.
Әке - асқар тау,
Ана - бұлақ,
Бала - жағасындағы құрақ
Марапаттау
Бастауышпен қоштасу вальсі
Кішкентай өзі ісі бар үлкен,
Тәртібі үздік, дарынды.
Оқиды жақсы сабақты бәрі,
Әсемгүлді айтамыз жырмен
Қыздардың жоқ-ау таласы.
Оқыған беске сабақты.
Математика сүйікті пәні,
Рада мықты шамасы.
Орнын білген пысық қызда бар,
Малика оның біреуі.
Әркімнің бар өнері,
Айтылар бізде бөлек жырлар бар,
Өнер түрі көп еді.
Тек екпінді боп оқып келеді.
Біздің Мәди серіміз,
Спортты жақсы көреді.
Әнді де айтып, биді де билеп,
Алдында өнер көрсетер.
Әльбина әркез мақтан боп жүрмек,
Білімпаз, өжет болсын тек.
Ұстаз тілегі
Өлкеміздің айналыңдар ертеңіне,
Сенімдердің айналыңдар серперіңе.
Ұстаздық ақ жүректен мен тілеймін,
Тек сәттілік – шәкірттерім ертеңіне.
Айналын жап-жарқын жүздеріңнен,
Аластайтын жанынды күз көңілден.
Мен сендерге мәңгілік тілекшімін,
Тілек тілеп тұратын іздеріңнен.
Жарқылдап тойға келген Маржан әжей,
Гүлдей боп көзімізге басылғандай .
Күтеміз өзіңізден ақ батаны,
Ойымызға нұр болып қосылардай
Біліммен сусап алғашқы,
Өзіңде өстім, көктедім.
Қош, ұстазым, алғашқы,
Қош, бастауыш, мектебім!
