Отаным – ?аза?стан

Тақырыбы: «Менің Отаным – Қазақстан»

Мақсаты:

Оқушыларға Елбасы,Қазақстан Республикасының Мемлекеттік Рәміздері,

Ата заңымыз,халықтар достығы-Ассамблея туралы мағлұмат беру,еліміздің тарихымен таныстыру,еліміздің хандары мен батырлары жайында мәлімет беру.Оқушылардың дүниетанымын кеңейту,патриоттық сезімін ұялату.

Елін сүйетін, Отанға деген мақтаныш сезімі бар, рухы биік азаматтарды тәрбиелеу.

Әдісі: сұрақ-жауап,ой-толғау.

Түрі: саяхат-ойын сабақ

Көрнекілігі: суреттер, ҚР-ның рәміздері,мақал-мәтелдер, нақыл сөздер,суреттер көрмесі /оқушылар шығармашылығы/.

Сабақтың барысы: Ұйымдастыру кезеңі.

-Сәлеметсіздер ме, құрметті оқушылар! Сіздерді биылғы басталғалы отырған жаңа оқу жылымен құттықтаймын! Жазғы демалыстарыңызды жақсы өткізіп келдіңіздер деген ойдамын, енді міне 3 сыныпқа келіп, жаңа оқу жылын жаңа күшпен бастайтын уақыт келіп жетті. Келе жатқан оқу жылында сәттілік, шыдамдылық, биік белестерді бағындыруларыңды, ылғи 4 және 5 деген бағаларға оқуларыңды тілеймін.

Бүгін Қазақстан Республикасы, яғни біздің Отанымыз, алтын бесігіміз жайлы әңгімелесеміз. Ендеше,барлықтарыңызға аялдамалардан сүрінбей өтулеріңе тілектеспін.

1- аялдама «Президент.Мемлекеттік Рәміздер. Ата Заңымыз»

1.Елбасымыз кім? /Н.Ә.Назарбаев туралы мәлімет беру/

2.Тұңғыш Президентіміз қашан сайланды? /1-желтоқсан 1991ж/

3.Мемлекеттік Рәміздер.Авторлары.Сипаттамасы.

Егеменді Қазақтан!

Ән ұраным – жан ұраным,

Айтар әнім – сөйлер сөзім,

Туған жерім сағынарым.

Мәңгі бақи шырқалады,

Республика әнұраны.

Бүгін әрбір мемлекеттің ғасырлық тарихына байланысты рәміздер бар. Мемлекеттік рәміздер бұл халық бірлігінің белгілері. Қазақстан Республикасының да өз рәміздері бар. Мемлекеттік рәміздерді құрметтеу - әрбір азаматтың міндеті.

4. Қазақстан қашан тәуелсіз ел болды? (1991 жылы 16 желтоқсан)

5.Мемлекеттік тіл? /қазақ тілі/

6.Үштұғырлы тіл? /қазақ,орыс,ағылшын тілдері/

7.Ұлттық валютамыз? (теңге)

8.Ата заңымыз қашан қабылданды? (1995ж.30тамызда)

9.Ата заңымыз туралы.

Бұл жаңа Конституция Қазақстанның төртінші Ата заңы. (1937, 1978, 1993, 1995) Оның құрылымы кіріспеден, 9 бөлімнен, 98 баптан, көптеген тармақтар мен тармақшалардан тұрады. Конституция – барлық заң салаларының негізі, ал оның нормалары – басқа заңдар үшін басты қағида болып есептеледі. Конституция дегеніміз – қоғамдық және мемлекеттік құрылыс негіздерін, мемлекеттік органдар жүйесін, олардың түзілу реттілігі мен қызметін, азаматтардың құқықтары мен міндеттерін айқындайтын мемлекеттік заң.

***Суретпен жұмыс.Оқушылар шығармашылығы.

2-ші аялдама « Ел тарихы - жер тарихы.Қазақ хандығына-550 жыл»

Бiрлiк түбi- береке,

Береке түбi-мереке.

Ақ бiлектiң кұшiмен,

Ақ найзаның ұшымен

Ел болуды ойлаңдар!

Тәуелсіздік жолында талай жандар құрбан болып, елім деп еңіреп өткені белгілі. Талай кезең қиын-қыстау, қуғын-сүргінді ата-бабаларымыз басынан кешті. Қазақстан Республикасының президенті Н.Ә.Назарбаев: «Біз Қазақстанның тәуелсіздігінің оңайлықпен келмегенін біліп оны қадірлеуіміз керек. Әрбір Қазақстанның азаматы мақтанышпен Елтаңбаны, Әнұранды, Туды көтеруі керек. Әрбір азамат өз Отаны үшін еңбек етуге, жанын қиюға міндетті»-деген.

Туған жердей жат жердің болмайтыны – ақиқат,

Оған көңілің ешқашан толмайтыны – ақиқат.

Алтын торда алтын құс өсірсең де, бұлбұл құс

Өскен бағы болмаса, қонбайтыны – ақиқат.

Еліміз тәуелсіз ел атану үшін біздің Отандастарымыз, ата-бабаларымыз көп тер мен қан төккен, біздің елдің болашағы үшін өмірлерін қиған. Қабанбай, Бөгенбай, Наурызбай, Абылай сынды еліміздің батырлары жоңғарлармен соғыста ерлік көрсетті.

1.Қазақ хандары /Тәуке хан,Абылайхан,Жәңгір хан,Шыңғысхан/

2.Қазақтың билері /Төле би,Қазыбек би,Әйтеке би/

3.Қазақтың шешендері /Қарашаш,Жиренше/

Сергіту сәті:

Отан,жер,бірлік,ынтымақ,достық туралы мақал-мәтелдер.

3-ші аялдама «Халықтар достығы-Ассамблея»

«Бірлігі жоқ ел тозады, бірлігі күшті ел озады» дейді қазақ мақалы. Қазақстан мемлекеті көп ұлтты. Біздің елімізде жүз отыздан астам ұлттар тұрады: ұйғыр, кәріс, дүнген, өзбек, қырғыз, түрікмен, тәжік, армян, әзербайжан, украин, белорус, түрік, шешен және тағы басқа шет мемлекеттен келген ұлттар біздің елімізде тіршілік етуде. Біз олармен татумыз, доспыз және бір - бірімізбен қоян - қолтық аралас өмір сүрудеміз. *** Ағайын - туған - бар адам. Адалдық үшін жаралған. Бар қымбат туыстық, Баянды болсын тыныштық! – *** Қырғыз, қазақ, өзбектер, Монғол, ұйғыр, дүнгендер, Армян, тәжік, грузин, Орыс пенен украин Терезесі тең жатыр – Халқымыз достық, ынтымақтастыққа ерекше мән берген «Қырғыз, қазақ - бір туған», «Өзбек - өз ағам», «Түбі бірге түрікмен» деп қырғыз, өзбек, түрікмен және т. б. ұлттарды ынтымақтастыққа шақырған. Бірлік — халық салты. Халқымыздың бірлік салты отбасынан басталып, бүкіл елдің, барлық адам баласының бірлігімен ұласады.

Тәуелсіз Қазақстан – ұлы Отаным,

Көк туымды қалайша құлатармын.

Тып-тыныш тұрып жатқан жайымыз бар,

Бәріміз баласындай бір атаның.

Елімізде бақ-береке, ырыс болсын,

Қызыл тілім қанжардай қылыш болсын.

Халқымның ахуалы дұрыс болсын.

Отанымыз әрқашанда тыныш болсын!

1.Достық.Халықтар достығы туралы. /Ой-толғау/

2.Ассамблея.Маңызы.

3.Биылғы жыл қандай жыл болып белгіленді? /Ассамблеяның 20-жылдығы/

Қорытынды:

Арыстандай айбатты,

Жолбарыстай қайратты,

Қырандай күшті қанатты –

Мен жастарға сенемін!

Мен сенемін жастарға:

Алаштың атын аспанға

Шығарар олар бір таңда,

Мен жастарға сенемін!