Тақырыбы: «Ел мерейі – ер мерейі»
Мақсаты: Жас ұрпаққа елбасымыздың сан қырлы талант иесі, құдіретті тұлға екенін таныту.
Елімізге еңсе тіктетіп, мемлекетімізді мығымдап берген, халқымызды әлемге танытып, алаш баласының абыройын асқақтатқан Елбасының кісілік келбетін меңгерту.
Елін сүйген, елі сүйген Елбасынан үлгі алуға тәрбиелеу.
Жүрісі:
Би: Қазақ биі Орындайтын: 4 «Ғ» сынып оқушылары
Бар әлемге шын танылдық міне, біз,
Елін сүйген Елбасы деп білеміз.
Тең аталып Қазақстан - Нұрсұлтан
Нұрсұлтан мен Қазақстан тұр егіз.
Күнге беттеп бара жатыр көш жүріп,
Елдің даңқы бар жаһанға естіліп.
Елбасыны құрметтейтін ерекше
Армысыздар, ақ пейілді көпшілік!
Азаттық пен елге қонды тосқан бақ,
Қазақ елін мойындауда дос таңдап.
Елбасының еңбегімен нұрлана
Қазағымның мерейі тұр аспандап.
Елі үшін олжа салып қиырдан,
Ықпаған еш ауыртпалық, қиыннан.
Мерекеңіз құтты болсын көпшілік
Елбасының құрметіне жиылған!
- Қайырлы күн, құрметті ұстаздар, ата-аналар, оқушылар!
1 желтоқсан тұңғыш президент күні мерекесіне арнап 4 сынып оқушылары дайындаған «Ел мерейі – ер мерейі» атты концерттік бағдарламаға қош келдіңіздер!
Әнұран орындалады (көрермендер орындайды)
Ардақты ағайын, 1991 жылы 1 желтоқсанда алғаш рет Қазақ ССР Президентінің жалпыхалықтық сайлауы өтіп, ол сайлауда Нұрсұлтан Әбішұлы Назарбаев ел Президенті болып сайланғаны баршамызға мәлім. Яғни, өз тағдырын өзі айқындауға алғашқы қадам жасаған Қазақстан үшін
1 желтоқсан – мемлекет тарихының мерейлі күні саналуға орны лайықты. Жоғары Парламенттің бекітуімен 2012 жылы 1 желтоқсан Қазақстанда алғаш рет – Тұңғыш Президент күні мемлекеттік мереке ретінде аталып өтіп, бұл баршамыз үшін қуанышты оқиға болды. Елбасына деген ел құрметін айрықша айғақтауға арналған бұл мерекенің дәстүрлік іс - шараға айналуға орны бар екенін шынайы сезіммен айтып өтуге тура келеді. Биыл міне, тағы да осы мерекені тойлағалы отырмыз.
Елі үшін көтеріп нар жүгін де,
Сенімі нық сезілетін үнінде.
Аты озған дүниедегі дүбірде
Нұрсұлтанмен кім мақтанбас бүгінде?!- деп ортаға тележүргізуші Ақкөжек әжемізді шақырамыз. Әжеміз «Ашық алаң» хабарын жүргізеді.
- Балалар Н.Ә.Назарбаев кім?
1-оқушы:
Ол – еліміздің басшысы, халқымыздың жанашыры, өте білімді, терең ойлы тұлға.
2-оқушы:
Н.Ә.Назарбаев 1940 жылы 6 шілдеде Алматы облысы, Қаскелең ауданы, Шамалған ауылында дүниеге келген. Мектепті жақсы оқып, жақсы білім алды. Ата – анасын қатты құрмет тұтты. Жасынан зерек, алғыр азамат өскенде металлург мамандығын алып жұмыс жасаған. Ол халық қалауымен 1991 жылы 1 желтоқсанда ҚРның президенті болып сайланды. Содан бері 25 жыл өтті.
3-оқушы:
Н.Ә.Назарбаев – бәрінен бұрын өз міндетін, өз тағайындалуын терең сезінетін, үлесіне тиген міндетті жауапты әрі қажырлықпен атқаратын адам.
4 – оқушы:
Нұрсұлтан ата – ақ пейілді, сезімтал жан және біз үшін нағыз үлгі болар тұлға.
Рахмет, балалар президентіміз туралы жақсы білесіңдер екен. Мен толықтырып кетейін.
Н.Ә.Назарбаев - жылы 6 шілдеде Алматы облысы, Қаскелең ауданы, Шамалған ауылында дүниеге келген. Атасының есімі – Назарбай, әкесінің есімі – Әбіш, Нұрсұлтан деген есімді әжесі Мырзабала беріпті. Алланың 99 аты бар. Соның бірі – Нұр, тағы бірі – Сұлтан. Анасының аты – Әлжан. Нұрсұлтан 5 жасқа толғанда Жамбыл атаның батасын алған. Ол Қаскелең қаласындағы Абай орта мектебін бітірген. Мектепте озат, үлгілі оқушы болыпты еңбек жолын Теміртау қаласында темір балқытушы болып бастаған. 1967 жылы Қарағанды металлургия комбинаты жанындағы жоғары техникалық оқу орнын, 1976 жылы партия мектебін бітірген. 1991жылы 1 желтоқсанда біздің Отанымыздың тұңғыш президенті болып сайланды. 2010 жылы 15 маусымнан бастап заңды түрде «Елбасы» мәртебесіне ие болды. Ол осы жетістігіне өзінің табандылығы мен еңбекқорлығының арқасында жетті.
Ән: «Тәуелсіздік»
Орындайтын: Амангелді Азиза
1-оқушы:
Елбасымыз жолдайды, Елбасы елді қорғайды,
Халқы оны қолдайды. Халық қамын ойлайды.
Ешқашанда орынсыз, Осындай жақсы адамның
Шешімдері болмайды. Жақсылығы тарайды.
2-оқушы:
Тәуелсіздікті елге сыйлады,
Бейбітшілікті қалады.
Орындалып арманы,
Халқымызда ажарлы,
Осының бәрі әрине,
Елбасының арқасы.
3-оқушы:
Бостандығым! Тоқсан күнім азалдан,
25 жыл – аспан кірсіз, ажарлы ән.
Сен келгенде серпілгенмін қайғыдан,
Сен келгенде сары мұңнан тазарғам.
Бабамның да арманы, осы еді ғой аңсаған,
Тәуелсіздік таңдары, бақ береді баршаға.
Көк туымды қолыма, бүгін берік ұстадым,
Түсті бақыт жолыма, Менің Қазақстаным!
Би: «Ұлытау»
Орындайтын: Абдукалык Асем
Рахмет, Нүркен, Әлихан, Рахман есімді жігіттерді ортаға шақырайық. Нұркен:
Ызғарлы қыс – тоқсан күн,
Желтоқсан деп аталған.
Желтоқсанда жастарым,
Тәңірінен бата алған.
Батамен елім көгерді,
Бодандық билік көнерді.
Тәуелсіз атқан таң үшін,
Еске алам өрттей өренді.
Әлихан:
Президент болу мәртебе,
Ол Алланың қалауы.
Ел басқарған Нұр аға,
Жол көрсетті жолдауы,
Қазақ деген халықтың
Бағына туды Нұраға
Сынынан өтсек нарықтың
Арқаңыз сіздің, Нұраға
Тілейді сізге бар халық,
Амандық, саулық Нұраға.
Рахман:
Еркіндігін бүкіл әлем таныған
Қазақстан республикам дамыған
Біздің елдің биіктігін көрсетті,
Елтаңбасы, көк байрағы, әнұран.
Елордамыз сұлуланып барады,
Шетелдіктер қызыға оған қарады
Елбасымыз елін алға жетелеп,
Ұрпағына кең жол ашты саналы.
Ән: «Welсom to Қазақстан»
Орындайтын: Тағаниязов Рахман.
- Тәуелсіздікке байланысты өлең шумақтарына кезек берейік.
1-оқушы:
Тәуелсіздік! Тәуелсіздік ұраным!
Тәуелсіздік айбынды менің жыр әнім!
Армандаған ата – бабам ежелден,
Ерлігіңді жырға қоссын ұланың.
2-оқушы:
Бабалар рухыменен кеңессем,
Өзіңменен бекіп белім тең өскен.
Егеменді елдігіме бүгінгі,
Қол жеткізген аруақ-ұрпақ емес пе ең?
Құрманғазының күйі: «Алатау»
Орындайтын: Авдыкова Айнұр
- Рахмет, кезекті тағыда өлең шумақтарына береміз.
3- оқушы:
Арманын орындадың бабалардың,
Көтердің көкшіл туын даналардың.
Қазақтың асқақтатар өр рухын,
Ақтадың аппақ сүтін аналардың.
4-оқушы:
Ұл едің қатарынан артық туған,
Еңбекке жастайынан белін буған.
Танытып әрбір елге белін буған,
Жастарға жалын бердің білім қуған.
5-оқушы:
Отан деген – әр адамның жүрегі,
Оған ел де, жер де, су да кіреді.
Отанымды бар әлемге паш еткен,
Президентім – мақтанышым тірегім.
Ән: «Сәлем саған туған ел»
Орындайтын: Айладыр Ақнұр.
-Н.Ә.Назарбаевтың «Ой бөлістім халқыммен» деген жинағынан оқушылардың дайындаған нақыл сөздеріне кезек берейік.
6-оқушы:
- Бұл дүниеде біздің бір ғана Отанымыз бар, ол – Тәуелсіз Қазақстан.
7-оқушы: - Салтанаты жарасқан қаласы бар, ұшан - теңіз байтақ даласы бар, аруақ қолдаған бабасы бар ел екендігімізді мақтан етейік.
8-оқушы: - Отаншылдық рухы бізге ауадай қажет.
9-оқушы: - Отаны бірдің – тілегі бір, жүрегі бір.
10-оқушы: - Отанды сүю – өркениеттіліктің бірінші белгісі.
11-оқушы: - Дүниеде тәуелсіз Қазақ елі бар,
Әлемде егемен Қазақстан бар.
Ән: «Көк тудың желбірегені»
Орындайтын: хор
Бағдарлап елдің ертеңін,
Тыныштық тауып жатпаған.
Болашақ үшін тер төгіп,
Үмітін елдің ақтаған.
Қиялы ұшқыр ойлы адам,
Әлемге болған аты аңыз,
Ұрпақтың қамын ойлаған,
Аман – сау жүрші, Атамыз – деп біз бүгінгі «Ел мерейі – ер мерейі» атты концерттік бағдарламамызды «Атамекен» әнімен аяқтаймыз.
Келесі кездескенше, қош сау болыңыздар.
