Астана Ашы? саба?

Кенен Әзірбаев атындағы №15

орта мектептің бастауыш сынып мұғалімі

Ержанова Балтагул Зулхарнаевна

Сабақтың тақырыбы: Астана

Сабақтың мақсаты: 1. Оқушыларға Астана мәтіні бойынша түсінік беру. Сөздік қорларын молайту.

2. Есте сақтау, ойлау қабілеттерін дамыту.

3. Отанға деген сүйіспеншіліктерін патриоттық сезімдерін оятуға тәрбиелеу.

Сабақтың көрнекілігі: Астана суреттері, сөзжұмбақ, алтын қақпа

Сабақтың әдісі: аралас сабақ, интерактивті тақтаны пайдалану.

Сабақтың барысы: I. Ұйымдастыру кезеңі

- Сәлеметсіңдер ме балалар! Бүгін біздің сабағымызға қонақтар келіп отыр екен. Ендеше келген қонақтармен амандасайық.

Үлкенге де «сіз»

Кішіге де «сіз».

Сәлем бердік бәріңізге

Құрметпенен біз.

- Жақсы балалар, отырыңдар. Бүгін сабақта 5* 4■ 3▲-пен бағаланасыңдар.

- Балалар, біз өткен сабақта қандай тақырыпты өттік?

- Отаным.

- Жақсы балалар, қазір біз үй жұмысын айтуға дайындаламыз.

- Отаным тақырыбын кім айтады. (3-4 оқушыдан сұрау)

- Қорыта келе мына сұрақтарға жауап берейік.

1. Қазақстан дүние жүзі бойынша нешінші орынды алады?

2. Қандай тауларды білесіңдер?

3. Елімізде өсетін қандай қасиеті бар дәрілік өсімдіктерді білесіңдер?

4. Қандай аңдарды білесіңдер?

5. Туып өскен жеріңнің табиғат байлығын сақтауға қандай үлесіңді қосасың?

Ойын: «Кім жылдам?» (3мин)

Отан туралы мақал- мәтел кім айтады?

- Жақсы балалар, біз өткен тақырыпты қайталау арқылы мына жасырынған сөзді табайық.

1. Туып өскен жерімізді қалай атаймыз? (Отан)

2. Тіршілік көзі? (су)

3. Әкеңнің әкесі сендерге кім боп келеді? (ата)

4. Әке- шеше, ұл, қыз- бәрі қосылып нені құрайды? (отбасы)

5. Бейбітшілік құсын ата (көгершін)

6. Көк байрақ туымызда қай құс бейнеленген? (қыран)

- Міне біз жасырын сөзді де таптық. Қандай сөз шықты екен? Қане, оқышы.

АСТАНА тақырыбы.

- Балалар біз қандай республикада тұрамыз?

- Біз ҚР-да тұрамыз.

- Ия дұрыс айтасыңдар, ҚР тәуелсіз мемлекет. Қазақстан Республикасы жерінің үлкендігі жағынан дүние жүзінде алдыңғы қатарлы мемлекет.

- Оның астанасы қай қала?

- Астана қаласы.

- Бұл жаңа Астана, жаңа бас қала.

- Балалар, біз жаңа айтып кеттік астанамыз Астана қаласы деп. Біз Астана туралы мәліметтерді мына суреттерден көре аламыз.

1-слайд. «Ақмола, Целиноград, Есік өзендерін көрсету».

Астана қаласы ең алғаш Ақмола, кейіннен тың игеруге байланысты Целиноград болып аталды. Астана қаласы Есіл өзенінің бойында орналасқан.

2-слайд. «Бәйтерек».

Бәйтерек монументі қазақ ертегісі «Ер Төстіктегі» өмір ағашын бейнелейді. Бәйтеректің биіктігі 97метр. Мұнда табанының ішінде кең холл бар, онда 2лифт, инженерлік үй- жайлар, жеделдету камерасы, электр қалқаны бар.

3-слайд. «Астанаға 10 жыл. Президенттің сарайы, Әйтеке би, Төле би, Қазыбек би».

2008 жылы Астананың 10 жылдығын халық болып тойладық. Астана – бас қала. Астанамыз қазір үлкейіп, өркендеп келе жатыр. Көшелері кең, онымен көп машина, трамвайлар, микроавтобустар жүреді.

Оқулықпен жұмыс:

1. Дауыстап оқу.

2. Тізбектей оқу

3. Сұрақ- жауап

Сергіту сәті:

Көк байрақ желбіре

Асқақтап аспанда.

Жас ұлан ол бірге

Сап түзе, жасқанба!

Дәптермен жұмыс:

Ақмола→ Целиноград→ Астана

- Балалар, сендерге бүгінгі сабақ түсінікті ме?

-Түсінікті.

- Түсінікті болса, қазір біз «Алтын қақпа» ойынын ойнаймыз.

Сабақты қорыту:

Ойын: «Алтын қақпа».

- Викториналық сұрақ- жауап ойынымызды бастаймыз.

Шартымен таныстыру: Алтын қақпаның 3 қақпасы бар сол қақпаларды ашуымыз керек. Ең бірінші тас қақпаны, содан кейін күміс қақпаны, одан кейін алтын қақпаны ашуымыз керек. Алтын қақпаны ашқаннан кейін алтын қақпаның ішінде алтын сандық бар. Ол үшін мына сұрақтарға жауап беріңдер.

- Біздің астанамыз қай қала?

- Астанамыз 10 жылдығын қай жылы атап өтті?

- Бәйтерек қандай ертегі желісімен салынған?

- Астана қаласы қай өзеннің бойында орналасқан?

- Балалар міне біз алтын сандықты да аштық. Алтын сандықтың ішінен көктемде ең алғаш шығатын бәйшешек гүлі шықты. Алтын сандықтың да тапсырмасын орындадық. Бұдан біз сендердің алғыр, ойшыл, зерек екендіктеріңді байқадық.

- Балалар сендерге бүгінгі сабақ ұнады ма?

- Бүгінгі сабақ сендерге ұнаса алдарыңда тұрған қолдың суреттерін бәйтеректің басына жабыстырыңдар, егер ұнамаса төмен жағына жабыстырыңдар.

Алтын қала Бас қала Отанымның жүрегі

Асқақ арман қала ← Астана → Ару қала

Елордамның тарихы

Үйге тапсырма: «Астана» мәтінін түсініп оқып, мазмұндап айтып келу тапсырылады. 141-143- беттер.