"Жайдарлы жаз қызықтары" көңілді эстафета

Тақырыбы: «Жайдарлы жаз қызықтары» көңілді эстафета
Эстафеталық ойынның мақсаты: Балаларды бір ортақ мақсатқа жұмыла білуге, ұжымшылдыққа баулып, қимыл - әрекетке жаттықтыру. Салауатты өмір салтын ұстануға баулу. Спортқа деген қызығушылығын арттыру.
Түрі: Эстафеталық ойын.
Көрнекілігі: Түрлі - түсті шарлар, доптар, кедергілер, жалаушалар, ысқырық, уақыт өлшеуіш, секірме, айналмақ.

 Жүргізуші: Құрметті ұстаздар, балалар. Бүгінгі «Жайдарлы жаз қызықтары» көңілді эстафетасына қош келдіңіздер! Балалар сендер спорт, денсаулық дегенді қалай түсінесіңдер?Сендерде өз ойларыңды бізбен бірге бөлісіп, өз білетіндерің туралы айтып беріңдерші:

 1 оқушы

Шынықсаң шымыр боласың,
Сауығып айдай толасың.
Спортты серік ете біл,
Жақсы азамат боласың.

2 оқушы

Жеңімпаз болу оңай ма,
Арман болған талайға?
Болмасаң да ұқсап бақ,
Жарысқа түсіп қалайда.

3оқушы

Спорт – көркі өмірдің,
Спорт- досың, серігің.
Жаттықсаң шымыр боларсың,
Шынығып, өсіп, толарсың

4 оқушы

Денсаулық ол - күлуің
Көңіл – күйің жадырай,
Денсаулық ол – жүруің,
Ешбір жерің ауырмай.

5 оқушы

Ұшақтан да ұшқырмыз
Желден де озған жүйрікпіз
Жарысуға сендермен
Келіп тұрған мықтымыз

Жүргізуші: -Қандай тамаша, балалар сендер де денсаулыққа немқұрайлы қарамай денсаулықтарыңды күтулерің қажет. Ең бастысы спортпен дос болу керек екен. Бүгінгі күн ерекше күн, балалар!

-Ұстанған салауатты өмір салтын,
Жасқанып, ешқашан да мойымайтын,
Болашақ спортшылар келді ортаға
Қол соғып қарсы алайық, қане, халқым! Сонымен ойынымызды  бастауға рұқсат етіңіздер!
- Жарайсыңдар балалар, олай болса жарысымызды бастамас бұрын денемізді қыздырайық, сендерді ортаға дене қыздыру жаттығуына шақырамын.
- Құрметті сайыскерлер! Сіздерге сәт сапар! Сонымен сайысымызды бастаймыз:
І. Кезең. «Қос аяқпен секіру»
Шарты: Қос аяқпен берілген бес шеңбер ішіне секіріп, кері қарай тап солай тапсырманы орындау. Эстафетаны келесі ойыншыға беру, ойынды бірінші болып бітірген топ жеңімпаз болып есептелінеді. Бағалау.
ІІ. Кезең. «Ирелеңдеп  жүру»
ШартыҚойылған кедергілер бойымен ирелеңдеп жүріп барып, белгіленген конусты айналып, кері қарай тік жүгіріп қайтады. Эстафетаны келесі ойыншыға беру, ойынды бірінші болып бітірген топ жеңімпаз болып есептелінеді. Бағалау.
ІІІ. Кезең.  «Доппен трюктар»
Шарты: Балалар доптың үсімен секіріп барып, шапшаңдылықпен жүгіріп келу, ойынды бірінші болып бітірген топ жеңімпаз болып есептелінеді. Спорт – көркі өмірдің,
Спорт - досың, серігің.
Жаттықсаң шымыр боларсың,
Шынығып, өсіп, толарсың, - демекші салауатты өмір салтын ұстанып, спортты серік етейік достар!
Ү. Кезең. «Акробатика» 
Жүргізуші: Көрсетті міне өз өнерін балалар,
Сайыстың да соңы жетіп таянар
Дені сау, мықты, епті, ақылды
Спорт сүйгіш боп өсіңдер, балалар!
Мінеки балалар, бүгінгі сайысымыздың соңына да келдік.
- Сендерге ойындар ұнады ма?
- Алдағы уақытта спортпен шұғылданып, ертеңгісін жаттығулар жасап жүресіңдер ме?
-Жарайсыңдар, балалар!

-Осымен салауатты өмір салтын сақтау бағытына арналған «Көңілді старт» эстафеталық ойыны аяқталды. Баршаңызға зор денсаулық тілей отырып, көңіл қойып тамашалағандарыңыз үшін алғыс айтамыз!