Просмотр содержимого документа
«Ана тілім – ?азынам. »
Ана тілім – қазынам.
«1001 мақал, 101 жұмбақ»
Асыл сөз көп халықта,
Іздеп жүрер құлаққа.
Іздеген жетер мұратқа,
Ізденуден жалықпа.
Мақсаты: Білімділік: оқушылардың мақал – мәтел, жұмбақ туралы түсініктерін тереңдету, ана тіліміз-қазақ тілінің адам өміріндегі маңызын насихаттау.
Дамытушылық: оқушылардың тіл байлығын молайту, ауызша және жазбаша сөйлеу мәдениетін, сауаттылығын арттыру,шығармашылық қабілетін дамыту, ізденушілігін арттыру.
Тәрбиелік: оқушылардың бойына адамгершілік қасиет дарыту, Отанға, туған жерге, тілге деген сүйіспеншілік сезімін ояту, ізденімпаздыққа, тапқырлыққа тәрбиелеу.
Түрі: сайыс сабақ
Сабақтың барысы: Сәлеметсіздер ме, оқушылар, ұстаздар! Бүгін «Ана тілім - қазынам» атты тіл апталығына байланысты өткізгелі тұрған «1001 мақал, 101 жұмбақ» сайысына қош келдіңіздер! Ендеше сайысымызды бастамас бұрын 4 «Б» сынып оқушысы Мубаракова Райханның ана тілі туралы өлеңін тыңдайық.
Ал енді сайысуға келіп отырған төрт топпен таныс болайық:
«Алғырлар» тобы
«Тапқырлар» тобы
«Білгірлер» тобы
«Ойшылдар» тобы
-Әр топтың сыныбымен, топ мүшелерімен танысайық.Топтарымызды бағалайтын әділ қазылар алқасымен таныс болайық:
Сайыстың кезеңдерімен таныс болайық:
1) «Мақал сөздің мәйегі».
2) «Тұрақты сөз тіркесі».
3) «Кім көп біледі?».
4) «Жүйрік болсаң тауып көр».
5) «Тірек сөздер».
Дайын болсақ сайысымызды бастаймыз, іске сәт оқушылар!
1 айналым: «Мақал сөздің мәйегі» берілген мақалдың жалғасын табу.
Өнер алды- (қызыл тіл)
Қол өнері кілемде, (сөз өнері өлеңде)
Оқу-білім азығы, (білім-ырыс қазығы)
Оқусыз білім жоқ, (білімсіз күнің жоқ)
Талаптыға (нұр жауар)
Отансыз адам- (ормансыз бұл-бұл)
Отанын сүйген отқа жанбайды, (суға батпайды)
Құс қонбаған көл жетім, (ел қонбаған жер жетім)
Батыр туса ел ырысы, (жаңбыр жауса жер ырысы)
Туған жерге (туың тік)
Туған жердей жер болмас, (туған елдей ел болмас)
Ата – асқар тау,
Ана – бауырындағы бұлақ, (бала – жағасындағы құрақ)
Ата – бәйтерек, (бала - жапырақ)
Ана біреу, (ағайын алтау)
Ананың сүті бал, (баланың тілі бал)
Бала әкенің білек еті, (ананың жүрек еті)
Бір бала атаға жете туады,
Бір бала атадан өте туады, (бір бала кейін қарай кете туады)
Бала тәрбиесі (бесіктен)
Алдыңғы арба қалай жүрсе, (соңғы арба солай жүреді)
Балапан ұяда не көрсе, (ұшқанда соны іледі).
2 айналым: «Тұрақты сөз тіркесі» тұрақты сөз тіркесінің мағынасын табу.
Иығынан су кету. Еңсесі түсу
Төбе шашы тік тұрды. Қорықты
Тас жүрек. Мейрімсіз,қатыгез
Таяқ тастам жер. Өте жақын жер
Екі көзі төрт болу. Зарыға күту
Тайға таңба басқандай. Анық
Ит өлген жер. Алыс жер
Тілді үйіреді. Тәтті,дәмді
Көз шырымын алу. Ұйықтап қалу
Қоян жүрек. Қорқақ
3 айналым: «Кім көп біледі?» жұмбақтарды шешіп, шешуінің орысша және ағылшынша баламасын табу.
Тұрғанмен жырақ өзі, Таусылмайтын шырақ көзі
(Күн)
Шыңдары шырқау, Көшіп жүр бір тау.
(Түйе)
Жайған жастық сөгілді, Аппақ мамық төгілді.
(Қар)
Желден желігеді Судан шегінеді.
(От)
Жылт-жылт етеді Жылғадан өтеді.
(Су) Өзімнен өзгенің бәрін көремін.
(Көз) Сылдырдан қорқады, шошынып жортады.
(Қоян)
Жаздай інге тығылып,
Жатқан қызыл түлкіні.
Құйрығынан суырып,
Әкелді әжем бір күні
(Сәбіз)
Құштар болып оқу менен білімге,
Біз барамыз қыркүйектің бірінде. (Мектеп)
Оқыған сайын өседі,
Ғаламның сырын шешеді. (Білім)
Бала,бала бала деп,
Түнде шошып оянған
Түн ұйқысын төрт бөліп
Түнде бесік таянған. (Ана)
Кішкене ғана бойы бар,
Айналдырып киген тоны бар
(Қой)
Бірі үлкен, бірі кіші,
Туысқан бірге бес кісі
(Бес саусақ)
Қабат-қабат қаттама,
Ақылың болса аттама.
(Кітап)
Қалың киімді ұнатады,
Шешіндірсең жылатады.
(Пияз)
4 – айналым: «Жүйрік болсаң, тауып көр» Бұл кезеңде әр топқа сөздері шатысқан өлең беремін, өлеңді дұрыс оқып берулеріңіз керек.
