«Көкпар» математикалық интеллектуалды сайыс

Тақырыбы: «Көкпар» математикалық интеллектуалды сайыс.

Мақсаты: Математиканың күнделікті өмірде қолдану,қажеттілігін көрсету,алған теориялық білімдерінқолдана білуге ,топ болып бірігіп жұмыс жасай білуге, қажет уақытында тез,дұрыс шешім қабылдай білуге дағдыландыру.

Түрі: топтық сайыс

Әдісі: ойын түрінде

Көрнекілігі: Сайысқа қажет форматтағы материалдар, нақыл сөздер, суреттер.

«Ақыл –ойды тәртіпке келтіретін математика, сондықтан да оны оқу керек»

«Математиктердің өзіне тән тілі бар, ол формула»

(С.В. Ковалевская )

Жоспары:

І бөлім – «Бәйге»

ІІ бөлім – «Тіл - өнер»

ІІІ бөлім – «Дода»

ІҮ бөлім – «Ой сергіту » шығармашылықты шыңдау
Ү бөлім -«Тапқырлық»

Барысы :

Талай жырлап, сан ғасырлар дастанын,

Кең даламнан естіледі асқақ үн

Талай талант сенде шыңдалып, сенде өсті.

Талай ғылым, сенен алды бастауын.

Құрметті оқушылар, мұғалімдер! Ұлы даламыздың бізге қалдырған мұрасы – ұлттық ойынымыз көкпарды бастауға рұқсат етіңіздер.

Көкпар тарту – сайыс. Бұл қазақтың ұлттық ойыны. Көкпарда екі команда тартысқа түседі. Әр ойыншы көкпарға берілген серкені ат үстінен іліп алып, белгілі бір мәреге немесе сыйлы үйге әкеліп түсіреді. Осылайша сый алуды мақсат етеді.

Абай атамыз, Тегінде адам баласы адам баласынан ақыл,ғылым,ар,мінез деген нәрселермен озады» деген екен. Біз бүгін шынайы көкпар тартпағанмен, білімімізді жарысқа саламыз

Шын жүйрік шабысынан танылады,

Нақты білім,терең ой сыналады.

Баға берер төрешілер ортамызда,

Сіздерге құрметпен қол соғылады. – дей келе бүгінгі көкпар ойынына өз төрелігін беретін төрешілермен таныссақ.

Адам алып, таңғажайып ісімен.

Көкпар ойын, ой тастаған түсімен

Зерделілер заманды алға жылжытсақ.

Математикалық заңдылықтар күшімен.

Көкпарға қатысатын «Тұлпар» және «Сәйгүлік» топтарын ортаға шақырып, топ мүшелерінің таныстыруына кезек берейік.

Тұлпар тобы: Шақырып жарыстарға сан - салалы

Тұлпарлар топ жарғалы жар салады

Ту етіп достық пенен татулықты

Сәйгүлік командасын қарсы алады.

Сәйгүлік тобы: Құрметтеп тұлпарлады ой - саналы

Сәйгүлік сәлем беріп ән салады.

Бүгінгі сайыстан достарына

Қашанда тапқыр бол деп ой салады.

І бөлім – «Бәйге»

Қойылған сұраққа толық әрі дұрыс жауап берсе әр сұраққа 1 ұпайдан беріледі.

«Тұлпар» тобына

1. Тонна мақта ауыр ма? 1 тонна темір ауыр ма? (тең).

2. Неше рет арттырса да өзгермейтін қандай сан? (0).

3. 1 м‑ де неше см бар? (100).

4. 6² нешеге тең? (36).

5. 4 қойдың неше аяғы бар? (16).

6. 1сағаттың 4/1 бөлігінде неше минут бар? (15 ).

7. Айдар өзінің туған күнін 4 жылда бір рет атап өтеді.Айдардың туған күні қашан? (29 ақпан).

8. Ең кіші төрт таңбалы сан неше? (1000).

9. Қандай санды бір‑біріне көбейткенде олардың нәтижесі екі санның қосындысына тең болады? (2*2=4 2+2=4).

10. Қандай санның атының жазылуында қанша әріп болса, сонша цифр бар? (жүз 100).

«Сәйгүлік» тобына

1.Мектепке келе жатқан 5 балаға қарсы жолда тағы 4 бала жолықты.
Мектепке неше бала барды? ( 5 бала )
2. Екі адам 4 сағат шахмат ойнады. Олардың әрқайсысы неше сағат ойнады? ( 4 сағат)
3. Кім барлық тілде сөйлейді? ( жаңғырық)
4. Қандай жолмен еш уақытта адам жүрмейді? (құс жолымен)
5. Термометр аяз болғасын – үш градус көрсетіп тұр. Осындай екі термометр неше градус көрсетеді? Жауабы: үш
6. Қай санға бөлуге болмайды? (0)
7. Екі ғасырда неше жыл? (200)
8. Шеңбер сызатын құрал? (циркуль)
9. Сенімен бірге жүреді? (көлеңке)
10.Қандай түзулер қиылыспайды ? ( параллель)

ІІ бөлім – «Тіл - өнер»

Әр топқа тапсырмалар беріледі .Үш тілде жауап береді (қазақ,орыс,ағылшынша )

Толық жауапқа 10ұпай

«Тұлпар» тобына

1. Жоқ өзінде бас та, қол да, мойын да

Ұзындығы жазылып тұр бойында. (сызғыш,линейка ,a ruler, )

2. .Түйеқұс таразыда бір аяғымен тұрғанда 12 кг тартады. Ал егер екі аяғымен тұрса, қанша тартады? (он екі, двенадцать, tweive)

3. Өзі сөйлей білмейді, салған ізі сөйлейді. ( қалам, ручка, pen )

«Сәйгүлік» тобына

1.Ел құлағы нешеу? (елу, пятьдесят, Fivty )

2.Отыз тістен шыққан сөз – неше рулы елге тарайды (отыз, тридцать, soty )

3.Қабат-қабат қаттама, ақылың болса аттама (кітап, книга, book )

ІІІ бөлім – «Дода»

Бұл бөлімде 20,30,40 ұпайлық сұрақтар болады.Сұрақтарға жауап беру арқылы ұпай сандарын алады.

«Тұлпар» тобына 20 ұпайлық сұрақ

1.Адамның мүшел жастарын атап шық. /13,25,37,49,61/

2.Тәуліктің 4\1 бөлігі неше сағ./8/

«Сәйгүлік» тобына

1.Фигураның көлемін қалай табамыз? /а*в*с/

2.9 санының кубы нешеге тең?/729/

«Тұлпар» тобына 30 ұпайлық сұрақ

1.Үстелде 3 стақан сүт бар. Алмаз бір стақан сүтті ішіп қойды. Үстелде неше стақан бар? /3/

2.Миллиард санын жазғанда неше нөл керек?/9/

«Сәйгүлік» тобына

1. Үстел беті төрт бұрыш, оның бір бұрышын кесіп алсақ, неше бұрыш қалады?(5) 
2. 30 санын үш 6-ны пайдаланып шығар. (6*6-6)

«Тұлпар» тобына 40 ұпайлық сұрақ

1. Еменде үш бұтақ, ал әр бұтақта үш алмадан бар.Барлығы неше алма? Емен ағашында алма өспейді

2. Қояндар бөренені арамен бөліп жатыр. Олар14 жерден кесті. Неше бөлік пайда болды? 15 бөлік

«Сәйгүлік» тобына

1. 7 ағалы-інілердің бір-бірден қарындастары бар.Отбасында барлығы неше бала бар? 8 бала

2.512 нешенің кубы ? (8 )

ІҮ бөлім – «Ой сергіту» шығармашылықты шыңдау
Бұл бөлімде екі топ «Математика әлемі » атты тақырыпқа постер кұрастырып,қорғайды. Жоғарғы ұпай 10

Ү бөлім – «Тапқырлық»

Бұл кезеңде орны ауыстырылып берілген сөздерден математикаға байланысты сөздер құрастыру. Ойлануға 2 минут уақыт беріледі. Әр дұрыс табылған сөзге 10 ұпайдан беріледі.

«Тұлпар» тобына

Гарифу (фигура ) , картвад/квадрат/, пенлярдикупер /перпендикуляр/

«Сәйгүлік» тобына

Лельпарал /параллель/ , делкөңге/дөңгелек/, суради /радиус/

Математика-толған тәртіп, мағына мен мән 
Математика-толған тамаша заңдылық пен сән 
Математика-толып жатқан терең сыр 
Шетсіз, шексіз дариядай бейне бір-дей отыра бүгінгі сайысымызды аяқтауға рұқсат етіңіздер. 
Әділқазы алқасынан жалпы сайыстың қорытындысы сұралады.
Кеш аяқталып, ойынға белсене қатысқан оқушылар марапатталады.