"Алтын куз "

Сабақтың тақырыбы: «Алтын күз» ертеңгілігі

Сабақтың мақсаты: Балалардың күз туралы білімдерін жетілдіру, ойлау қабілеттерін арттыру, ой - өрістерін дамыту.

Тәрбиеші: Құрметті бүгінгі кешке жиналған қонақтар және ата – аналар!

Бүгінгі мектеп алды даярлық тобының 0 «В» сынып оқушылары дайындаған шағын ғана «Алтын күз» атты ертеңгілігімізді бастаймыз. Армысыздар, халайық, Бармысыздар халайық! Күзгі тойды жұп жазбай, Келіңдер қарсы алайық! - Қараңдаршы, бүгін біздің сыныбымыз қандай әдемі болып кеткен. Қолымызға не ұстап келдік? - Жапырақ. – Осы жапырақтардың түсі қандай? – Сары. Тәрбиеші: Біздің балалар өлең, тақпақ айтып, жұмбақтар шеше алады. Сіздер жайланып отырып, балаларыңыздың өнерін тамашалаңыз.

Мөлдір

Берекесін сыйлауға,
Өлкемізге күз келді.
Жемістерін жинауға,
Шақырады біздерді. Мадияр

Берекелі, мерекелі, 
Келді жомарт алтын күз, 
Қалада да, далада да, 
Жанның бәрі жарқын күз.  Ж.Ерасыл

Сау-сау етіп жапырақ 
Сабағынан үзілді. 
Қоңыр тартып атырып 
Көкке құстар тізілді. 

Думан

Жемісі мол теретін 
Күз дос екен бізбенен 
Бәрін тауып беретін 
Жомарт екен күз деген. 

Эсфир

Жиын-терін  болатын,

Қамбаға астық толатын.

"Қызыл қырман" тойлайсың,

Бұл қай кез деп ойлайсың?

Х. Аяулым

Алтын сары,қызыл,көк...

Алуан алуан жапырақ

Күзгі бақта күлімдеп,

Көз тартады атырап.

Тәрбиеші: Балалар, мен сендерге жұмбақ жасырайын.

Ағайынды бәрі:
Шықса-көк,  Түссе-сары. Бұл не? Балалар: Жапырақ

Тәрбиеші: Дұрыс балалар, қазір жылдың қай мезгілі?

Балалар: Күз

Тәрбиеші: Дұрыс балалар, ал күздің айлары қандай айлар?

Балалар: Қыркүйек, қазан, қараша айлары

Тәрбиеші: Ендеше ортаға күз айларын шақырайық.

Ұлдардың орындауында «Ұлдар биі»

Кенен Ерасыл. (Қыркүйек)

Бірінші қыркүйек
Білімге бастады
Мал мен аң жүр билеп
Құс шарлап аспанда

Бердімұхамед (Қазан)

Жаңартқан ғаламды
Жаңбырлы ғажап ай
Осынау заманды
Орнатқан қазан айы

Аңсар (Қараша)

 Мол байлық тергені
Шаттығы қаншалық
Қараша өрледі
Қараша ән салып

Тәрбиеші: Мінеки, балалар күз айларымен таныстыңдар.

Ән: «Ертегілер әлемінде»

Әнші қыздарыңыздың орындауында

Тәрбиеші: Балалар бізге «Көкөністер» тобы келіп қалыпты, қане кошеметпен қарсы алайықшы. (Әуен ойналады)

Қызылша: Фархат

Ақ түсім бар қант алар

Қызыл түсім қанға нәр.

Ал, балақай біліп қой,

Қызылшамын, пайдам бар.

Қырыққабат: Ақмарал

Бақшаларда тізіліп

Қаперсіз мен жатамын

Қабат – қабат киініп

Қырыққабат атандым.

Сәбіз: Асем

Кім бар сәбіз шырынын
Жастайынан ішпеген?
Мені жеген адамдар
Кем болмайды күлгенде.

Қызанақ: Аселай

Тал шыбығым бұралып,
Бақшаларда қызарып,
Тұрған ол мен – қызанақ,
Күнге қарап ұялып.

Қияр: Абдисахиева К

Көптеп ерте шымырлап,
Өсемін мен бүр жарып.
Атым – қияр, теріп ал,
Жиі-жиі суғарып.

Картоп: Али

Картоп біздің атымыз,

Жер астында жатамыз

Бір тамырдан тараған

Ағайынбыз бәріміз.

Қауын: Дінмухаммед

Иісім жұпар аңқыған,

Бақшадан шырынмен.

Жеп көргендер тамсанған,

Балдай тәтті қауынмын.

Пияз: Мадина

Асханадан шықпаймын,
Атым - пияз, бұқпаймын.
Көзден жасты шығарып,
Тұмаудан бірақ сақтаймын.

Тәрбиеші: Балалар енді мен сендерге жұмбақ жасырайын?

Жаздай інге тығылып,
Жатқан қызыл түлкіні,
Құйрығынан суырып,
Әкелді әжем бір күні.(Сәбіз)

Үстіне тігіп көк шатыр,
Асытында қызыл дәу жатыр.(Қызылша)

Жайлы, жұмсақ төсегім,
Домаланып өсемін,
Қабат-қабат тоным бар,
Қалай оны шешмін? (Қырыққыбат)

Көмдің тағы түйірлеп,
Қазып алдың «үйірлеп».(Картоп)

Тәрбиеші: Балалар көкөністерден қалмай бізге жемістерде келіпті, соларды бір тыңдап көрелік. (әуен ойналады)

Жүзім:Айжұлдыз

Іші толған шәрбат
Дәмі қандай әйбат
Үзесің бірден жүзін
Оның аты-...жүзім

Өрік:Т.Аяулым

Дөп-дөңгелек сары
Ішінде бар дәні
Қызығасың көріп
Оның аты-...өрік

Шабдалы:Хамза

Пісетін кезі дәл күзде
Мезгілсіз оны үзбе.
Аузыңнан кетпес бал дәмі
Оның аты...Шабдалы

Жаңғақ:Данил

Сырты қандай қатты

Дәні сондай тәтті.

Шағып қара таңдап,

Оның аты . . . жаңғақ

Шие:Сымба

Бір сабақта көп түйме
Жей алмайсың көк күйде
Санап қара қанша
Оның аты-...(шие)

Құлпынай:Өтебай К

Жапырақты тасалап
Өсетін жері бақша-бақ
Күрең қызыл шіркін ай
Оның аты-...құлпынай

Алма:Асхат

Пісіп тұрған алмамын,
Тамсандырар бал дәмін,
Жерге сілкіп түсірме,
Ісіп кетер маңдайым.

Хор «»

Абраймова Кәусар

Көктемде егін егетін,
Күзде жиын беретін.
Біздің дала бай дала, Ел егінді жинайды Қырманға дән сыймайды

Алия

Біздің дала бай дала,
Алтын астық айнала. Астық дала сәулетті Астық – Отан дәулетті Біздің дала бай дала, Алтын астық айнала.

Әні: Ойыншықтар

Мұғалім:

Берекесін сыйлауға, Өлкемізге күз келді. Жемістерін жинауға, Шақырады біздерді – дей келе, құрметті бүгінгі кешімізге жиналған қонақтар, ұстаздар және ана – аналар, алтын уақыттарыңызды бөліп біздің ертеңгілігімізге келгендеріңізге көп – көп алғысымызды айтамыз. Келесі кездескенше сау болыңыздар!