Мені? е? ал?аш?ы ?оштасу кешім

Жүргізуші: Қымбатты ата – аналар, қонақтар! Бүгін біз бірнеше жыл мәпелеп, күтіп тәрбиелеген ұямыздан ұшырып, бірінші класқа шығарып салғалы отырмыз.

Өтті қызық, көп күндер

Жеті жасқа жеттіңдер

Барасыңдар мектепке

Бір белестен өттіңдер

Өсті ақыл, ойларың

Өсті міне, бойларың

Қуанышқа ортақпын

Құтты болсын тойларың.

Мерекемізді әрі қарай тақпақтар, әндер, билермен жалғастырамыз.

Хор: «Мектебім»

Құдайберген: Армысыздар тәрбиешілер, әз жандар

Білім іздеп инемен құдық қазғандар

Құшақ жая қарсы аламыз сіздерді

Би биленіп, әнде бүгін шырқалар.

Бақытжан: Қош келіпсіз ақ жаулықты аналар,

Жүздеріңнен мейірім мол нұр тамар.

Алдарыңда жауқазындай құлпырған

Біз алаңсыз балғын шақты балалар.

Нұртас: Келгенше іздеп анамыз

Ойынға әбден қанамыз.

Біздер онда боламыз

Барып үйге қонамыз.

Назира: Жақсы кітап – «Әліппе»

Үйрететін әріпке

Қуыршақпен қоштасам

Әліппемен достасам.

Елнұр: Тәрбиеші апайды

Елдің бәрі мақтайды.

«Қамқоршысы баланың»

Деп ауылда мақтайды.

Іңкәр: Мектеп – біздің панамыз

Мектеп – біздің анамыз.

Ұлағатты ұстаздан

Оқып, білім аламыз.

Беата: Жазатұғын тақта бар

Кісінейтін ат та бар.

Үйретеді тақпақ та

Жаңылыспай жаттап ал.

Дана: Шу – шу етіп жан – жақтан

Шаршатқан да болармыз

Жанға тыныш жаз айын

Аңсатқан да болармыз.

Хор: Қоштасу вальсі

Жүргізуші: Сәлем гүлдей жайнаған балапандарым

Дайындықтан тәрбие алғандарым.

Енді, міне ер жетіп бәрің бірге

Достарыңмен бірінші класқа барғандарың

Күліңдер әрқашанда шаттаныңдар

Барлығың болашаққа аттаныңдар

Аттаныңдар жұптарың жазылмасын

Ешқандай жаманшылық жолықпасын.

Би: Вальс

Еркебұлан – Назира, Нұртас – Беата, Бақытжан – Айшабибі, Алпамыс – Айгерім, Мағжан – Дильназ, Аслан – Іңкәр, Ерназар – Жаннұр.

Еркебұлан: Қуанышым менің мол

Бірінші класқа тарттым жол.

Ұмытпаймын өзіңді

Дайындық қош сау бол!

Айшабибі: Бізде мұндай әрдайым

Бәрі – бәрі дап дайын

Қамымызды ойлаған

Апайыма рахмет!

Мағжан: Баулып – баптап өсірдіңіз

Балалық етсек кешірдіңіз

Ұмытпаймыз сөзіңізді

Ұмытпаймыз апай өзіңізді.

Фарида: Үйренгенбіз өнер біз

Шетімізден шеберміз.

Бал татиды тіліміз

Мың бұралып билейміз.

Зәкария: Жақсы көрем апайды

Күліп сабақ үйреткен.

Жақсы көрем апайды

Ән салдырып, билеткен.

Дильназ: Жақсы көрем апайды

Бәрімізді тең көрген

Қызықтырып сабаққа

Білім нәрін тең бөлген.

Ендеше балалар, кезекті ойынға берейік. Ойынымыздың аты шар жару. Балалар ойынның шартын түсіндіремін. Шардың үстіне отырып оны секіріп жару керек, ішіндегі сұрақтарға жауап беру керек.

Ойынға қатысатындар: Беата, Жаннұр, Мөлдір, Елнұр, Жалид, Дана.

Айгерім: Апай бәрін зерттейді

Ортақ ойға шақырып

Жамандыққа ертпейді

«Тәртіп» біздің тақырып.

Ақбота: Жақсы көрем апайды

Әділ қойған бағаны

Жақсы көрем апайды

Үлгі ісімен бағалы.

Жалид: Әр баланың өзінше

Іс – әрекет қимылы

Әр баланың көзінше

Көрінеді пиғылы.

Мөлдір: Мектебің мынау класың

Осында он жыл тұрасың.

Тарыдай болып кіресің

Таудай болып шығасың.

Би: Қара жорға. Құдайберген – Ақбота, Ерназар – Ақжүніс, Зәкария – Фарида, Жалид – Дана, Елнұр – Мөлдір.

Жаннұр: Жақсы менен жаманның

Айырмасын танытқан

Пайдасы мен залалын

Санамызға дарытқан.

Ерназар: Мектеп – үлкен анашың

Баураған барлық баласын

Тәртіппен алсаң білімін

Өмірден жол табасың.

Алпамыс: Бастап бізді далаға

Серуенге шығады

Біз ауылда жүргенде

Байқап өзі тұрады.

Аслан: Талап деген өскелең

Оны дәйім ескерем.

Сондықтан да сабақты

Оқимын деп «беске» мен.

Ақжүніс: Жиналғанда қайта біз

«Қош келдіңіз» айтамыз.

Мектеп ұстаз, қос ана

Әлдилденіп қайтамыз.

Хор: «Қоңырау»

Жүргізуші: Бүгін 0 «Г» тобының болып өткен «Қош сау бол дайындық» атты ертеңгілігіміз аяқталды. Сіздерді алтын уақыттарыңызды бөліп осы ертеңгілікті көңілді өткізгендеріңізге көп – көп рахмет айтамын. Балаларыма тілейтінім тек алда жақсы биіктерден көріне беріңдер.