Ашық тәрбие сабағы "Анамның аяулы алақаны"

«Анамның аялы алақаны» атты тәрбие сағаты

Мақсаты:

1. 8 наурыз Халықаралық әйелдер мерекесін атап өту.

2. Анаға деген мейірімді, сүйіспеншілікті арттыру, үлкенге ізет, кішіге үлгі бола білуге үйрету.

3. Оқушы бойында ізгілік, инабатгылық,биязылық сияқты қазақ қызына тән жақсы қасиеттерді қалыптастыруға тәрбиелеу.

Көрнекілігі: Зал мерекеге сай әсем безендірілген. Шарлар, слайд.

Мұғалім:

Жақсылықтың нышанындай,жаның сүйген адамның жып-жылы құшағындай,сап алтындай тазалығы мен сұлулығын беретін, жайма шуақ сәулелерін төгетін,көңілдерге қуаныштар егетін,имандылық пен пәк қыздардың мінезіндей ибалылық себетін көгілдір көктемнің алғашқы мерекесі,той атаулының қызығы мен берекесі – 8 НАУРЫЗ ортамызға келді! 

Осы мерекенің иелері, бар адамзаттың табынары мен киелері, қуанғанда қасыңнан табылып, қиналғанда сүйенері,мейірімділік пен тыныштықтың жаршылары, адамдық пен адамшылықтың мөп-мөлдір тамшылары,сүйкімді қылығымен сағындырған, қажет десе аһ ұрғызып сабылдырған, әсем көркімен, жүрегінің өртімен небір дана мен данышпандарды табындырған, сүйкімді қыздар,аяулы аналар, асыл әжелер мерекелеріңіз құтты болсын!

Әрқашан отбасыларыңыздың ажары,жүрген орталарыңыздың базары болыңыздар!

Пәле-жала, жамандық атаулы келмеске кетсін, асыл да таза махаббат жүректеріңізден мәңгілік орын тепсін! Сүйікті жар, ардақты ана болыңыздар,сіздерге дүниедегі барлық бақытты тілейміз!

—   Бүгінгі «Анамның аялы алақаны» атты тәрбие сағатын ашық деп жариялаймын.

Құрметті қауым, бүгінгі кешімізді біз сәл ерекшелеу өтсек па деген оймен 3 ананың және қыздар арсында сайыс ұйымдастырдық.Сіздерге сәттілік тілейміз!

Мереке құтты болсын, аналарым,

Мәпелеп, еркелеттің, аяладың

Лебізіңе алғысты айта келе

Ән жырымды қабыл ал аналарым!

Ән: « Анашым »

Жүргізуші:

Ак көңілмен, ниетпен,

Әділ баға берсін деп,

Шаршамай, еш жалыкпай,

Айтқаныңызға көндік деп,

Әділқазы алқасын,

Сайлап алсақ жөн болар.

Әділқазылар алқасы :

1.

2.

Барлық сайыстар соңында әділқазылар алқасы шешімін шығарады. Жеңген топқа құттықтау грамотасы ұсынылады . Мұндағы номинациялар: мейірімді ана, парасатты ана және дарынды ана деген атаулар бойынша марапатталады.

   Жүргізуші (Мұғалім): Олай болса алдымен сайысқа қатысатын аналар мен оқушыларды қол шапалақтап қошеметпен ортаға шақырайық.

Ендігі кезекте сайысымыздың шартымен таныстырып өтейік

 Сайыс шарттары.

1. Таныстыру (топ аты, анасының аты – жөні, анасының мамандығы, оқушы аты – жөні, сынып,оқушы туралы мағлұмат беру)

2. «Дастархан мәзірі» (Үйге салат немесе тәтті тоқаштар пісіріп келу оны қорғау)

3. « Шаштараз »

4. «Кімнің дауысы, тауып көр! »

5. «Биші қыздар»

6. « Отбасы деректері »

7. «Сән салоны»

8. Сайыс: «Судың да сұрауы бар » 

Жүргізуші (Мұғалім):     Енді сайысымызды бастайық.

Өнер қуып аналар өтер деймін

Бір басына өнерлері жетер деймін.

Бәсекеге түскен анасы мен қыздары кезектесіп,

Таныстырып өздерін өтер деймін, – деп кезекті таныстыруға берейік. Ұпай 10 балл.

  Жүргізуші:

2.Сайыс : «Дастархан мәзірі» (Үйге салат немесе тәтті тоқаштар пісіріп келу оны қорғау) аналарымызбен аяулы қыздарымыз үйден жасап әкелген тағамдарының құрамымен таныстырып қорғайтын болады. ( Өте дәмді дайындалған тағамдарға 10 баллдан, қалғандарына 5 баллдан берілетін болады)

3.Сайыс:«Шаштараз» Сәттілік тілейміз!
Оқушылардың аналары шаштаразшы болады, шаштаразға келуші (қызға) жылдам және әдемілеп бантик байлап беруі керек. Тез,жылдам  және сапалы  әдемі бітірген анаға 10балл, қалған аналарға 5 баллдан қойылады. (берілетін уақыт 5мин)

4. Сайыс:  « Биші қыздар» билейді .

 Сіздердің алдарыңызға сиқырлы гүлдер әкелінді, сиқырлы гүлдердің сабағында би аттары жазылған, сіздер сиқырлы гүлдер ішінен 1 гүлді таңдап алып,берілген биді орындап бересіздер. 

Ең қызықты жақсы билеген топқа 20 балл

«Қаражорға» — қазақ халқының биі, «Қамажай», «Ламбада» сәттілік тілейміз!

Жүргізуші (Мұғалім)     5.Сайыс: «Отбасы деректері»
Әр оқушы қобдишадан сұрақтар таңдап алады,жүргізуші оқиды.Анасы сол сұраққа жауап беріп,жүргізушіге (стикер) береді оқушының жауабы анасының жауабымен сай келуі керек.егер толығымен жауап берсе 5 балл егер жауабы сай келмесе 1-4 дейін балдар қойылады.

СҰРАҚТАР: (оқушыға):

1. Анаңның анасының аты – жөні кім?

2. Алғаш мектепке келгенде 1 сыныпта үстінде қандай киім болды?

3. Анаңның қанша аға – қарындастары бар?

4. Анаң бос уақытында немен шұғылданады?

5. Анаңның әкесінің аты – жөні?

6. Анаң қандай гүлді ұнатады (гүлдің аты)?

7. Анаңның жақсы көретін түсі қандай?

8. Анаңның атқаратын кәсібі не?

9. Анаң жылдың қай мезгілін ұнатады?

10.Анаң қандай кино жақсы көреді?

11.Анаңның ең жақсы  көретін салаты?

12.Анаң қандай кітап оқығанды ұнатады?

13.Анаң тоқыма тоқығанды ұнта ма, әлде үй жинағанды ұната ма?

6.  Сайыс:  Сән салоны

Аналары оқушыларға ерекше киім дайындайды, дайындыққа 15 мин беріледі, әр топта  газет журналдар, қайшы, скрепкалар, жіп,  скотч, тиреуіш, клей қолданылады. Әр топқа 20 ұпай беріледі.

Жүргізуші:

Аналармыз бен қыздарымыз дайын болғанға дейін, ұлдарымыздың аналар құрметіне дайындап келген өлеңдерін тыңдайық. (4ұлға тақпақ)

7.Сайыс: «Судың да сұрауы бар » дегендей суды тасудан қыздарымыздың ептіліктерін байқайық. (бұл жерде қасықтап тасығын суды бір тамшы жерге төкпей, таза, өте епті, әрі жылдам тасып екінші стаканды толтыру керек)

Жүргізуші: Аналарымыздың құрметіне арналған ұлдарымыздың биін тамашалаңыздар.

Қорытындылау: хормен «Балдырған» әні орындалады және оқушылармыздың аналарына дайындаған сыйлықтарын тасбыстайды.

Өнеріміз сайыста,
Жетелейді алысқа.
Бүгінгі күннің жеңісі,
Достық болып қалуда.

— Осымен бүгінгі сайысымыз мәресіне жетті, арулар 7 кезеңнен өтіп, өздерінің бойларындағы қасиеттерін көрсетті.Ал қазір кімнің ұпайы көп екенін білу үшін әділқазылар алқасына сөз кезегін береміз.

Мұғалім:

-Бойларыңда от  бар екен байқадым,

Жүректерде шоқ бар екен байқадым.

Әрқашанда осы шоқты өшірмей,

Жалындатып, шарықтаңдар әрдайым!

—    Осымен 8 наурыз мейрамына арналған шағын тәрбие сағатымыз аяқталды. Келгендеріңізге көп рахмет! Келесі кездескенше ел аман, жұрт тыныш болсын! Мерекелеріңізбен!

1.Анаңның анасының аты – жөні кім?

2.Алғаш мектепке келгенде 1 сыныпта үстінде қандай киім

болды?

3.Анаңның қанша аға – қарындастары бар?

4.Анаң бос уақытында немен шұғылданады?

5.Анаңның әкесінің аты – жөні?

6.Анаң қандай гүлді ұнатады (гүлдің аты)?

7.Анаңның жақсы көретін түсі қандай?

8.Анаңның атқаратын кәсібі не?

9.Анаң жылдың қай мезгілін ұнатады?

10.Анаң қандай кино жақсы көреді?

11.Анаңның ең жақсы  көретін салаты?

12.Анаң қандай кітап оқығанды ұнатады?