Баяндама: "К?мекші мектепте а?паратты? технологияларды пайдалануды? тиімділігі".

Көмекші мектепте ақпараттық технологияларды пайдаланудың тиімділігі.

Баланы болашаққа дайындау – бүгінгі күннің ең негізгі мәселесі. ХХІ ғасыр- ақпараттандыру ғасыры. Қоғамды ақпараттандыру – мәдениеттің, білім мен ғылымның   дамуына ықпал ететін шарттарының бірі.

“Ақпарат” сөзі түсіндіру, баяндау, мәлімет деген ұғымдарды білдіреді. Қазіргі кезде ақпарат күнделікті тұрмысқа, ғылымның әр түрлі салаларына кеңінен енгізіліп келеді. Ақпаратты қоғамға сай баланы тәрбиелеу-мұғалімнің міндеті болып отыр.

Бастауыш сынып оқушыларына жаңа ақпараттық технологияның керемет мүмкіндіктерін кез келген пәнге қолдануға болады.

      Заман ағымына қарай сабаққа видео, аудио қондырғылары мен компьютерді қолдану оң нәтижелер береді. Кез-келген сабақта электрондық оқулықты пайдалану оқушылардың танымдық белсенділігін арттырып қана қоймай, логикалық ойлау жүйесін қалыптастыруға, шығармашылықпен еңбек етуіне жағдай жасайды.

Электрондық   оқулықтарды   сабақта пайдалану кезінде оқушылар бұрын алған білімдерін   кеңейтіп, берілген тапсырмаларды орындайды. Қазіргі кездегі компьютерлік технологияның білім беру жүйесін дамыту ісіне берері ұшан теңіз.

Электрондық оқулықтың ерекшілігі мынада: (Қосымша2)

оқушының ой-өрісін, дүниетанымын кеңейтуге, білімін бағалауға мүмкіндік береді;

өздігінен жұмыс жасауға жетелейді;

көру арқылы есте сақтау қабілеттері дамиды;

ойын арқылы ойлау қабілеттері дамиды;

Көмекші мектептің бастауыш сыныптарында  жүргізілетін сабақтардың ерекшелігі: оқушылар жылдам оқи және жаза алмайтын болғандықтан, олар суреттеме бейнелер арқылы көрсетіліп, түсіндіріледі. Сабақты қызықты жүргізуге және оларды сабақтан жалықтырып алмауға көп көңіл бөлінеді. Осы мақсатта сабақ ортасында сергіту сәттері қоса қарастырылады.(Сергіту сәттері де техникалық құралдар арқылы жүзеге асырылады)

Математика сабағында қарапайым арифметикалық амалдарды орындауға, сандарды салыстыруға, ұзындықты өлшеу т.б. тапсырмаларды қызығушылықпен орындайды. 

Ана тілі пәндерінде ақпараттық технологияларды пайдалану үлкен жеңілдіктер туғызады, мультимедиялық программалар арқылы әріп, буын, сөздерді, шағын әңгімелерді баспалап, әр түрлі ертегілерді тыңдауға, әрі эпизодтық бейнелерді көрсетуге болады. Мұндай сабақтар балалардың есінде ұзақ сақталады, тіпті балалардың пәнге деген, білімге деген құштарлығын арттыра түседі. Кейбір жұмыстарды электронды оқулықпен орындауға болады. 

Электрондық оқулық арқылы түрлі суреттер, видео көріністер, дыбыс және музыка тыңдатып көрсетуге болады. Бұл , әрине мұғалімнің   тақтаға жазып   түсіндіргенінен әлдеқайда тиімді, әрі әсерлі. Меңгерілуі қиын сабақтарды компьютердің көмегімен оқушыларға   ұғындырса, жаңа тақырыпқа деген баланың   құштарлығы оянады деп ойлаймын.

Бүгінгі талап-ақпараттық коммуникациялық технологияларды пайдалану, оқушылардың білімін дамыту, сапалы білім беру.