?ліппемен ?оштасу. 1 сынып

ӘЛІППЕМЕН ҚОШТАСУ

Әдеби-сазды кеш

Кунсафина Нургуль Ахметовна

ШҚО, Семей қаласы

Т.Аманов атындағы № 16 жалпы орта білім беретін мектептің бастауыш сынып мұғалімі

Мақсаты: Оқушылардың сауат ашу пәнін оқу барысында алған білімдерін тиянақтау; өз өнерлерін ата — аналарға көрсету, эстетикалық талғамдарын тереңдете түсу, өзін өзі басқаруы мен ана тілін сүйіп, қастерлеуге тәрбиелеу
І - оқушы
Қайырлы күн, уа, халайық!
Армысыздар, мұғалімдер, әз жандар,
Білім іздеп, инемен құдық қазғандар,
Құшақ жая қарсы аламыз сіздерді,
Би биленіп, әнде бүгін шырқалар.
2 - оқушы
Көз салып қараңызшы бойымызға
Ортақ боп бүгінгі өскен ойымызға.
Хош келіпсіз, ұстаздар, ата - аналар,
Әліппемен қоштасу тойымызға.

Қанекей ұстазымызбен бірге сыныптастарымызды ортаға шақырайық.

Күй ойнап тұрады.оқушыларды таныстырып шығару.
Мұғалім: Құрметті ата - аналар, ұстаздар, оқушылар! Бүгін біздің қуанышымызға шек жоқ. Бүгін сіздер 1 - сынып оқушыларының «Әліппемен қоштасу» ертеңгілігіне келіп отырсыздар.
Әліппені бітірді балаларым,
Әліппеден нәр алған даналарым.
Өзі оқып жазатын хәлге жетті.
Құтты болсын білімі балалардың,
Ал ендігі кезекті оқушыларға берейік.
1) Қош келіпсіз, ақ жаулықты аналар,
Жүздеріңнен мейірім мен нұр тамар.
Алдарында қызғалдақтай құлпырған,
Біз алаңсыз балғын шақты балалар.
2) Баланың да тірегі,

дананың да тірегі.

Шаншылмасын ешқашан,

Аналардың жүрегі.
Мұғалім:
Өсті міне бойларың,
Өсті ақыл - ойларың.
Қуанышқа ортақпын,
Құтты болсын тойларың!
- Балалар мен сендерге сұрақ қоюдан бастаймын. Сендер оған жауап айтыңдаршы.
Іші толы әріпке,
Білімдегі жарық не?
Хормен: Болашаққа жол ашқан,
Ол сүйікті Әліппе!
Мұғалім:
- Олай болса, бәрімізге ең қымбат Әліппені ортаға шақырайық.
Хормен: Әліппе, Әліппе

әліппе:
Менің атым - Әліппе,
Мені анаңдай дәріпте.
Мені оқып ер жеткен,
Ағаң менен әпкең де.
Армысыздар жас достар!
Армысыңдар, ата - ана!
Болашаққа жол бастар,
Әліппең келді ортаға.
Мерекеңмен құттықтаймын
Бүлдіршіндер, балғындар!
Не үйреніп, не білдік
Кәне ортаға салайық.
Әліппе: - Осы сендер қандайсындар?
- Талабы биік таудаймыз.
- Мың бұралған бишіміз.
- Біз шеберміз.
- Ақылдымыз.
- Үлкенге ізеттіміз, кішіге қамқормыз.
- Көп оқимыз.
Барлығы: Біз - қазақ елінің болашағымыз.
Ән: мектебим
Мұғалім: Олай болса, біздер әріптер әлеміне саяхатқа шығамыз.

1) Алфавитті жаттадық
Онда жүйе, қалып бар, - кейіпкер
Біздің қазақ тілінде
42 әріп бар.
2) Сан әріпті үйрендік,
Бүгін бізге сеніңдер.
Әріптер әлеміне, - кейіпкер
Саяхаттап көріңдер.
Әріптердің атаманы қай әріп?

1) А дегенің Асия
Асия деген мен бала.
2) А әрпінен есімім
Айтсам сөздің кесімін.
Аружан мен боламын,
Айдай өсіп толамын.
3) Әбілмансұрды білесіз,
Көңілге мені түйесіз.
Ә әрпі де атымда
Оқып – біліп жүресіз.
4) Дөңгелене доп келеді,
Оны теуіп Даниал келеді.
Мәз боламын шаттана
Ойым мүлде басқада.
5) Ж дегенің Жанбота
Жанбота деген мен бала.
Жақсы оқысам сабақты
Одан артық жоқ шара.
6) Азат деген есімді,
Білдіңіздер кесімді.
З әрпі бар ішінде,
Тыңдасаңыз шешімді.
7) Н әрпі Надиямын мен деген,
Білім іздеп, оқу оқып терлеген.
8) Сая деген мен едім,
Алсам білім тереңін,
С әрпінен есімім,
Аламын оқу білімін.
9) Т дегенің Төлегенұлы Төлеби
Әріптерден қаламын ба мен,
Достарыма тілейтінім алдымен
Денсаулық пен зор байлық.
10) Х дегеніңіз Алихан,
Х - ны білу керек бұл.
Х деген де тамаша,
Хат, хабарлар - деректер.
11) Енді біз жаза аламыз,
Әріпті қосып әріпке,
Риза боп саған жүреміз,
Сүйікті біздің Әліппе.

Мұғалім: - Балалар, Әліппе сендерді оқуға, жазуға үйретті. Сол үшін Әліппе достарыңа не айту керек?
Қыздар: Балаларға ақ тілек,
Ұлдар: Болашаққа бақ тілеп.
Хормен: Біздерге білім үйреткен,
Әліппе, саған рахмет.
Ән «Бала тілегі» орындайтын: Иман Арнай
Әліппе:
- Балалар! Сендер менімен ғана достасып қана қойған жоқсыңдар. Сонымен бірге қандай негізгі пәндерді оқыдыңдар?
Оқушылар: Математика, дүниетану, ән сабағы, бейнелеу өнері, еңбекке баулу,ағылшын тілін.
Әліппе: Ретімен тізбелі
Әрбір санды даралап,
Қайсың барсың бізге енді
Айтып берер санамақ?
1) 1 дегенім - бесік,
Шықтың содан өсіп.
2) 2 дегенім – елім,
Далам, тауым, көгім.
3) 3 дегенім – үміт,
Үміт артар жігіт.

4) 4 дегенім – төзім,
Төзе білем өзім.
5) 5 дегенім – бақыт,
Бағалайтын бақыт.
6) 6 дегенім – ақыл,
Тыңдағаның мақұл.
7) 7 дегенім – жалау,
Жүректегі алау.
8) 8 дегенім – сөзің,
Серт беретін кезің.
9) 9 дегенім – тоқтау,
Елдің жоғын жоқтау.
10) 10 дегенім – Отан,
Қорға соны, ботам.
Әліппенің тапсырмалары.
Ойын: балаларға асық береміз, музыка қосылғанда асықты ары қарай бір - біріне береді, музыка тоқтағанда асық кімнің қолында қалады сол бала тапсырманы орындайды.
1. Карточка мен жұмыс (оқушылар карточканы қоржыннан алып сұраққа жауап береді)
2. Мәтін жазылған парақтарды қоржыннан алып дауыстап оқиды.
Әліппе:- Ал достар, бүгін сендер енді менің жолымды әрі қарай жалғастыратын ана тілі пәнімен танысасыңдар. Ана тілін ортаға шақырайық.
Ана тілі:
- Сәлеметсіңдер ме, балалар?
Туған елдің тілімін,
Ақылымен танылам.
Түсіндірер бәріне
Ана тілі мен болам.
Балалар мен сендердің келешекте сауатты азамат болатындарына сенемін.
Әліппе: Енді мен сендермен қоштасайын.
Кір шалмасын беттерін,
Таза болсын оқулық пен дәптерің.
Оқығандарын есте болсың,
Күнделіктерің 5-ке толсын!
Қыздар: Бәрімізді сүйіп өткен,
Ұлдар: Балаларға үйреткен.
Хормен. Әліппе мен ұстазға
Бас иеміз құрметпен.
Ән « Қош бол құтты әліппе!»

Ән Әліппе орын:Төлеуханова Аяжан

Көрініс: «әке мен бала»

Ән Анаға тілек орындайтындар: Бодауовтар
Мұғалім: Жиналған қауым таң қалсын
Ән бимен шашу шашылсын
Мың бұралған бишілер
Бименен кешті жалғасын.
Қыздардың орындауында «қазақ» биі.
Көрініс: «әке мен бала»

Иман Арнайдың орындауында ән «мектебім»

Бүгінгі мерекелік ертеңгілігімізді қорытындылай келе алғыс сөзді мектеп директоры Бақытгүл Қадылбекқызына және ата-аналарға беремін.
Мұғалім: Бүгінгі кеш әр үйдің тойбасы деп саналар,
Балалардың есімі әулеттерге таралар,
Ырым етіп сондықтан, ертеңгілік соңында
Ақ тілекпен шашу шашпақ аналар.

Биз ертеңгілігімізді «Атамекен» әнімен аяқтағанды жөн көріп отырмыз.
- Уақыттарыңызды бөліп қуанышымызға ортақтасып келгендеріңізге көп рақмет!