Буын мен тасымал

Сабақ жоспары

Оқу ісінің меңгерушісі:_______________

Пәні: Қазақ тілі

Күні:  02.09.2013

Сыныбы: 2 «Ж»

Тақырыбы:  Буын және тасымал

Мақсаты:

Білімділік:  Буын және тасымал туралы 1- сыныпта алған білімдерін еске

түсіру. Дауысты дыбыстың буын құрайтыны, буынға бөлінген сөздердің барлығы бірдей тасымалдана бермейтіні туралы білімдерін тереңдету.

Дамытушылық:   Буынға дұрыс бөлуге, тасымалдай білу дағдыларын  қалыптастыру, танымдық қабілеттерін  дамыту.

Тәрбиелік: көркем жазуға, тазалыққа, шапшаңдыққа, адамгершілікке, сұлулыққа  тәрбиелеу.

Сабақ типі: аралас сабақ. 

Әдісі: сұрақ-жауап, түсіндіру, әңгімелеу.

Көрнекілігі  үлестірмелі материалдар, суреттер, кестелер

 Барысы:                                       

I  Ұйымдастыру кезеңі:

1. Оқушыларды қарым – қатынасқа психологиялық дайындау.

2. Сәлемдесу, оқушылардың сабаққа дайындығын тексеру.

ІІ  Үй тапсырмасын тексеру кезеңі:

Сұрақтар қою арқылы оқушылардың ойын қозғау.

1.     Буын дегеніміз не?

2.     Сөздерді қалай буынға бөлеміз?

3.     Бір буынды сөздерге мысал келтіріңдерші?

4.     Екі буынды сөздерге де мысал келтіріңдерші?

ІІІ Жаңа сабақ

 1. Қызығушылығын ояту

 - Буын карточкаларымен жұмыс жүргізу.

 1-жаттығу

Сурет арқылы жұмыс

1. Суреттегі заттардың атауларын атату

2. Атауларды буынға бөлгізу.

3. Буын санын анықтау.

4. Буын санының дауысты дыбысқа байланысты екенін аңғарту.

5. Тасымалдау түрлерін көрсету.

2-жаттығу (Ауызша)

 1. Өлеңді іштей оқу.

2. Бірнеше оқушыға буынға бөле отырып оқыту.

3. Буын құрамын анықтау.

4. Бір дауысты дыбыстан тұратын буындарды табу.

3-жаттығу

1. Буын және сөздер жазылған екі баған салыстырылады.

2.  Буындардан сөз құрау жарыс түрінде өткізіледі.

3. Сөздерден сөйлемдер құралады.

4. Сөйлемдегі сөз саны анықталады.

Сергіту сәті

4-жаттығу

1. Соңғы сөйлемдегі 3-4 буынды сөздердің тасымалдану түрін көрсету.

2. Тасымалданбайтын сөздерді табу.

3. Неліктен тасымалданбайтынын анықтату.

Дәптермен жұмыс.

1.     Сөздерді буынға бөліп жаздыру, тасымалданбайтын сөздердің астын сызу.

2.     Гүлдерде берілген буындардан екі құстың атын құрастыру, сол буындарды бір түспен бояу.

3.     Буындардан сөздер тізбегін құрастыру.

4.     Оқып, сөз бен буындардың астын сызып шығу.

IYЖаңа сабақты қорыту

1. Үлестіремелі материалдармен жұмыс.

- Буын дегеніміз не?

- Тасымал дегеніміз не?

- Тасымал неге байланысты?

- Қандай сөздер тасымалданбайды?

Балалардың қолдарына қағаз беріп, ол қағазға кез келген бір буынды жазып, қасындағы отырған жолдасына бергізу, сол буындардан сөз құрау.

Y Үйге тапсырма

Ережелерді қайталау, 5-жаттығуды орындау.

YI Бағалау

Сабаққа жақсы қатысқан оқушыларды мадақтау арқылы бағалау.