Қаратпа сөзді қайталаймыз.

Сабақ жоспары №4

Оқу ісінің меңгерушісі:_________________

Пәні:қазақ тілі 4 «Ж» сынып мерзімі: 5.09.13ж

Сабақтың тақырыбы: Қаратпа сөзді қайталаймыз.

Сабақтың мақсаты:

Білімділік: Қаратпа сөз және қаратпа сөздің тыныс белгілері туралы алған білімдерін пысықтау.Жаттығуларды орындата отырып, қаратпа сөз,оның тыныс белгілері жайлы білімдерін бекіту.

Дамытушылық: Диалогтік сөйлеу дағдыларын дамыту.Танымдық қабілеттерін, қиялдарын, сабаққа қызығушылығын арттыру.

Тәрбиелік: Еңбексүйгіштікке,ұжыммен бірігіп жұмыс жасауға,әдептілікке баулу.

Сабақтың түрі: аралас.

Әдістер: ойын әдісі, топпен жұмыс, бекіту

Сабақтың барысы:

І. Кіріспе бөлім.

І.Жансүгіровтың «Шәркей» әңгімесінен үзінді оқимын.

Ақ қозы үлкен болды. Кішкене күндегі әдемі ақ бұйра жүндері ұзыннан-ұзын болып кетті. Шәутен де өсті.. Жамаулы жаман шәркейі кішкене болып, аяғына сыймай қалды.

• Апа, шәркейім аяғыма сыймай қалды, - деді.

• Ендеше, ақ марқаңды қырықтырып әкеле ғой, балам, - деді апасы.

Шәутен Сансызбайға марқасын қырықтырады.

Шәутен асапысына:

• Апа ,марқаны қырықтырып, жүнін әкелдім. Енді шәркейім болды ма? –деді.

Апасы:

• Жоқ балам, жүнді сабаймын –деді...

Сөйлемнің басында, ортасында және соңында келген қаратпа сөздерді табу.

• Қаратпа сөз дегеніміз не?

• Қаратпа сөз сөйлем ішінде қандай тыныс белгісімен ажыратылып жазылады?

ІІ. Негізгі бөлім

Оқушылардың есіне назар аудару мағынасында айтылатын сөздердің түрін қаратпа сөздер деп аталатындығы, көбінесе қаратпа сөз мағынасында адамға байланысты жұмсалатындығы, қаоатпа сөздің негізгі тыныс белгілері –үтір мен леп белгісі мысалдар келтіру арқылы түсіндіріледі. Үтір мен леп белгісінің қайсысының қойылатыны қаратпа сөздің қандай дауыс ырғағымен айтылатынына байланысты екені түсіндіріледі. Міне, оқулықтағы жаттығулар осыған байланысте берілген.

Оқулықтағы жаттығулар орындалады.

Оқулықтағы 5-жаттығу-шығармашылық тапсырма. Оқушылар көп нүктенің орнына тиісті аттарын өлең сөздеріне ұйқастырып жазып, қаратпа сөздерді табады.

1. Қарға, қарға, қарғалар,

Қар үстінде жорғалар.

1. Кекілік-ау, кекілік,

Кетіп қалма секіріп.

1. Сауысқан-ау сауысқан,

Сақтанасың дауыстан.

Тырау, тырау, тырналар,

Тамаша әнін тыңдап ал.

ІІІ. Сабақты қорытындылау.

а) Шығармашылық диктант. Тақтаға төмендегідей мысалдар жазылады. Көп нүктенің орнына тиісті қаратпа сөздер қойлып, оқытылады.

1. Өмір жасың ұзақ болсын,...! 2. Ой, ...,....! Ойналық та күлелік. 3..., бұдан былай мақтанба, әркімнің өз өнері, өз орны бар. 4.Рақмет, ...!

Керекті сөздер: Сәкен қарағым, балалар, балалар, балақай, балам.

ә) Сабақ барысында оқушылардың алаған білімдерін пысықтап, мынадай қорытынды шығарды:

Қаратпа сөздің ережесі.

Қаратпа сөз сөйлемнің ортасында келсе, үтір оның екі жағынан қойылады.

Қаратпа сөз сөйлемнің соңында келсе, үтір оның алдынан қойлады.

Қаратпа сөз сөйлемнің ішінде көтеріңкі дауыс ырғағымен айтылса, леп белгісі қойлады.

IV. Үйге тапсырма. 5-жаттығу беріледі.