Сабақта қолданылатын әдістер: СТО стратегиялары: ой түйіндеу,ой толғаныс,, сұрақ-жауап, әңгімелеу
Сабақтың түрі: Кіріктірілген сабақ
Сабақтың көрнекілігі: Қазақстан картасы, топтастыру стратегиясы, слайдтар
Пәнаралық байланыс:Ана тілі,география ,музыка,қазақ тілі
Сабақтың барысы:
І. Ұйымдастыру кезеңі
Оқушылардың назарын сабаққа аудару.
ІІ. Жаңа сабаққа дайындық.
Психологиялық дайындық.
Мұғалім: - Екі көз не үшін керек?
Балалар: - Бар жақсылықты көру үшін.
Мұғалім: - Екі құлақ не үшін керек?
Балалар: - Ақыл-кеңес тыңдау үшін.
Мұғалім: - Екі қол не үшін керек?
Балалар: - Елге көмек беру үшін.
Мұғалім: - Екі аяқ не үшін керек?
Балалар: - Шетте жүрсең, Туған жерге жету үшін
-Туған жер дегенді қалай түсінесіңдер?
-Сен қай жерде тудың ?
Ендеше, балалар, кіндік қан тамған жерді туған жер дейді екенбіз. Осы біздің әрқайсымыздың туып өскен жерімізді қандай кең де, мағыналы ұғымға сыйдыртуға болады ?
Балалар: «ОТАН»
Мұғалім: Дұрыс айтасыңдар, балалар! Туған жерді, елді-мекенді біз Отан дейміз.
ІІІ. Жаңа сабақ.
Ой қозғау әдісі. Қызығушылықтарын ояту.
«Отан» деген сөздің мағынасын ашайықшы. (Балалар өз ойларын ортаға салады).
Топтастыру стратегиясы. Оқушылар айтып,мұғалім тақтаға жазып тұрады.
Досың Ата-анаң
ОТАН
Халқың
Өлкең
0Ауылың
Тіл Тарих
Отан дегеніміз – адамның туып-өскен жері, туған-туысқандарымен бірге тұратын атамекені. Қазақ елінде тұратын адамдардың Отаны – Қазақстан Республикасы. Қазақ жері-ұлан байтақ.Бұл жер батыста Каспий маңы ойпатынан шығыста Алтай тауына дейін 3000 км-ге созылып жатыр.
Қазақстан солтүстіктен оңтүстікке қарай да ұзаққа 1600 км-ге созылып жатыр. Осындай кең байтақ өлкеміздің жер көлемі 3 млн шаршы километрдей. Мұндай алқапқа батыстағы көптеген мемлекеттер сыйып кетеді.
Мұғалім: Балалар, біз бүгін үлкен тарау бастағалы отырмыз «Туған ел.Отан»,ал тақырыбымыз «Отаным менің ,байтақ өлкем».
ІҮ Ғылыми жұмыс.
Ендігі кезекті ғылыми-жобалар сайысында 1орын алған Анэляға береміз.
«Туған жер» (ОҚО жер-су аттары) ғылыми жоба, слайд арқылы.
Оңтүсатік Қазақстан облысының топономикасы.
ХІ қыстақ орнында пайда болған Шымкент қаласы Ұлы жібек жолы бойындағы басты нысандардың бірі.А.Қойшыбаевтың пікірінше Шымкент баламасы шым+кент сөздерінен құралған.Кент(қала )сөзі ешқандай талас тудырмағанымен,шым сөзіне кереғар пікірлер жеткілікті .Көне”Түркі жазба’’ сөздігіне қарасақ,шым сөзі екі мағына береді;
1)бек,аса,өте
2)кеттіріліп отқа жағатын шөп.
Ал А.Әбдырахмановтың пікірінше Шымкент қаласы»бек қала»,»асқан қала» деген теңеулерге тән.
ҮІІ.Оқулықпен жұмыс
1 . Психологиялық тренинг
Ол үшін көздеріңді жұмып,мен мәтін оқимын сендер көз алдарына еліміздің табиғатын елестетіңдер.
2. Көздеріңді ашыңдар.Мәтінді әрі қарай оқимыз,бізде Сәліммен бірге «Жібек жолы» туралы ақпарат алайық
- Мәтінді оқушыларға оқыту,тусінігін сұрау
- Ендігі сөзді келешекте сендерге география пәнінен беретін Г.Д.Самархановаға беремін,ол сендерге «Ұлы Жібек жолы», тұт ағашы туралы қосымша ақпарат береді.
3. Мәтінді әрі қарай оқыта отырып ,талдау.
Қазақстанның пайдалы қазбалары.
Қазақстан жерінің ұлан байтақ екендігіне көз жеткізер бұл мәтін,сендерге көп мәлімет берді деп ойлаймын.
Болашақта Отанын-бәрінен биік ұстайтын ҚР азаматы болып өсетіндеріңе сенемін.
-Әрқашан да саяхатқа шыққанда жырақтан өз елдеріңе,туған жерлеріңе аман-есен оралуларыңа тілектеспін.
ҮІІІ.Сөздік жұмыс.
«Тянь-Шань» деген сөзді қытай тілінен аударғанда «Тәңірі тауы» деген ұғымды білдіреді.Оны біздің халқымыз «Еренқабырға» деп атаған.Оған Қытайдың батысы,Қазақстанның оңтүстік-шығыс өңірлерін алып жатқан тау жоталары енеді.
Демек, мәтіннен «Тянь-Шань таулары» деген тіркестерді оқып отырғанда сөз өзіміздің әсем Алматымыздың жанындағы Іле Алатауы туралы да болып отыр деп түсіну керек.
ІХ. Картамен жұмыс
1. Картадан Қазақстан мен ҚХР аумақтарын және олардың арасындағы шекараны көрсет
2. Жібек жолы поезы жүріп өткен жолды көрсет.
3. Каспий теңізін,Алтайды,Батыс Сібір жазығын,Іле Алатауын,Алматыны көрсет.
Х. Сабақты қорытындылау.
Ой түйіндеу.
1. Балалар, Отан деген не екен?
2. Қазақстан жері қандай екен?
3. Қазақстан жері қандай табиғат байлықтарына бай?
4. Көктемде неге құстар туған жеріне ұшып келеді?
5. Пойыз неге «Жібек жолы» деп аталады?
6. Қытайлар жібекті қайдан алған?
7. Жібек жолы қандай тармақтарға бөлінді?
8. «Отан оттан да ыстық» деген мақалды қалай түсінесіңдер?
9. Отан туралы қандай өлең жаттадық?
Оқушы: Отан –сенің ата-анаң,
Отан – досың, бауырың.
Отан - өлке, астанаң,
Отан – туған ауылың.
Отан адам үшін біреу ғана. Біздің Отанымыз, менің, сенің Отаның-Қазақстан.
Сендер егеменді елде тұрған бақытты балаларсыңдар. Елімізде көптеген өзгерістер мен жетістіктер болып жатыр. Бұл өзгерістер мен жетістіктерде Елбасының еңбегі мол екенін түсінесіңдер. Қазақстанның өркендеуіне әр қазақ азаматы ат салысуы қажет, солардың бірі - өздеріңсіңдер. Тәуелсіз еліміздің ертеңгі тірегі-сендер. Елбасы сендерге үміт артады. Сондықтан да біздің ең басты мақсатымыз - жақсы оқып, білім алу.
Халқың
лкең 
