Наурызың құтты болсын, Қазақ елі!, - Наурыз мерекесіне арналған әнімізге кезек береміз.
Ән: «Наурыз келді».
Нұрғалым:
Салтымен ата –бабамның Жаңғырды қайта заманым Жаңа –жыл басы –бұл Наурыз Қайырлы болсын қадамың!
Аружан:
Біздер бұрын көрмеген,
Салт-дәстүрім өлмеген.
Үйренеміз дәріптеп,
Заманымда өрлеген.
Ән: «Қазағымның дәстүр-ай»
Бибарыс:
Тұсау кесер ежелгі,
Дәстүр салты халқымның.
Адымда да тез енді,
Алға қарай талпынған.
Айерке:
Туған соң адам боп,
Білімсізден жаман жоқ.
Ел дәстүрін білмесең,
Жұрт айтады «Надан» деп.
Негізгі бөлім:
Көрініс: «Тұсау кесу».
Тәрбиеші:
Тойды одан әрі тұсау кесу рәсімімен жалғастырсақ деген тілек бар. Бүгінгідей ұлы мерекеде аяқтарын апыл –тапыл басып, бақша есігін аттағалы отырған шөберелеріңіз де бар. Мына жиналған халық, мына отырған немерелеріңіз ата салтын, халық дәстүрін көріп тамашаласын.
Ал, құрметті қонақтар, міне Рысқан әжеміз де қонаққа келіп отыр екен, баланың тұсауын кесуге өзіңіз лайықтысыз.
Келін:
Жүріңіздер ауылға қонақ болып,
Қалыс адам болмасын некен-саяқ.
Өзге ұлттай біздің де,
Бар дәстүр мен салтымыз.
Әже: Шөберем дайынба?
Келін: Дайын, әже дайын.
Ал, құрметті қонақтар, жайғасып отырыңыздар Рысқан әжеміз өз міндетіне кіріссін.
Әже:
Кіріссек, кірісейік.
Биссиммиллаһи раһмани раһим!
Ия, балам келе ғой.
Келін ала жіп ұсынады. Әже баланың аяғын байлайды. Екі бала жетектеп баланы әкеледі.
Қаз-қаз, балам, қаз, балам,
Қадам бассаң, мәз болам.
Күрмеуіңді шешейін,
Тұсауыңды кесейін.
Қаз-қаз, балам, қаз, балам,
Тақымыңды жаз, балам.
Қадамыңды қарайық,
Басқаныңды санайық
Жолың болсын деселік,
Жолыңа нұр төселік.
Жарылқасын алдыңнан!- деп әжесі немереснің тұсауын кеседі.
Келін: Әже, қолыңыз жеңіл болып, шөбереңіздің жолы ақ болсын. Бұрыннан келе жатқан ырым ғой, «Орамал тон болмайды, жол болады!» демекші мына орамалды басыңызға салыңыз.
Тәрбиеші:
Кел, балалар, келіндер.
Тамашаны көріңдер. Бізде қызық ойын бар, Ойынға әбден тойыңдар.
«Кім жылдам» ойын ойнайық. Ойын шарты: бір сұлу қыз ортаға шығып, қолына орамал ұстап биікке көтереді. Балалар жүгіріп келіп, сұлудың қолындағы орамалды алады. Кім бірінші орамалға жетіп, орнына оралады, сол жеңімпаз атанады.
Би билейміз бәріміз,- деп, тобымыздың бишілерін «Қара жорға» биімен ортаға шықырайық.
Ән: «Домбыра сазы»
Тәрбиеші:
Ал, қонақтар, балалар жыл бойы тоқшылық болсын, қазанымыз оттан түспесін, дастарханымыз кең жайылсын деген, ақ тілекпен наурыз көжеден дәм татыңыздар!
Отырған қонақтарға наурыз көжені ұсынады.
Дастарханы халқымның тола берсін, Бақыт құсы қолыңа қона берсін. Ұлы тойдың төресі – наурыз тойы, Жылдан - жылға құт тойы бола берсін! Деп, бүгінгі Наурыз мерекесіне арналған ертеңгілігімізді аяқтаймыз.
