Жұлдызды сәттер!

Мен Жапар Балғын Мақсатым – ұлт болашағына алаңдайтын ұлы тұлғалар тәрбиелеу. Міндетім – тәліммен қоса тәрбиені де қатар беру. Еңбек еткен ұстаздық жолымда қанша шәкіртке бағыт-бағдар бердім. Білім бәйгесінде баптағандарым бүгінде бір отбасының ұйтқысы, бір елдің белді азаматы болып отыр. Мамандықпен мақтану әсте әбестік емес. Өйткені, мұғалімнің қашанда рөлі шынайы, болмысы биік. Педагогика мен психологияны қатар алып жүру кім-кімнің болсын қолынан келе бермейді. Ұстаздық жолында одан бөлек, қоғамнан да хабарың болуы маңызды. Демек, әлеуметтану да артықшылық етпейді. Философия да ұстаздың басты қаруы. Ұстаз – осындай әмбебаптықты талап ететін күрделі мамандық. Мен Ұстазбын. Ертеңгі күннің еңселі ұрпағын саналылыққа қарай бағыттау басты міндетім. Ол үшін білім де, әдіс пен тәсіл де, арнайы дәреже де маңызды емес. Ең әуелі адамдықтың шынайы бейнесін шәкіртке көрсете білу қажет. Мейірімге мұқтаж мына заманда мұғалімнің берері мол. Қаталдық қағидасы бұл күнде өз мәнісін жойған. Себебі, бүгінгі қоғам тым күрделі. Оқушы психологиясы да соған сай қиындау. Ата-анамен дұрыс қарым-қатынас орнату, оқушымен тіл табыса білу, түрлі методика арқылы қызығушылықты арттыру – ұстаздың жетістігі. Бүгінгінің білімгеріне жетіспейтіні – еркіндік. Сөз еркіндігін былай қойғанда, ой еркіндігі өткенмен салыстырғанда төмен. Қазақы болмысқа салынып, өз пікірін еркін жеткізуге ұялып жататын шәкірттер де аз емес. Мұғалім осындай жағдайдың барлығына екіжақты көзқараста қарауы тиіс. Мамандығымнан бөлек өмірде де ұстазбын. Балама бағыт сілтер, қызыма иба мен инабат сіңірер ана-ұстазбын. Жарыма қандай жағдай болмасын, жақсылыққа жол сілтер ұстазбын. Шәкіртке білім мен тәртіпті ту етер ұстазбын. Өзіме тұлға ретінде қарауға баға беретін жеке ұстазбын. Адам тәрбиелеу – ұлы міндет. Болашақпен бағытталып, келешекпен кемелденетін ұрпақты тәрбиелеу – жауапты жұмыс. Негізгі құрал – сабақ. Басты міндет – білім беру. Қалыптасқан қағида – қарым-қатынас орнату. Мен Ұстазбын. Ұлы қызметтің даңғылында адалдықтан аттамауым керек.Осыны мәңгі есте сақтауым керек.

Вы уже знаете о суперспособностях современного учителя?

Тратить минимум сил на подготовку и проведение уроков.

Быстро и объективно проверять знания учащихся.

Сделать изучение нового материала максимально понятным.

Избавить себя от подбора заданий и их проверки после уроков.

Наладить дисциплину на своих уроках.

Получить возможность работать творчески.

=> ПОЛУЧИТЬ СУПЕРСПОСОБНОСТИ УЧИТЕЛЯ <=

Просмотр содержимого документа
«Жұлдызды сәттер!»

Жапар Балғын

Ә.Мәми атындағы орталау мектебінің музыка пәнінің мұғалімі

Жамбыл ауданы

Алматы облысы.

Тақырыбы: «Жұлдызды сәт»

Мақсаты: Еліміздің жарқын болашағы мен келешегі үшін оқушылардың дарыны мен қабілетінің артуына жол ашып, білімді де өнерлі ұл- қыздарын тәрбиелеу.

Міндеті: Шығармашылық ізденісін, есту және есте сақтау қабілетін арттыру. Білім мен дағдысының деңгейін анықтау. Шығарманы тыңдай білуге, әнді мәнерлі, әсем сазды орындауға үйрету.

Көрнекілігі: Музыка техникасы, комп. экрандық көркемдеу құралдарын кеңінен пайдалану.

Жүргізуші:

Сәлеметсіздер ме, құрметті ұстаздар, тәрбиешілер және оқушылар!

«Жұлдызды сәт» атты музыкалық сайысқа қош келдіңіздер!

Біздің халық өнерге мол, бай тегі,

Әнші деп те, күйші деп те айт оны.

Әнге сенің қанша икемің бар екен,

Тыңдап алып жалғастырсаң қайтеді.

Бүгінгі тәрбиелік іс-шарамыз сайыс түрінде өтеді. Біздің сайысқа қатысатын оқушыларымыз 2 топқа бөлінді.

Бірінші топ – «Көңілді ноталар» тобы

Екінші топ – «Жас музыканттар» тобы

(Бөлімдермен таныстыру)

Интерактивті тақтадан бөлімдерді жазып көрсету.

1- кезең. «Аспаптар үнін ажырату»

2-кезең. «Ән шырқайық бәріміз»

3-кезең. «Ойна да ойла»

4-кезең. «Сұрақ-жауап»

Әділдікпен баға берер сендерге,

Әділдікпен қара қылды жаруға

Қазір енді қазыларды сайлайық

Алғыр топты ішінен таңдап алуға, - дей келе қазылар алқасымен таныс болыңыздар....

Ендеше сайысымызды бастайық.

1- кезең. «Аспаптар үнін ажырату»

Біздер бәріміз музыка тыңдағанды жақсы көреміз. Сүйікті әуенді естіген кезде, жақсы досымызға күлімсірегендей күлімсірейміз. Міне соның арқасында әуенге елітетін көптеген музыкалық аспаптарды білесіңдер деп ойлаймын. Қазір мен музыкалық аспаптардың үнін жіберемін, сендер қандай аспап екенін ажыратуларың тиіс. №1қобыз, №2 домбыра, №3 асатаяқ, №4 жетіген, №5сазсырнай, №6 дауылпаз, №7скрипка, №8 баян, №9 сыбызғы, №10 шанқобыз.Слайд арқылы аспаптардың суреттері шығады.

1.«Көңілді ноталар» тобы

2.«Жас музыканттар» тобы

Арайланып әрбір таңымыз,

Арайланып ән мен сәніміз.

Туған жердің төсінде тұрып,

Шырқайық, кәне, бәріміз!

2-кезең. «Ән шырқайық бәріміз»

2- кезең бойынша сендер берілген әнді тыңдап,қай әннен үзінді екенін табуларың қажет. Дұрыс тапқан топқа 2 ұпайдан беріледі. Тапқан әнімізді қосылып бірге шырқаймыз.

«Жас музыканттар» тобы бастайды.

«Көңілді ноталар» тобы

3- кезең. «Ойна да ойла»

Слайд арқылы берілген тапсырмаларды әр топ кезек-кезек орындайды.

Күйші-композиторларды ата.

Әріптердің түсіне қарап , аспаптардың атауын тап

Суреттегі аспаптардың атауын және олардың неден жасалғанын айт

4- кезең. «Сұрақ-жауап»

Осы соңғы кезеңде әр топқа 5 сұрақтан беріледі. 5 сұрақтың бәріне дұрыс жауап берсеңдер 5 ұпай беріледі. Яғни, 1 сұраққа 1 ұпайдан ала аласыңдар.

«Көңілді ноталар» тобы

1.Құрманғазы кімге арнап күй шығарды, қалай аталады?

2.Шертпе күй дегеніміз не?

3.Театрға адамдар ен үшін барады?

4.Құрманғазының шәкірті кім?

5. «До» нотасына сөз құра

«Жас музыканттар» тобы

1.Дәулеткерей кімге арнап күй шығарды, қалай аталады?

2.Дина неше жыл шәкірт болды?

3.Театрға барудың қандай ережелерін білесің?

4.Үріп ойнайтын аспапты қалай атайды?

5. «Си» нотасын қатыстырып сөз құра

Жарайсыңдар, балалар! Бәріңіз жақсы қатысып, жақсы жауап бердіңдер. Ендеше, әділқазылар өз қортындыларын шығарғанша біздер «Ата – ананы тыңдаймыз» әнін шырқайық. Әділқазыларға сөз беріледі.

№1 ОЖББМ