Қош бол, Әліппе!

Шығыс Қазақстан облысы

Жарма ауданы

Үшбиік ауылы

«Ақтайлақ би атындағы орта мектебі» КММ-сі

Бастауыш сынып мұғалімі: Есперова Мейрамгүл Тохтархановна

Стажы:13 жыл

Санаты: ІІ

Сабақтың тақырыбы: Қош бол, Әліппе!

Сабақтың тақырыбы: "Қош бол, Әліппе!"

Сабақтың мақсаты: Оқушылардың білімін тиянақтау. Оқушыны адамгершілікке, инабаттылыққа, шындыққа, достыққа тәрбиелеу. Өнерін тыңдау.

Сабақтың түрі: Аралас сабақ

Сабақтың әдіс-тәсілдері: Сұрақ-жауап, түсіндіру, көрнекілік, сайыс сабақ.

Сабақтың көрнекілігі: Акт. залы салтанатты ертеңгілікке лайықты безендірілген, ілінген шарлар, слайд, Әліппе оқулығы.

Мұғалімнің құттықтау сөзі:

(музыка әуені ойнап тұрады.)

- Құрметті, ата-аналар, ұстаздар,оқушылар! Бүгінгі ертеңгілігімізді бастауға рұқсат етіңіздер. Бүгінгі біздің қуанышымызда шек жоқ.Өйткені біз тұнғыш рет сауатымызды ашқан"Әліппені" бітірдік. Төрт ай уақыт ішінде менгерген, үйренген білімізді ортаға салып, сүйікті Әліппемен қоштаспақшымыз.

Жүргізуші:

Уа, халайық, халайық,

Мұнда назар салайық

Әліппеге арналған,

Мерекені бастайық

Айтыңдаршы, балалар,

Болашаққа жол ашар

Іші толған әріпке

Білімдіге жарық не ?

Ол сүйікті...

Хормен: Әліппе

- Олай болса, бәрімізге ең қымбат Әліппені ортаға шақырайық.

- "Әліппе", "Әліппе", "Әліппе"

Әліппе: Армысыздар, жас достар

Армысыздар ата-ана

Болашаққа жол бастар

Әліппең келді ортаңа

Менің атым- Әліппе,

Мені анаңдай дәріпте,

Мені оқып ер жеткен

Ануар да, Әсел де,

Жәнібекте, Нұрбекте.

- Олай болса, балалар бізге қымбат дос Әліппенің есігін ашқызайық.

Сиқыршы: Уф, суф, сиқырлы Әліппем ашыл.

Ішінен білім шашыл...

1-оқушы:

Келгенде алғаш мектепке,

Білмеуші едік әріп те.

Оқимыз қазір ертек те,

Үйреткен оны Әліппе.

2-оқушы:

Әліппем, менің Әліппем

Сені қолға алып мен.

Есігін аштым мектептің,

Ертенгі сәуле жарықпен.

3-оқушы:

Бар әріпті үйреткен-

Міне менің Әліппем.

Жақсы оқимын сабақты,

Әріптерді танып мен.

4-оқушы:

Бар кітапқа бас болған,

Әліппе ғылым анасы

Әліппеден басталған,

Даналықтың данасы.

5-оқушы:

Шырқап әнге саламыз,

Біз мектепке барамыз.

Сәлем беріп ұстазға,

Оқып білім аламыз.

6-оқушы:

Қош бол, құтты Әліппем!

Көп нәрсені үйреттің.

Таныстырып әріппен,

Тақылдатып сөйлеттің.

7-оқушы:

Қош бол, құтты Әліппем!

Тіл тұсауын кестің сен

Аяулы анам болып сен.

8-оқушы:

Арта берді кітапқа

Бойымдағы құмарым

Бірге жүрген қасымда

Кітап болды сыңарым.

9-оқушы:

Біз жазамыз ана деп

Біз жазамыз дана деп

Біз жазамыз қала деп

Біз жазамыз дала деп.

10-оқушы:

Оқуды көп ойладық,

Қызығына тоймадық

Әріптерді үйреніп,

Сауат аштық тойладық.

11-оқушы:

Енді біз жаза білеміз

Әріпті қосып әріпке

Риза боп саған жүреміз,

Сүйікті біздің Әліппе.

12-оқушы:

Әріптерді таныған

Өңкей білім балдырған.

Өсті міне бойымыз,

Құтты болсын тойымыз.

13-оқушы:

Ең алғаш алғанымда "Әліппені"

Қызыға қарай бердім әріптерін

Мен үшін жұмбақ болып қалар ма еді,

Ұстазым оның кілтін алып берді.

14-оқушы:

Мектебім мынау сыныбым,

Осында он жыл тұрасың.

Тарыдай боп кіресің,

Таудай боп шығасың.

15-оқушы:

Әліппем менің Әліппем,

А деген бастап әріптен

Сөз құрап жаза бастадым

Тақылдап таңба танып мен

Осылай алға аттадым

Әр әріпті жаттадым

Жаттаған сайын әріпті

Сөз құрап жаза бастадым.

16-оқушы:

Әліппем, менің Әліппем

Өмірді келем танып мен.

Қайталап айтам мың рет

Әліппеге көп- көп рахмет.

Ән: "Әліппе"

Мұғалім сөзі: Енді, біз бүгінгі ертеңгілік сабағымызды екі топқа бөлініп сайыс ретінде өткізейік. Қазір біз"Тапқыр достар" ойынын ойнаймыз. Топқа ат қойындар.

1-ші Топтың аты-Алғырлар

2-ші Топтың аты- Білімпаз.

Сайыс 4-кезеннен тұрады.Әрбір кезең сайын жұлдызша арқылы бағалаймыз.

1-ші кезең: "Ойлы болсаң, озып көр"

"Әліппе" кезеңі. ( слайдтан көрініп тұрады).

1-ші тапсырма:Қазір мен сенерге "мектеп, ұстаз, таяқ, аю, аяз, бала" сөздерін таратып беремін. Сол сөздерге дыбыстық, буындық талдау жасайсындар. Дұрыс орындасаңдар, экраннан қазақтың ұлағатты, жақсы сөзі шығады.

Слайдтан: Ұстазы жақсының

Ұстамы жақсы.

2-ші тапсырма:Ұйқасын тап.

Не қымбат ?

Түйеге ...

Ешкіге ...

Қойға ...

Сиырға ...

Анаға баласы

Бәрінен қымбат.

3-тапсырма

1-топ. М-дыбысы сөздің басында , ортасында және сөздің соңында кездесіп тұрған сөздерді тауып сандықшаға салайық.

2-топ. Л-дыбысы сөздің басында,ортасында және сөздің соңында кездесіп тұрған сөздерді тауып сандықшаға салайық.

Слайдтан: Кітап оқығандікі.

Білім тоқығандікі.

2-ші кезең:"Ойлан, ойла тап" кезең. Математика пәні бойынша

1-тапсырма:Өрнектерді салыстыр.

"Алғырлар" тобына

10-1 3+4

8+2 4+2

"Білімпаз" тобына

9-5 4+3

5+3 9-7

2-тапсырма: Санның құрамын тап

Слайдтан көрсетіледі.

"Алғырлар" тобына

8-санының құрамын тап.

"Білімпаз" тобына

9-санының құрамын тап.

3-кезең: "Кім жылдам"

Дүниетану пәні бойынша.

Бұл кезеңде сіздер ұяшық таңдайсыңдар. Яғни экранға зер салыңдар. Берілген ұяшықтағы сұрақтарға дұрыс жауап берулеріңіз керек.

Мұғалім:

1.-Жанды денелерді ата.

Оқушы: адам, жануар, құстар, балықтар.

2.-Табиғат құбылыстарын ата.

Оқушы: жаңбыр, боран, жел, қар, аяз.

3.-Үй жануарларын атаңдар.

Оқушы: жылқы, сиыр, қой, ешкі.

4.-Жасанды денелерді ата.

Оқушы: қолшатыр, парта, орындық, үй, мектеп.

Мұғалім:

-Жақсы балалар, сендер экраннан нені көріп тұрсыңдар ?

Оқушы:Түйе, жылқы, сиыр, қой, ешкінің суреттерін көріп тұрмыз.

Мұғалім:

Олай болса, мына ақ қағазға солардың аттарын жазыңдар.(балалардың жұмысын қонақтарға көрсету)

Мұғалім сөзі:

Балалар, сонымен біз немен қоштасқалы отырмыз?

Оқушылар: Біз әліппемен қоштастық.

Мұғалім: Иә, сендердің Әліппеден алған білімдерімен қатар математика, дүниетану,ән сабақтарынан алған білімдеріңді байқадық. Сендербәрін жақсы меңгеріпсіңдер. Бұдан былай оқитын пәндерін "Ана тілі" пәні болады. Ол пәнді де жақсы оқисыңдар деп сенемін. Олай болса, ортаға әріптерге арналған тақпақтарымызды айтайық. Ортаға әріп жазылған тәж киген оқушылар шығады.

Қ-әрпі

Қ-дегенім малшының

Қамшысы ғой әдемі.

О-әрпі

Отан-менің ата-анам,

Отан- досым, бауырым,

Отан- өлкем Астанам

Отан-туған ауылым.

Ш-әрпі

Шындықты сақтаймыз

Шыншылды жақтаймыз.

Б-әрпі

Басындамын, бал десең,

Бар боламын, бар десең

Қай әріппін, қанеки,

Ұмыттын ба, әлде сен?

О-әрпі

Отан- оттанда ыстық.

Л-әрпі

Лашын биік самғайды

Лашын көкті шарлайды.

Ә-әрпі

Әдептілік дегенім

Әрқашанда керегің.

Л-әрпі

Ұзын сирақ ләйлек,

Киген қысқа көйлек.

І-әрпі

Жалғыз таяқ боп тұр

Төбесінде доп тұр

І әрпі боп тұр.

П-әрпі

Парта, дәптер, кітаптар

Сөздерінде П-лар бар.

П-әрпі

Апа, апта, пілде де

П-сыз тұрмас ешқашан.

Е-әрпі

Есті бала ер жетіп,

Елдің қамын ойлаған

Ессіз бала кері кетіп,

Есерлігін қоймаған.

Мұғалім:

-Бәрекелді балалар, жарайсыңдар! Балалар қаз-қатар тұрғанда "Қош бол, әліппе! сөзі шығады.

Осымен бүгінгі ертеңгілігіміз өз мәресіне жетті.

-Келесі кезекті концерттік нөмірге берейік.

Концерттік нөмірлер:

Ән:"Отан"

Би:"Үнді"

Би:"Сұлу қыз"

Би:"Қамажай"

Марапаттау рәсімі.

Мектеп директорының құттықтау сөзі.

Тәрбие ісінің меңгерушісі: Ғ.Қ.Ағыбаева

Ата-аналар комитетінің мүшесі.