Тақырыбы: Қыз сыны – 2017 байқауы
Мақсаты: Қыз балалардың жан дүниесіндегі көркемдік талғамын қалыптастыру, қазақ халқының қыз тәрбиелеу салт - дәстүріне байланысты әдептілікке, инабаттылыққа, ізеттілікке тірбиелеу.
Көрнекілігі: «Қыз – елдің көркі» (ұлттық киімді қыздардың суреттері), мақал-мәтелдер, қанатты сөздер, презентация
1 - жүргізуші: Армысыздар, абзал аналар, ақ жаулықты әжелер, көктем гүліндей жайнаған апайлар, аяулы қарындастар. Сіздерді көгілдір көктемнің шуақты күндерімен бірге келетін 8-наурыз мерекесі халықаралық әйелдер күнімен шын жүректен құттықтаймыз.
2 - жүргізуші: Бүгінгі күн сіздерге мерекелік көңіл - күй тілей отырып, халықаралық әйелдер күні мерекесіне арналып өткелі отырған «Қыз сыны – 2017» байқауын тамашалауға шақырамыз.
1 - жүргізуші:
Тауып бір әйел - әлем бар тілдерін,
Бақыт пен астастырып әр күндерін
Босатып қара жердің тұла бойын
Келдің бе, сегізінші наурыз күнім.
2 – жүргізуші
Бүгін той құрметтейтін әлем халқы
Аналар күнін – елдің салты
Көк байрақ төбемізде тұр желбіреп
Шарықтап еркіндіктің өскен нарқын.
1 – жүргізуші
Той пердесін ашайық
Жырдан шашу шашайық
Аналарды құрметтеп
Ән маржанын шашайық - деп ән жолдаймыз.
Ән шашу
2 - жүргізуші: Құрметті қауым, бүгінгі өткелі отырған « Қыз сыны – 2017» байқауын бастауға рұқсат етіңіздер.
1 - жүргізуші:
Қос бұрымы аш беліне төгілген,
Келбеті бар кермаралдай керілген.
Қазақ қызы – инабатты ару қыз
Ақ жүзінен аппақ сәуле төгілген.
2 - жүргізуші:
Тіл байланып қалатындай көргенде,
Сұлулықты соған ғана берген бе!
Кімде болса бас иеді мойындап,
Қарсы алдына қазақ қызы келгенде – дей келе бүгінгі байқауымызға қатысушыларға сәттілік тілей отырып қошеметпен ортамызға шақырайық.
- < >Жақсылық Диана
Алмасқызы Ділназ
-
Болатхан Аяжан
-
Бейсен Зейнеп
-
Нұрболқызы Елнора
-
Базархан Меруерт
1 - жүргізуші:
Әділдікпен баға берер аруға
Әділдікпен қара қылды жаруға
Алқасын қазылардың біз сайлайық
Ақ аруды талдап бүгін алуға – деп бүгінгі сайысымызға баға берер қазылар алқасымен таныс болыңыздар.
2 – жүргізуші: Бүгінгі байқауда аруларымыз мына бөлім шарттары бойынша сынға түседі:
І - бөлім: «Таныстыру» деп аталады. Байқауымыздың бұл бөлімінде аруларымыз өзін - өзі таныстырады. Бұнда аруларымыздың тіл көркемдігі және сырт сымбаты, жүріс тұрысы сынға түседі.
ІІ - бөлім «Өз өнері» деп аталады. Бұл бөлімде аруларымыз өз өнерлерін көрсетеді. (Ән айту, би билеу, әзіл-ысқақ т. б өнерлерін көрсетуге рұқсат етіледі)
ІІІ - бөлім: «Білгенге маржан» (сұрақ – жауап). Бұл бөлімде аруларымыз билет алу арқылы сұрақтарға жауап береді.
ІV бөлім: «Қол өнері» деп аталады. Бұл бөлімді сайыскерлеріміз қазақтың ұлттық ою - өрнектерін әр - түрлі қағаздан ойып, бетке жабыстырады.
V бөлім: «Сән үлгісі» деп аталады. Бұл бөлімде арулардың бүгінгі заманға сай тігілген кешкі сән үлгісін көрсетеді. Қатысушылардың сән үлгісіне ерекше мән беріледі.
1 - жүргізуші.
Баурап алар бір ақ ауыз сәлемі
Қазақ қызы - әдепті де әдемі
Қазақ қызы - ақылына көркі сай
Тұнып тұрған сұлулықтың әлемі – дей отырып байқауымыздың І бөлімі «Таныстыру» бойынша аруларымызды өзін-өзі таныстыруына рұқсат етейік. Қарсы алыңыздар.
(Қыздар кезек-кезегімен шығып өздерін таныстырады)
(Қазылар алқасы І бөлімнің бағасын көрсетеді)
2 – жүргізуші: ІІ бөлім: «Өз өнері»
Аруларымыз өз өнерлерін көрсетеді
Өнері өрге жүзер талаптының
Таланты талмай ұшар қанаттының
Әлди әуен әлемі өнер аты
Шарпып өтсін лебімен қанатының – деп сайыскерлердің өнерін тамашалауға шақырамыз.
(Қыздар кезек-кезегімен шығып өз өнерлерін көрсетеді)(Қазылар алқасы ІІ бөлімнің бағасын көрсетеді)
1 – жүргізуші: ІІІ бөлім «Білгенге маржан». Бұл бөлімде аруларымыз билет алу арқылы сұрақтарға жауап береді.
Білім құйған бойына
Қанын өмір жайына
Салт дәстүрдің әр сөзін
Сақтап жүрген ойына - деп сайыскерлерді ортаға шақырамыз.
(Қыздар кезек-кезегімен шығып билет алып, ішіндегі сұрақтарға жауап береді)
-
Ұлттық бас киімдерді ата (сәукеле, тақия, бөрік т.б.)
-
Малдың сүтінен дайындалатын тағамдарды ата (айран, қатық, қымыз, құрт, ірімшік, т.б.)
-
Апта күндерін ата (дүйсенбі, сейсенбі, сәрсенбі, бейсенбі, жұма, сенбі, жексенбі)
-
Наурыз мейрамында әзірленетін басты тағам (Наурыз көже)
-
Мақалды аяқта: «Өнер алды -.» (қызыл тіл)
-
Қазақстан Республикасы Конституциясының күні қашан? (30 тамыз)
(Қазылар алқасы ІІІ бөлімнің бағасын көрсетеді)
2 – жүргізуші: ІV бөлім «Сән үлгісі». Бұл бөлімде байқауға қатысушы бүгінгі заманға сай тігілген кешкі сән киім үлгісін көрсетеді. Қатысушының шаш үлгісіне де ерекше мән беріледі.
1 – жүргізуші:
Қазақ қызы - тамсандырған талайды,
Тоғжан болып ғашық қылған Абайды.
Қазақ қызы күлкісі күн, тілі бал,
Ай секілді асқақ ару арайлы – деп сән үлгісін көрсетуге аруларымызды ортаға шақырамыз
(Қыздар кезек-кезегімен шығып сән үлгісін көрсетеді)
(Қазылар алқасы ІV бөлімнің бағасын көрсетеді)
2 – жүргізуші: V бөлім «Қол өнері». Бұл бөлімде қазақтың ұлттық ою өрнектерін әр түрлі қағаздан ойып ақ бетке жабыстырады.
Сырмақ ойып, текемет, киіз басқан
Өнерлі шеберлер бар даңқы асқан
Шеше көрген тон пішер дегені рас
Аруларым шебер қолға араласқан - дегендей аруларымыздың іскерлігі, икемділігі сынға түседі. Бүгінгі сайыскерлерімізді ортаға шақырамыз.
(Қыздар барлығы шығып, қолөнерін көрсетеді)(Қазылар алқасы V бөлімнің бағасын көрсетеді)
1 – жүргізуші:
Нәзік жандар қашанда ел еркесі
Отбасының отанның берекесі
О, қош жарқырап ортамызға
Жұпар кеуде адамның мерекесі - дей келе апа қарындастарымызға мерекелік сәлем жолдаймыз.
Ән шашу
2 - жүргізуші:
Халқымыздың ежелгі үрдісі бар
Адастырмас оң жолдан үлгісі бар
Үлкен сыйлау ұққанға соның бәрін
Зердерлі ол, зейінді келіп сынар – дей келе қазылар алқасының бүгінгі сайыс бойынша қорытындысын тыңдайық.
(Әділ-қазылар алқасына сөз кезегі беріледі. Жеңімпаздарды марапаттау)
1 – жүргізуші:
Бұла қырдың құлпырған қызғалдағы
Ержігіттің бірінші ізгі арманы
Тіршіліктің жылуы, сұлулығы
Мына жалған өмірдің гүлзар мәні
2 – жүргізуші:
Көркемдікке көмілген келбетіне
Көз тимесін деп достым сен де тіле
Көздері – күн, кірпігі сәуле сынды
Айна көктен жететін жер бетіне.
1 – жүргізуші: Құрметті көрермендер! Бүгінгі «Қыз сыны – 2017» байқауы өз мәресіне жетті. Әрқашанда құшақтарыңыз гүлге, көңілдеріңіз шаттыққа толы болсын дей отырып, бүгінгі кешімізді аяқтаймыз.
