?ліппемен ?оштасу кеші

Жүргізуші: Армысыздар, мұғалімдер, әз жандар,

Білім іздеп, инемен құдық қазғандар.

Құшақ жая қарсы аламыз сіздерді,

Би билеп әнде бүгін шырқалар.

Көз салып қараңызшы бойымызға,

Ортақ боп бүгінгі өскен ойымызға.

Қош келіпсіз, ұстаздар, ата-аналар,

Әліппемен қоштасу тойымызға!

Ал, қанекей достарым,

Асқақ әнге салайық.

Думандағы мейрамды

Шырқап-шырқап алайық!-деп балалардың «Отан»әнін қабыл алыңыздар.

(хормен ән «Отан»)

(сахнаға кір-қожалақ Білмесбек келеді)

Білмесбек:

-Мыналар не жиналған-әй.Менің атымды атаған қайсың?

Жүргізуші:

• Сәлеметсің бе Білмесбек! Сені атаған мен ғой. Бүгін бізде «Әліппемен қоштасу»

мерекесі.

Білмесбек:

• Әліппемен қош-та-су. Қоштасыңдар, қоштасыңдар. Қой мен кетейін. Чао!

(кетіп бара жатып,бір баланың шарына ұмтылады)

Бала:

• Тиіспе менің шарыма,мұнда әріп жазылған.

Білмесбек:

• Әріп дейді. Қайдағы әріп, мынау дөңгелектің суреті,ал мынау есіктің суретін салып қойыпты-ей. Бұлардың бәрін мен Әліппені оқымай-ақ білемін.

Жүргізуші:

• Ол не дегенің Білмесбек. Бұлар О,П әріптері. Дегенмен балалар Білмесбектің сөзінің жаны бар. Әрбір әріп бір нәрсеге ұқсас.

Білмесбек:

• Ой, менен басқа білмейтіндер де бар шығар-ау іштеріңде.

Жүргізуші:

• Жоқ, Білмесбек барлық бала жақсы оқиды.

Білмесбек:

• Онда менің де кітап оқығым келеді.

Жүргізуші:

• Өте дұрыс. Тек алдымен үсті-басыңды жөнге сал. Әліппені таза,әдепті бала ғана ұстайды.

Жақсы білім көрімдік,

Болсын сізге халайық.

Не үйреніп,не білдік.

Қане,ортаға салайық!.

Іші толы әріпке,

Білімдіге жарық не?

Хормен оқушылар: Болашаққа жол ашар

Ол сүйікті-Әліппе.

Жүргізуші: Олай болса бәрімізге ең қымбат «Әліппені» ортаға шақырайық.

Хормен оқушылар: Әліппе,әліппе,әліппе. (ортаға әліппе шығады)

Әліппе: Сәлеметсіз бе, балалар!

Хормен оқушылар: Сәлеметсіз бе, Әліппе!

Әліппе: Мен әуелі әріптерді түгендеп алайын.

• Дауыстылар қайдасыңдар?

Қызыл бантик оқушылар: -Біз мұндамыз.

Әліппе:- дауыссыздар қайдасыңдар?

Көк бантик оқушылар: -Біз мұндамыз.

Әліппе:-Ал, балалр «Әліппе»туралы не білесіңдер,білімдеріңді ортаға салыңдар?

Оқушы:

Ең алғаш алғанымда Әліппені

Қызыға қарай бердім әріптерді,

Мен үшін жұмбақ болып қалар ма еді,

Ұстазым оның кілтін алып берді.

Әліппе:- Жарайсың! Олай болса мен сендермен «Әріптер әлемі»сайысын өткізгелі отырмын,бұл жерде сендер әріптер алып, оған сөз ойлап,ол сөзді буынға бөлесіңдер.

(оқушылар әріптер алып,оған сөз ойлап,буынға бөледі)

Жарайсыңдар! Балалар мен бұл мерекеге қуана, толғана келіп тұрмын. Жай келмедім. Өзімнен бастау алатын,өздеріне даңғыл жол салатын ендігі жаңа достарың «Ана тілін» ала келдім.

Ана тілі: Ана тілің –арың бұл,

Ұятың боп тұр бетте.

Өзге тілдің бәрін біл

Өз тіліңді құрметте,-деп Қадыр Мырзалиев атамыз айтқандай,мен ана тілі оқулығымын. Көңілді дауыстарыңды естіп қуанып келдім. Ендеше мен «Теңге алу» ойынын дайындап келдім. Бұл ойында сендермына буындарды жинап,сөз,сөзден сөйлем құрайсыңдар.

• Жарайсыңдар.

Жүргізуші: Еңбек,білім мәнінде,

Есептейтін бәрінде.

Сөз беремін ардақтап,

Математика пәніне.

Математика: Сәлемет пе достарым,

Сабаға боп жоспардың,

Мен математика достарың,

Төрт амалды қолданған.

• Мен сендермен 11 сыныпқа дейін бірге боламын. Ендеше балалар сендер осы уақытқа дейін не үйренгендеріңізді ортаға салу үшін,байқау үшін ата-аналарыңмен бірге ортаға шақырамын.

• Олай болса сен айтшы.

1. Екі сиырдың мүйізі нешеу? (4)

2. Бес бұтақты қайыңда,

Бұтақ сайын бес алма.

Біреуін бер Сайынға,

Сонда қалды неше алма? (қайыңда алма өспейді)

1. Тепсең-ақ секіріп,

Ұстатпай қашады.

Бір жерге бекініп,

Тұра алмай сасады. (доп)

1. Күн мен түн қалай басталады? (кезекпен)

2. Адам есектен қайда құлайды? (жерге)

3. 10 ешкіден,5 қойды алсақ,неше ешкі қалады? (10)

4. Адам несіз өмір сүре алмайды? (ауасыз,сусыз,тағамсыз)

5. Сен және мен,біз екеуміз қосылсақ нешеу боламыз? (2)

6. Алманың жартысы неге құсайды? (жарты алмаға)

7. Қарға ұшады,ал ит құйрығынаиотыра ма? (ит жуас болса,құйрығына қарға қонып отырады)

• Жарайсыңдар,өте білімді балалар екенсіңдер.

Жүргізуші: Жасыл желек жамылған,

Жер дөңгелек бір әлем.

Асқар-асқар таулары,

Сан алуан гүлдері.

Жан-жануар бәрі бар.

Мұнда қандай планета бар?

Жүргізуші: Әр алуан салалы,

Әсем сурет салады.

Сурет,сызу сабағы,

Пәндік кезек алады.

Сурет: Сәлем шәкірт балалар,

Сурет-сызу сала алар.

Оқушылар дарынды,

Ойлантатын бәріңді.

• Балалар кәне кім суретті шебер салатынын байқап көрелік. Оны анықтау үшін «Кім шебер» ойынын ойнаймыз. Бұл ойынның шарты былай: сендер көздерің байлаулы күйінде,еркін тақырыпта сурет саласыңдар.

• Ойын шарты түсініктіме,олай болса ойынды бастаймыз.

• Жарайсыңдар! Барлығыңда шебер екенсіңдер.

Жүргізуші: Ердің құты сәнінде,

Елдің құты күй мен әнінде.

Кезек берем ән-күйге,

Музыканың пәніне.

Жүргізуші: Сонымен қатар біз оқушыларымыздың ағылшын тілінде ін айта алатынымен де мақтана аламыз.

Хор: I will hurt anyone

Not with my gun

Not with my actions

Not for fun

I believe in Ahimsa

I will never hurt anyone

Оқушы: бұл әннің қысқаша мазмұны төмендегідей:

«Мен ешкімге жамандық жасамаймын.

Сөзіммен де ренжітпеймін,

Іс-қимылыммен де

Өмірдегі ұстанымым осындай»

Жүргізуші: Қызыққа жұрт кенелді,

Қуанышқа бөленді.

Сергітуді бастаушы,

Дене шынықтыру кел енді!

Дене шынықтыру: Сәлем достар,білімдер,

Кәне түзу тұрыңдар.

Ұлттық ойын бастаймыз,

Қапы қалма болыңдар.

Жүргізуші: Әліппемен қош айтысып қаламыз,

Енді қолға ана тілін аламыз.

Ата-ана қуанышқа ортақ боп,

Сауатты боп шықты міне балаңыз.

Ән «Әліппе»

Енді бірінші сынып оқушыларының дайындаған «Ақыл мен байлық» көрінісін тамашалайық.

Жүргізуші:Мезгіл де біраз жерге таяп қалды,

Демеңіз біз өнерді аяп қалды.

Енді тамашалап көріңіздер,

«Үкілі домбыра»биі сіздерге арналады.

Ертегілер әлемі,

Бізге қазір келеді.

Оқушылар бірігіп,

«Мақта қызды»айтып береді.

( «Мақта қыз бен мысық»ертегісі)