Тәрбие сағаты "Ана- өмірдің шуағы"

Тәрбие сағатының тақырыбы: Ана өмірдің шуағы.

Мақсаты: Балаларды өмірдің жылылығына баулу;тәрбиелеу.Ана деген қасиетті ұғымды жоғары деңгейде ұстай білу ,бағалау. Ана өмірдің шуағы екенін сезіндіру.Нәзік жандарды аялауға ,құрметтеуге тәрбиелеу.

Сабақтың барысы:

Мұғалім: Армысыздар, аналар ,қыздар ,ұстаздар.

Ардақты ана, аяулы ана, қымбаттым,

Тәтті ұйқыңды бөліп талай түн қаттың

Өміріме нәрін берді ақ сүтің,

Кең құшағың аясындай гүл бақтың,

Ер жеткізіп елге берген баласын,

Ақылдысың , ардақтысың ,данасың,

Қарайтыным қас қабағың бір сенің

Қайраттыңнан қайта көрме анашым –дей келе бүгінгі тәрбие сағатымызды бастауға рұқсат етіңіздер.

№1 Ана туралы жыр шашулар:

1-оқушы Ахат Құттықтаймыз аналарды ,қыздарды,

Мерекеден шуақты бір із қалды,

Болсын әркез көтеріңкікөңілдер,

Нұрын шашсын мерекеге өңірлер.

2- оқушы Рауан Ерлік еткен біз үшін

Еңбек еткен біз үшін

Еркелеткен біздерді,

Еркіндеткен біздерді.

3- оқушы Қарақат Мен үшін не керек бәрін іздеп табатын,

Айналайын анашым ,жұмысына барасың,

Қайтып мені көргенде шын сағынып қаласың.

4-оқушы Думан Жарқын жүзді жан анам,

Сендей болсын бар адам,

Сендей болса бар адам,

Шаттық кетпес баладан.

5- оқушы Еркежан Ана деген – бәйтерегі өмірдің

Ана деген- қуанышы өмірдің

Ана деген- әр бір үйдің жылуы

Ана деген –гүлі туған өмірдің.

6- оқушы Бейсен Әр сөзімді жаттаған,

Жүрегінде сақтаған,

Анашым деп мақтанам,

Айналайын ақ анам.

7- оқушы Айхан Ақ қабақты анашым,

Күн сәулелі анашым,

Әлпештеген баласын,

Айналайын анашым.

8- оқушы Нұрай Аман бол деп балдырған,

Әділдікке баулыған,

Қуанышты күн енді,

Құттықтаймыз Сіздерді.

№2 Ойын Қыздардың аналарымен

№3 КВН ұлдардың орындауында

№4 Ән Аяулысың ауылымның асылдары

Жайнасын көңілдердің жасыл бағы

Сендер үшін ән мен күй, өлең мен би

Сендер үшін мереке шашулары.

Ақ мамам- әні орындайтын: Дүйсенбек Амина

№5 Мұқағали Мақатаев Арулар Орындайтындар: ұлдар тобы

№6 Ойын Ұлдардың аналарымен.

№7 Би .Орындайтындар : Қыздар би тобы.

№8 Ана туралы жыр шашулар:

1. оқушы Аққу Ана дейміз бәріміз де аңқылдап,

Ана дейді жас сәбиде жарқылдап,

Ана деген бәйтерегі өмірдің

О, адамдар қадірлей біл ананы.

2- оқушы Ерік Жамандықтан сақтандырған

Жақсы ісімді мақтан қылған,

Ақ апамды әрқашанда ,

Жүрсем деймін шаттандырып.

3-оқушы Жаннұр Өзіңсің сүйікті ана ,құдіретім,

Жанымды жадыратып күлдіретін,

Сендегі маған деген махабатты,

Нұр толы қос жанарың білдіреді.

4-оқушы Ермек Мерейлі сәт мерекеге ұласып,

Сегізінші наурыз келді қыр асып,

Қыз- келіншек,Нәзік жандар мейрамы,

Көктемімнің шапағатын тұр шашып.

5-оқушы Айтолқын Дүниенің ең қымбаты ана екен,

Ананың ең тәттісі бала екен,

Түн ұйқысын төрт бөліп тәрбиелеген,

Ананың орны бөлек дара екен.

6- оқушы Эльдар Ана десе сезім білем тым ыстық,

Жарасымды адамдарға туыстық,

Бар адамға берсе ананың мейірін,

Орнар еді бар әлемге тыныштық.

7- оқушы Сара Сегізінші наурызда ,

Құттықтаймыз ананы,

Теңеп оны жұлдызға,

Сый тартамыз бағалы.

Аналарға сыйларын береді.

№ 9 Сынып ұлдары қыздарға сыйлықтарын береді.

Мұғалім: Шексіз сенең қамқорлығың маған деген,

Қымбат сенің әр сөзің балам деген,

Ақиқат пен шындықтың жолын сілтеп,

Бойыма адалдықтың нәрін берген,

Бұл өмірін арнаған соң анам маған,

Қорған болып өтермін мен-дағы оған,

Нұрлы жүзің жайнай берсін әрқашанда,

Тілеймін ұзақ ғұмыр, бақыт саған .

Қорытынды: Осымен тәрбие сағатымыз аяқталды.