?ліппемен ?оштасу ерте?гілігі

«Әліппемен қоштасу» ертеңгілігінің сценариі.

Құрметті ата-аналар, ұстаздар! Бүгін сіздер «Әліппемен» қоштасуға арналған ертеңгілімізге келіп отырсыздар. Күзде қоңырау үнімен алғашқы білім сабағына енген 1 класс бүлдіршіндері бүгін бір асудан асты.

Жеміске құты тола ма,

Бір-бірлеп теріп алмасаң?

Әп-сәтте шыға қоя ма,

Еккен дәнің ойласаң?

Білім де сондай, қарағым,

Біртіндеп сіңер ойыңа.

Ұғып ал білім боларын

Шам-шырағың жолыңда.

Көлге айналған бұлақтың

Қайнар көзін көріп пе ең?

Том-том болған кітаптың

Басы болар «Әліппең» -

деп ақын Мұзафар Әлімбаев аталарымыз жырлағандай, бұл – білімнің, ғылымның алғашқы жолы ғана... Ең алдымен балалар, мына сұраққа жауап берейікші. Осы біздер қандаймыз?

Хормен:

• Осы біздер қандаймыз?

• Талабы биік таудаймыз!

Мың бұралған бишіміз.

Күмбірлеткен күйшіміз

Біз қызықпыз, қызықпыз,

Сәл еркелеу бұзықпыз.

Елімізді өркендететін

Қазақ тілін көркемдететін

Бабаларға тағзым ететін

Аналарға бас иетін

Біз – қазақ елінің болашағымыз!

«Бақытты балалық» әні хормен айтылады.

I жүргізуші: Қалиғұлла Арай:

• Біз бүгін алғаш рет қолымызға ұстап, әріп таныған, сауатымызды ашқан «Әліппемен» қоштасқалы отырмыз.

II жүргізуші: Қалиғұлла Нұрай:

• Әліппе – бұл бүкіл білім-ғылымға бастайтын жол. Біз бүгін сіздерге ғылым дүниесінің алғашқы жолы «Әліппені» қалай аяқтағанымызды көрсетпекпіз.

I жүргізуші: Қалиғұлла Арай:

• Балалар, мына сұраққа жауап беріңдерші

Іші толған әріпке

Білімдегі жарық не?

Хормен:

Болашаққа жол ашқан

Ол – сүйікті Әліппе!

II жүргізуші: Қалиғұлла Нұрай:

• Олай болса, бәрімізге қымбатты дос «Әліппені» ортаға шақырайық.

Хормен:

Әліппе, Әліппе!

«Әліппе» ортаға келеді:

• Сәлеметсіздер ме, балалар!

Хормен:

• Сәлеметсіз бе, Әліппе!

«Әліппе» ортада ән айтады, жанында оқушы-қыздар билеп тұрады:

«Әліппе»

Менің атым, менің атым – Әліппе,

Үйретемін, үйретемін әріпке

Оқу-білім, оқу-білім сыйласа

Барлық бала, барлық бала дәріптер.

Ал, балалар, келіңдер

Үйреніңдер, көріңдер.

Қырық екі әріпті.

Жатқа айтып беріңдер.

А дегенім, а дегенім ана ғой

Б дегенім, б дегенім бала ғой

Менімен, меніменен достасып,

Білім нәрін, білім нәрін ала ғой.

Хор «Мектебім».

I жүргізуші: Қалиғұлла Арай:

Сөзімізге құлақ салыңыз

Бір серпіліп қалыңыз

Әліппеге арналмақ,

Бүгінгі күн жырымыз.

Аманқос Аяулым:

Алфавиттің А тұрады басында

Әрқашанда Ә тұрады қасында

Байқадың ба Б тұрады үшінші

Ал осының сыры неде түсінші.

Исламғалиев Дарын:

А деген ол – аналар ғой ардақты,

Ә деген ол – әкелер ғой салмақты

Б деген ол – балалар ғой әдемі,

Біздің елде үшеуі де кәделі.

Тоқтамыс Ерасыл:

Сондықтан да алшақ кетпей расында

Тұрады олар алфавиттің басында.

II жүргізуші: Қалиғұлла Нұрай:

Тілі балдай баланың

Талабына жарық бер,

Алфавиттің сабағын,

Жүргізеді әріптер.

А (алма) – Көпжанова Дильназ.

Алатаудың аясында,

Алма терді Алмагүл

Алуан бала арасында,

Артта қалмай, алда жүр.

Апорт деген алмасынан

Ал, тәттісін таңдап бір.

Ә (әже) – Есенаман Саида.

Сөзімді дұрыстайтын, әже,

Айғайлап ұрыспайтын әже,

Қыдырса, еріте кететін әже,

Ылғи да еркелететін әже

Ойынға досым шақырып тұр,

Апама айтпай, жібересің бе, әже?

Б (бақа) – Талғат Саида.

Бақа, бақа, бақ-бақ

Сеніп жүрсем мақтап,

Бетің неге сатпақ?

Бақа, бақа, бақ-бақ!

Жүру үшін мақтап

Болу керек аппақ!

В (вагон) – Жасарал Мирас.

Вагондар тұр тізіліп,

Володя тұр қызығып,

Вокзал басын қызықтап

Валя да жүр сызылып.

Г (гүл) – Диярова Разия.

Гүл өсірем үйде, су құямын күнде

Гүл күткенді біледі,

Бойын сылап күледі,

Күнде гүлін ашады

Жұпарын маған шашады.

Ғ (ғарышкер) – Төлеу Диас.

Ғарышкерлер ғарышқа,

Байқоңырдан ұшады

Қарсы алады тағы да,

Біздің елдің құшағы.

Д (доп) – Марат Асланбек.

Добым, добым, домалақ,

Тоқтамайсың домалап.

Үстел үстін бүлдірдің,

Тәрелкені сындырдың,

Тентек болып кеттің деп,

Тұрмын сені тепкім кеп.

Е (ешкі) – Аманқос Аяулым.

Ешкі ойынға тоймайды.

Жарға шығып ойнайды.

Болса дағы сақалы,

Секеңдеуді қоймайды.

Е (елка) – Исламғалиев Дарын.

Е-дан сөзді бастасам,

Елка ойда тұрмай ма?

Елкаға есік ашпасам,

Елкасыз жаңа жыл қайда?

Ж (жейде) – Тоқтамыс Ерасыл.

Үстімдегі жейдеме,

Көз саламын кей-кейде

Түймелерге қараймын

Қайта-қайта санаймын.

З (зебр) – Қалиғұлла Нұрай.

Танаш көріп зебрді,

Таңырқады, ұнатты.

Теңізшінің жейдесін,

Киіп алған сияқты.

И (ине) – Жамбылова Аружан.

Инемін мен, инемін.

Шебер қолда биледім.

Жалқауды мен сүймедім,

Жаңғалақты түйредім.

К (кітап) – Мұхамбетжан Шұғыла.

Арта берді кітапқа,

Бойымдағы құмарым,

Бірге жүрген қасымда

Кітап болды сыңарым.

Қ (қаз) – Махсет Бекзат.

Қағып-қағып қанатын,

Қаңқылдайды қазымыз.

Қаңқылдаса қазымыз

Жаңғырады жазымыз.

Л (лақ) – Сағыбергенов Дәулет.

Жалт-жұлт етіп лақ

Жағалайсың бұлақ,

Секірем деп бірақ

Қала көрме құлап.

М (мысық) – Абилқасов Мұхаммад.

Үстінде үйдің тұр еді мысық,

Қасына келді бір торғай ұшып,

Бас салмақ болып ыршыды мысық

Жөнелді торғай пыр етіп ұшып.

Н (нан) – Тлеуов Аманжол.

Ас біткеннің анасы,

Қасиетті нан осы,

Н әрпінен басталған

Соңғы әрпін де қаашы.

Ө (өрік) – Балғазы Данияр.

Өзен бойын жағалап,

Өскен бақты аралап,

Өркенге өрік жинастық

Өзіміз жеп шамалап.

П (парта) – Кенжеғалиев Дәулет.

Ойып жазып атыңды,

Мазамды алма сызғылап,

Тыңдамайтын ақылды

Болма тентек мұз құлақ.

Парта деген мүлік қой

Қадірін сен біліп қой!

С (самаурын) – Пазылбек Азиза.

Сара келіп сабақтан,

Сан шаруа тындырды.

Самаурынға салатын,

Сексеуілді сындырды.

Т (тиін) – Мәліков Әлинұр.

Мен тиінмін, тиінмін.

Қыста жылы киіндім.

Қоймам толы жаңғаққа,

Іші жылы үйімнің.

Ұ (ұлу) – Матғұлова Несібелі.

Мен ұлумын, мінсіз сұлумын.

Жанға тимеймін,

Жамандықты сүймеймін,

Гүл аралап жүремін,

Көңілді өмір сүремін.

Ү (үтік) – Құдайбергенов Айбын.

Тоққа тисе мұрты ұзын,

Табанымен жазық

Киімдердің қыртысын,

Береді үтік жазып.

Ф (фотоаппарат) – Жаркенова Перизат.

Тарихтан берер мәлімет.

Фотоаппарат әр үйге керек.

Шежіре сурет жеткізер,

Ұмтылса да небір дерек.

Х (хат) – Әлқуат Әли.

Хат тасушы біледі қаланы,

Бар көше, бар үйге барады,

Күнде кеп есікті қағады.

Көп-көп хат келеді алыстан,

Достардан, тумадан, таныстан.

Ц (цемент) – Төлеу Диана.

Цементке расында,

Целлофан қап жараспас,

Центнерлеп тасуда

Цистернадай бола алмас.

Ч (чемодан) – Балтабай Әділет.

Сатып алды чемпион чемодан.

Чемодан алған чемпион чек алған.

Ш (шортан) – Байсалбай Расул.

Шоршиды шортан, шорағай,

Шабақ аулап шағала

Шегіртке қуып Шорабай.

Шапқылар шилі жағада.

Щ (щетка) – Кулов Жаслан.

Щетка деген ғажап-ақ

Щетканы әжем мақтайды

Щеткамен тіс тазалап,

Щеткамен үй ақтайды.

Ы (ыдыс) – Кенжеғалиева Әдемі.

Ыдыс, ырыс сөздері

Ұқсас екен өздері,

Ы дыбысы құрап тұр,

Дәл осындай сөздерді.

І (ірімшік) – Қалиғұлла Арай.

Ірімшікті жедің ғой,

Тәтті екен дедің ғой,

Оның аты біз жазған

І әрпінен басталған.

Э (элекр шамы) – Амантай Сұлтан.

Жарықсың ғой, электр,

Алыпсың ғой, электр,

Сен үйіме келмесең

Мультфильм де көрмес ем.

Я (тақия) – Бияшова Аруана.

Тақияны атам киеді,

Мен атамды сүйемін,

Көненің көзін жоғалтпай,

Есте сақтап жүремін.

I жүргізуші: Қалиғұлла Арай:

Біз Әліппені оқумен қатар ағылшын тілін де үйреніп жатырмыз. Ағылшын тілінен үйренгенімізді де көрсетейік.

Ағылшын тілінде ән орындалады.

Әліппе:

- Жарайсыңдар, балалар! Сендер мені оқып тауыстыңдар, әріптерді жақсы меңгердіңдер. Өзімнен бастау алатын, өздеріңе даңғыл жол салатын, жаңа достарың мына «Ана тілі» болады, танысыңдар.

Ана тілі:

• Сәлеметсіңдер ме , балалар!

Хормен:

• Сәлеметсіз бе, Ана тілі!

Әліппе:

- Міне сендерді де таныстырдым. Енді сабақтарыңды жақсы оқыңдар. Ал мен кетейін, хош сау болыңдар!

Хормен:

Келгенде алғаш мектепке

Білмеуші едік әріп те,

Оқимыз қазір ертек те,

Үйреттің оны «Әліппе»!

Енді біз жаза білеміз

Әріпті қосып әріпке,

Ырза боп саған жүреміз,

Хош бол, сүйікті «Әліппе»!

Әліппе кетеді.

«Ана тілі»:

- Бүгіннен бастап сауатты балалар білімдеріңді әрі қарай мына менің арқамда дамытып, тереңдете түсесіңдер.

Туған елдің тілімін,

Ақылыммен танылам

Түсіндірер бәріңе

Ана тілі пәнімін.

«Әліппе» сендерді тек әріптермен таныстырып қойған жоқ. Сендерді бір-біріңмен достыққа, мектеп ережелерін орындайтын тәртіпті оқушы болуға да үйретті. Білім баспалдағына өрлеген сапарларың сәтті болсын!

Мен сендерден санамақ сырын сұрағым келіп тұр. Қане кім айтады?

Әлқуат Әли:

Бір дегенім - бүркіт,

Қалады аңдар үркіп.

Мұхамбетжан Шұғыла:

Екі дегенім – есек,

Білмейді ол есеп.

Жамбылова Аружан:

Үш дегенім – үкі,

Ұстап жейді түлкі.

Байсалбай Расул:

Төрт дегенім – тиін,

Есебі оның қиын.

Көпжанова Дильназ:

Бес дегенім – бұлбұл,

Сайрағанда дүлдүл.

Төлеу Диас:

Алты дегенім – арғымақ,

Дөңдеу жерден қарғымақ.

Мәліков Әлинұр:

Жеті дегенім – жайын,

Жайынның жейміз майын.

Махсет Бекзат:

Сегіз дегенім – серке,

Енесіне ерке.

Балғазы Данияр:

Тоғыз дегенім – түлкі,

Жүрген жері күлкі.

Кенжеғалиева Әдемі:

Он дегенім – оймақ,

Осымен сөзді қоймақ!

Ана тілі:

- Өте тамаша! Сендер зерделі екендеріңді таныттыңдар.

- Тағы қандай өнерлерің бар?

II жүргізуші: Қалиғұлла Нұрай:

- Сахналық көрініс тамашалаңыздар.

Төлеу Диана (автор)

«Түлкі мен Қоян»

Бір күні болдырып келе жатқан Түлкі жортып жүрген Қоянды көреді. Ол өтірік ауырған болады да, оның жолына сұлай кетіп, Қоянды қасына шақырады.

Түлкі Қоян диалогы.

Түлкі ролінде: Кенжеғалиев Дәулет.

Қоян ролінде: Исламғалиев Дарын.

Автор сөзін оқыған: Төлеу Диана.

«Ана тілі»:

- Өнерлеріңді тамашаладық. Мен риза болып тұрмын. Өте өнерлі екенсіңдер. Енді әнге кезек берсеңдер.

Жеке ән, би.

Хор «Мектебім» әні.

II жүргізуші: Қалиғұлла Нұрай:

Осымен «Әліппемен қоштасу» ертеңгілігіміз аяқталды.

Құттықтау сөзді Аймангүл апайға береміз. Ата-анаға береміз.

Мектеп директоры Нұрлы ағайға береміз.