Сценарий для 3 «а» класса
«Варяганя»
Васенце сценась.
Азондысь. Мольсь Атясь вирть крайге, а сонь мельганза ардсь пине. Мольсь Атясь, мольсь и прафтозе варяганц.
Омбоце сценась.
Азондысь. Вага арды Шеерня (муз. вставка), сувась варягать потмос и корхтай:
Шеернясь. Тяса карман эряма.
Азондысь. А тя пингть Ватракшсь – комотни (муз. вставка) ! – кизефни:
Ватракшсь. Кие, кие варяганяса эряй?
Шеернясь. Шеерня. А тон кият?
Ватракшсь. А мон Ватракшкан. Нолдамак и монь!
Шеернясь. Сак! (муз. вставка)
Азондысь. Вага синь и кафонест. Арды Нумолня (муз. вставка). Маладсь варяганяти , кизефни:
Нумолнясь. Кие, кие варяганяса эряй?
Шеернясь и Ватракшкясь. Шеерня, Ватракшкя. А тон кият?
Нумолнясь. Мон Нумолнян.
Шеернясь и Ватракшкясь. Сак!(муз. вставка)
Азондысь. Вага синь колмонест. Арды Келаськя(муз. вставка).
Келаськясь. Кие, кие варяганяса эряй?
Эряйхне. Шеернясь, Ватракшкясь, Нумолнясь. А тон кият?
Келаськясь. А мон Келаськан. Нолдамасть моньге!
Эряйхне. Сак!(муз.вставка)
Азондысь. Вов синь ниленест эряйхть. Ваныхть, Врьгаскя арды (муз. вставка) – нажядсь варягати и кизефни:
Врьгазсь. Кие, кие варяганяса эряй?
Эряйхне. Шеернясь, Ватракшкясь, Нумолнясь, Келаськясь. А тон кият?
Врьгазсь. А мон Врьгаскясь – уле боконясь. Нолдамасть моньге!
Эряйхне. Сак, эряк мархтонк!(муз.вставка)
Азондысь. Сувась и сонга, кармасть эряма синь ветенест. Коста-бди арды Вирень Тувось (муз. вставка)
Вирень Тувось. Хрю, хрю, хрю кие варяганяса эряй?
Эряйхне. Шеернясь, Ватракшкясь, Нумолнясь, Келаськясь, Врьгаскясь – уле боконясь. А тон кият?
Вирень Тувось. А мон оцю Вирень Туван. Нолдамасть моньге.
Азондысь. Вав зиянц, сембонди варяганяв эряви сувамс!
Шеернясь. Тон аф тяльгат варяганять потмос!
Вирень Тувось. Нолдамасть, кода-кода тяльган.!
Эряхне. Ну, мезе тият мархтот, сувак, эряк мархтонк! (муз. вставка)
Азондысь. Сувась и Вирень Тувось, тяни эряйхть котонест. И тейст ульсь стане тесна, што козовок аф шароват. Норак, маряйхть эчке вайгяль (муз. вставка). Сон нажядсь варяганяти и парай, кода бука!
Офтсь. Кие, кие варяганяса эряй?
Эряйхне. Шеернясь, Ватракшкясь, Нумолнясь, Келаськясь, Врьгаскясь – уле боконясь, оцю Вирень Тувоня. А тон кият?
Офтсь. Эхе-хе, да тинь тяса ламонент ни! А мон Офтан, нолдамасть моньге!
Эряйхне. Кода тонь нолдатядязь? Вдь и тяфтаконга аф шарондоват, эряма вастонясь емла!
Офтсь. Да кода-кода!
Эряхне. Сувак. (Муз. вставка)
Азондысь. Сувась Офтсь. Синь кармасть эрямс сисемнест. Вастта кржаль, варяганясь вов-вов лопади. (муз вставка, наигрыши)
Колмоце сценась
Азондысь. А аф лама пингода меле етазь Атясь шарьхкодсь – варягац аш! Эста сон мрдась варяганянц вешема. А пинец арды инголе (муз вставка) . Ардсь, ардсь, ваны – варяганясь мес-бди трнаты. Пиненясь эста:
Пиненясь. Ав-ав-ав!
Азондысь. Зверьхне эводсть, варягаста лиссть – да кие-козы вирьге. (муз. вставка, погоня)
Атясь сась и сявозе варяганянц.
Муз. вставка.
Марнек налхкихне лисихть сценати и сюконяйхть.
Сценарий для 3 «б» класса
«Келазсь, Нумолсь и Атекшсь»
Азондысь. Эрясть-ащесть Келазсь и Нумолсь. Синь ульсть кудсна: Келазть эйнь, нумолть керонь. Сась тундась, Келазть эйнь кудоц солась. А Нумолть кудоц ащесь станяк, кода ульсь. Келазсь анась пря сувамс Нумолть кудс.
Келазсь. Нолдамак, Нумол ялгай куднязот аф ломос, монцень куднязя солась. Аш коса эрямс. Мон эжан аньцек.
Нумолсь. Мезе тяни тият, сувак, эряк мархтон.
Азондысь. Мзярда Нумолсь Келазть нолдазе, Келазсь сонцень кудстовок панезе. Моли Нумолсь аварди. (муз.вставка). Каршезонза сай Пине (муз.вставка):
Пинесь. Мес тон, Нумолняй, тяшкава авардят?
Нумолнясь. Да када тейне аф авардемс? Монь эсь кудстон панемазь. Нолдайне Келазть эжеме, а тяни месендян…
Пинесь. Тят аварде, минь сонь паньцаськ.
Азондысь. И тусь Пинесь кудняти. Маладсь, увай.
Пинесь. Ав-ав-ав! Листь кудста, Келазсь!
Келазсь. Кодак лисян, сязентте! (муз. вставка бегство)
Азондысь. Эводсь Пинесь, ворьгодсь. Озась Нумолсь кусторкснень алу, аварди (муз. вставка). Етай Офтсь (муз. вставка). Кизефнесы Офитсь Нумолть.
Офтсь. Мес, Нумолня, авардят?
Нумолнясь. Кода тейне аф авардемс. Монь ульсь керонь куднязя, а Келазть – эйнь.. Сась тундась, сон кудоц солась. Нолдайне пялон аф ламос эряма, а сон монцень панемань.
Офтсь. Тят аварде, мон Келазть паньца!
Нумолсь. Аф, Офта ялгай, сон аф паневи. Сонь ни пинесь панцезе, ашезь панев.
Офтсь. А мон сонь паньца!
Азондысь. Мярьгсь и тусь куднять шири (муз. вставка). Нажядсь кудняти, да кодак пешкоды:
Офтсь. Листь, мярьгонь, кичкор мадя, кудста тяникиге!
Келазсь. Кодак комотян, кодак лисян, пакшне лиихть эздот.
(Муз. вставка.)
Азондысь. Эводсь Офтське, ворьгодсь тоста! Тага аварди Нумолсь (муз. вставка). Етай вакска Атекшсь (муз вставка).
Атекшсь. Тон, месс, Нумолняй, авардят?
Нумолнясь. Кода тейне аф авардемс. Монь ульсь керонь куднязя, а Келазть – эйнь.. Сась тундась, сон кудоц солась. Нолдайне пялон аф ламос эряма, а сон монцень панемань
Атекшсь. Тят аварде, мон паньца Келазть!
Азондысь. Мольсь Атекшськуднять малас:
Атекшсь. Ку-ка-ре-ку! Кандан лафтубрясон пеелем, листь кудста, Келазсь, а то пачк керхте!
Азондысь. Эводсь Келазсь, серьгяди:
Келазсь. Лисян! Лисян! Ушедонь щама!
Азондысь. Ламос щась Келазсь. Тоса как комоти и ворьгодсь вири (муз.вставка побег).
Нумолнясь сувась куднязонза и кармась парста эряма.
Сценарий для 4 «б» класса
«Нумолня, нюрьхкяня пулоня» (Я.Пинясовонь коряс)
Азондысь. Фкя Нумолня, нюрьхкяня пулоня, якась валазя эйть ланга. Якай и лувондсыне менельста валда тяштенятнень.
Лиси Нумолнясь, якай и менельти ванонды, тяштенят лувонды.
Азондысь. Ламос лувондсь Нумолсь тяштенят, дяряй лувовихть сембе! Луви, луви – эльбяди. Мольсь мялец Нумолть и кармась морама.
Нумолсь. Нумол-нумол ялганяй
Оцю пиле- пиленяй,
Мес пяк стакат пилетне?
Велень пинень кулхцондомс.
Мес валазе коняце?
Кархча алга етнемс.
Мес косойнят сельмотне?
Валда тяштень лувондомс.
Мес кувакат пильгонятне?
Сери ловонь уендемс.
Азондысь. Аделазе Нумолнясь моронц и ушедсь эйть чакама. Чакасы эйть и кизефнесы:
Лиси Эйсь.
Нумолсь. Эйне, эйне кельмоня, азк тейне: аф тон ли сембода тазась?
Эйнесь. Аф. Шинясь корязон сяда таза. Сон кодак варжаксты лангозон, эстокиге сельмоведне туйхть.
Азондысь. Сась шобдавась, лиссь Шинясь.(лиси Шинясь муз. вставка) Нумолсь кизефнесы Шинять:
Нумолсь. Шиня-валдоня, азк, аф тон ли сембода тазась?
Шинясь. Аф, Нумол, кувака пиленя. Туцясь монь корязон сяда таза.Сон кодак лийкстай каршезон, кяшсамань ломаттнень эзда. Архт Туцяти.
Нумолсь якай. Каршезонза лиси Туцясь (муз. вставка)
Нумолсь. Туця, туця, тямак муця, азк ни видецень: аф тон ли виись светть лангса?
Туцясь. Аф, Нумолня, косой сельмоня. Вармась монь корязон сяда вии. Сон коза паньцамань, тоза мон и молян. Архт вармати.
Нумолсь моли, каршезонза Вармась.(муз вставка)
Азондысь. Кизефнесы Вармать Нумолсь.
Нумолсь. Варма, варма, кирнемон тят карма. Азк тейне, кие корязот вии?
Вармась. Корязон вии Пандсь. Мон кода аф уфан, кода аф шарондан сонь перьфканза, а сякокс аф веляфтови.
Нумолсь моли, инголенза лиси Пандсь.(муз вставка)
Нумолсь. Панда, Панда, азк тейне видеста, аф тон ли сембода виись и тазась?
Азондысь. Пандсь люкштядезе оржа прянц и мярьги Нумолти:
Пандсь. Аф, Нумолня, кувака пиленя, нюрьхкяня пулоня. Шеерсь мондедон вии. Сон эсь оржа пейсонза сембе боконень каразень. Архт оржа пей Шеерти.
Моли Нумолнясь, а каршезонза Шеерсь (муз. вставка)
Шеерсь. Кие тяса лемозень кунцесы?
Нумолсь. Мон, мон, сембода вии Шеерня, кувака пулоня.
Шеерсь. Эльбядеть, Нумолня, кувака пиленя. Катось сембодонга виись. Сон кодак няйсамань: и фать оржа кенчсонза.
Арды Нумолсь, каршезонза Катось. (муз. вставка)
Нумолсь. Катоня, Катоня, понаняце ляпоня. Азк видеста, аф тон ли сембода виись?
Катось. Мр-р. Аф мон, а ломанць сембода виись и тазась. Кодак карман колама, пулозень эстокиге люпштасы. Архт ломанти.
Азондысь. Нумолсь арьсесь, арьсесь, а ломанти ашезь моле. Тусь ласькозь вири!
Сценарий для 2 класса
«Панга ала» В.Сутеевонь коряс.
Азондысь. Весть кода-бди сатозе Панжамнять вии пиземсь.
Лиси Панжамнясь, маряви пиземонь вайгяль.
Азондысь. Коза кяшемс? Няезе Панжамсь пангонять и кяшсь алонза. Ащи.
Шаштсь пангоняти начка потмоса Мелавнясь.
Лиси Мелавнясь.
Мелавнясь. Панжамня, Панжамня, нолдамак Пангонять алу! Мон пяк начконь, сяда тов аф лиеван.
Панжамсь. Коза мон тонь нолдате? Мон монць тяса аф тяльган.
Мелавнясь. Тят пеле Панжамня, монга тяльган.
Азондысь. Нолдазе Панжамнясь Мелавнять пангть алу. А пиземнясь сядонга вишкста пизи. Арды Шеернясь.
Лиси Шеернясь.
Шеернясь. Нолдамасть монь пангонять алу. Монь лангстон шудерьксокс шуди.
Мелавнясь и Панжамнясь. Коза минь тонь нолдатядязь. Тяса тейть вастовок аш.
Шеернясь. Тинь сяда марса арада, вов и тяльган.
Азондысь. Нолдазь Шеернять пангонять алу. А пиземсь нинге пизи и пизи (маряви пиземонь жольф). Пангть вакска Кирьхкссь комотни и аварди
Лиси Кирьхкссь
Кирьхкссь. Начксть пацяняня, сизесть пацяняня! Нолдамасть монь пангть алу коськома-ваймама, пиземть лоткамс!
Шеернясь. Тяса тейть васта аш.
Кирьхкссь. Нолдамасть, максода тейневок вастоня.
Панжамнясь. Сувак.
Азондысь. А тяса Нумолсь няезе пангть и иласьки.
Лиси Нумолсь.
Нумолсь. Кяшемасть, кяшемасть, монь мельган Келазсь пани! Вай, сивсамань!
Мелавнясь. Ужяль Нумолнясь, эряви сондейнзовок вастоня максомс.
Азондысь. Аньцек Нумолнять кяшезь, ласьксь Келазсь.
Лиси Келазсь.
Келазсь. Нумолть ащесть няе?
Сембе. Аш, ашеськ няе.
Азондысь. Нажядсь Келазсь маланяти, никсси.
Келазсь. Аф тяса ли Нумолнясь кяшф?
Панжамсь. Коза тяза кяшат?
Азондысь. Яфодезе Келазсь паргана пулонц и тусь. (Келазсь туй). Ся пингода лоткась пиземнясь. Сембе лиссть пангть алда.
Панжамсь Кода тяфта лиссь. Тяда инголе мондейне ськамон ульсь тесна пангонять ала, а сяльде сембонди, ветецьконди, мувсь васта.
Лиси Ватракшсь.
Азондысь. Лиссь Ватракшсь и рахай.
Ватракшсь. Ква-ква-ква. Эх, тинь! Тя пангсь…
Азондысь. Ашезе адела корхтаманц Ватракшсь и тусь комотнезь.
А тя месс шта тяфта. Шабат, кие азсы? (Шабатне залста азсазь)
Лисихть марнек налхкихне и сюконяйхть.
