Просмотр содержимого документа
«Араша. Бастауыш сынып?а арнал?ан ашы? саба? »
Өлеңді мәнерлеп, түсініп оқуға үйрете отырып, мазмұнын ашу.Осы өлеңді оқи отырып оқушылардың тіл байлығын дамыту, сөздік қорын молайту, шығармашылық жұмыс істеу дағдысын қалыптастыру.Оқушылардың қайырымдылық, аяушылық сезімін ояту, мейрімділікке тәрбиелеу.
Сабақтың типі:Жаңа білім беру.
Сабақтың түрі:Кіріктірілген сабақ.
Сабақтың әдісі:Ұжымдықойлауәдісі.
Ана тілін сүйетін, жетік меңгерген, мейірімді, қайырымды бала.
Суреттер, мақал–мәтелдер, кітап,
үлестірмелі карталар,
сөздік жазылған тірек нұсқа.
1.Ұйымдастыру кезеңі
2. Үй тапсырмасын тексеру
а) мазмұнын сұрау;
ә) сұрақ-жауап;
в) шағын әңгіме.
3. Жаңа сабақ
а) мұғалімнің түсіндірмесі;
ә) сөздік жұмыс;
б) «Араша» өлеңін слайд бойынша оқу;
в) кітаптан рөлге бөліп оқу;
г) шыбынды, мысықты, итті, торғайды, құнанды
суреттеген жерді тауып оқу;
д) шығармашылық жұмыс;
е) сұрақ-жауап;
и) өлеңді мақалмен байланыстыру .
4. Бекіту
1. «ішіне», «сыртына» әдісі.
5. Бағалау
6. Үй тапсырмасы
Қастек Баянбаев
1936 жылы қазіргі Алматы облысы Қабанбай ауданында туған.Қазақтың белгілі ақыны, аудармашы. Балаларға арналған шығармалары арқылы кеңінен танылған ақынның«Балаларға базарлық», «Солақай қарт», «Қол шатыр көтерген он батыр», «Әсем әлем», «Жол», «Тәтті сабақ» т.б. кітаптары жарық көрді.
Араша – қамқор болу,
қайырымдылық
айыру
қорғау
ә) Сөздік жұмыс
Зәре құты – қорқу
жәбірлеу – қорқыту
сыңайы – сияқты
қоқаңдама – үстемдік көрсетпе
күдік – толық көзі жетпеу, сенбеу.
б)Слайд бойынша «Араша» өлеңін оқу
Сүтке малған тұмсығын
Сүртіп отыр бір шыбын.
Төгіп-шашып бұл ақты,
Артық ішкен сияқты.
Бөрткен дәндей су сіңіп,
Қарны кеткен тырсиып.
Өз салмағын ауырлап,
Алмақ еді дамылдап.
Байқап осы шыбынды,
Торғай оған шүйілді.
-Сүтке әбден тойынып,
Шыққандайсың шомылып.
Адал асын басқаның
Жетер сенің ластауың!
Мына торғай ашулы
Зәре-құтын қашырды.
Шығармақшы бір бүлік,
Қалды шыбын шыңғырып,
Мысық естіп бұл үнді,
Бері қарай жүгірді.
Мұртын талдап тараған,
Үстін сәндеп жалаған
Бар өңінде шын айбат,
Жөн сұрады мияулап:
Мына әлсіз жәндікті
Шырылдатқан қай мықты?
Торғаймысың кәдімгі,
Ағызайын қаныңды!
Мысық ыршып түсті де,
Төнді оның үстіне.
Шошып жаудан білекті,
Торғай байғұс шыр етті.
Естіп қалып бұл үнді.
Төбет бері жүгірді.
Жайын ауыз,
Жуан төс,
Томар мойын,
Тұман көз,
Ашу қысқан арландай,
Арсылдап кеп,
Салды айғай:
-Бырт еткізіп беліңді,
Сыпырамын теріңді!
Босат мына торғайды,
Бұл бейшара неңді алды?
Ит мысыққа атылып,
Алды тісін батырып.
Мысық шапшаң әрі епті,
Қапы қалып,
Шар етті.
Құнан естіп бұл үнді,
Бері қарай бұрылды.
Құрақ мойын,
Қыл құйрық,
Шоқтығы зор,
Шын жүйрік
Жерді тартып үш рет,
Айтты итке кісінеп:
-Сен, мысықты жәбірлеп,
Жатырмысың тағы илеп!
Оймай тұрып төбеңді,
Тентектікті қой енді!
Жібергендей ат теуіп,
Жан Ұшыра
Жалт беріп,
Шаңқылдады көк төбет,
Шығып алып шеткерек.
Естіп ащы бұл үнді,
Ит иесі жүгірді.
Ұзын сирақ сары бала
Қарап шығып айнала,
Көрді өзінің құнанын,
Жымиған қос құлағын.
Білмесе де дәл анық
Айтты соған қадалып:
-Қаңсылатқан мынаны
Сен шығарсың,
Сынайы.
Бұл-жөнінде жүрген ит,
Мал қайырып, үй қорып.
Қоқаңдама, сен бұған!
Түсіндің бе,
Кер құнан?
Шыдамай бұл жалаға,
Құнан айтты балаға:
-Мына төбет бүлдірген,
Арашалап жүрмін мен.
Күдік туып кенеттен,
Жөн сұрады төбеттен:
-Шу шығарған сенбісің
Неге сонша толы ішің?
Ит шыдар ма жалаға,
Шындықты айтты балаға:
-Мысық бәрін бүлдірген,
Арашалап жүрмін мен.
Қуып шындық ұшығын,
Тергеді енді мысығын:
-Айтшы, маубас, сыланған,
Сен бе шатақ шығарған?
Көнбей мына жалаға,
Мысық айтты балаға:
-Анау торғай бүлдірген,
Арашалап жүрмін мен.
Ең соңында торғайды
Тергемек боп,
Қолға алды:
-Шу көтерген сен дейді,
Құс едің ғой көргенді?
Шыдамай құс жалаға,
Шындықты айтты балаға:
-Шыбын бәрін бастаған,
Таза сүтті ластаған...
Бала жайды ойланып,
Түсінгендей болды анық.
Қырқысса да манадан,
Мыналардың бәрі аман.
Әлсізге әркім араша
Болған қандай тамаша!!!
в)Рөльге боліп оқу
г)Сұрақ-жауап.
Неге «Араша» деп аталған?
Өлеңдегі негізгі кейіпкер кім?
ғ)Шыбынды,торғайды,мысықты,итті,
құнанды суреттеген жерді тауып оқу.
д) Оқушыларға шығармашылық жұмыс.
I қатар мысық
II қатар ит
сөйлем құрау
III қатар жылқы
3-еуін байланыстыру
Сөйлемдерін жинақтау.
е) Сендер араша, қамқор болған, қайырымдылық жасаған кездерің туралы айтыңдар.
и)Мақалдарды оқу, мағынасын түсіндіру, өлеңге қатысты жерін табу.
Айран ішкен құтылар,
Шелек жалаған тұтылар.
Төбелеске бергісіз араша бар,
Хан ұлына бергісіз қараша бар.
Дәлдеп атып жауды жең,
Дәлелдеп айтып дауды жең.
Әлсіз безер,
Әлсіздің алқымын әркім езер.
IV. Бекіту.
«Ішіне, сыртына» әдісі
Жақсы қасиеттерді ішіне, жаман қасиеттерді сыртына жазу
