Бейбітшіліктің ақ құсын әнге қосқан Ахмет Жұбанов

«Қайнар-мектеп-гимназия» коммуналдық мемлекеттік мекемесі

Музыка пәнінің мұғалімі: Маханова Раушан Сламқұлқызы

2014 – 2015 оқу жылы

Сабақтың мақсаты:

• Білімділік: Қазақ музыкасының ең биік тұлғасы – Ахмет Қуанұлы Жұбановтың өмірі мен шығармашылығы туралы қысқаша мәлімет беру. “Ақ көгершін” әні.
• Дамытушылық: Оқушылардың танымдық іс-әрекетін дамыту, ән иірімдерін дұрыс ести білу, мелодиялық ерекшеліктерін сезіну қабілеттерін дамыту, әнді дұрыс орындауға машықтандыру.
• Тәрбиелік: Әнді тыңдату, айту арқылы рухани адамгершілікке, өз ісіне сенімі мол, еңбекқор, мейрімді, өнерлі, заманына сай тұлғаны тәрбиелеу.

• Сабақтың түрі: аралас сабақ
• Сабақтың әдіс-тәсілдері: әңгімелесу, топтық жұмыс, сұрақ-жауап.
• Сабақтың пәнаралық байланысы: Тарих, өнер, бейнелеу.
• Сабақтың көрнекі-құралдары: интерактивті тақта, саз аспатарының суреттері, гүлдер, смайликтер.

Сабақтың барысы:

• 1. Оқушылармен сәлемдесіп, сыныпты түгелдеу.
• 2. Оқушылардың сабаққа дайындығын тексеру.
• 3. Оқушылардың назарын сабаққа аударып, сабақтың ерекшелігі мен мақсатын таныстыру .

Шаттық шеңбер құру. (оқушылар бір – біріне тілек айтады)

Гүлмен топқа бөлу: 1 – ші топ – қызғалдақ, 2 – ші топ - нарцисс

ІІ. Үй тапсырмасын тексеру . Оқушыларға үйге тапсырма ретінде Ахмет Жұбанов туралы мәлімет жинап келу тапсырма берілген. Сол өз жұмыстарын оқушылар сабақта бірі – бірін толықтырып, оқып береді. «Сен білесің бе?» әдісі бойынша таныстырылым арқылы оқушылардың білім ін толықтыру.

IІІ. Жаңа тақырыпты меңгерту. Ахмет Жұбановтың өмірбаяны, шығармашылы ғына шолу жасау.

Ахмет Жұбанов (1906-1968) - композитор, дирижер, музыкатанушы, этнограф, ҚазССР-нің халық артисі, өнертану ғылымының докторы, ҚазССРҒА-ның академигі, ҚазССР Мемлекеттік сыйлығының лауреаты. 1932 ж. Ленинград консерваториясының тарихи теориялық факультетін бітірген.

1932-1933 жж. - өнертану Академиясының аспиранты. 1934 ж. қазақтың халық аспаптары оркестрін ұйымдастырды (қазіргі Құрманғазы атындағы қазақтың мемлекеттік академиялық халық аспаптар оркестрі). Жұбанов Алматы мемлекеттік консерваториясын басқарды, оған Жамбыл атындағы қазақтың мемлекеттік филармониясын ашу миссиясы жүктелді. Ол республикалық Ғылым Академиясының негізін салушылардың бірі, кейін М.О.Әуезов атындағы өнер мен әдебиет институтының құрамына енген өнертану секторын ұйымдастырды. Жұбановтың ұйымдастырушылық, шығармашылық, ғылыми, педагогикалық, қоғамдық қызметі Қазақстанның музыка мәдениетінің қалыптасу тарихында тұтас бір кезеңді қамтиды. Ол кәсіби музыкалық білім берудің, музыкалық шығармашылық пен музыкалық ғылымның іргетасын қалады. Академик – композитор Жұбановтың есімі қазақ музыка мәдениетінің негізін салушы тұлғалардың көшбасында тұр. Ол Л.Хамидимен бірлесіп, “Абай” және “Төлеген Тоқтаров” операсын, “Құрманғазы туралы естелік маршын”, “Жезкиік” симфониялық шығармаларын, қазақтың би сюитасын, “Саранжап”, “Көроғлы” фортепьяналық шығармаларын, хорлар, әндер, романстар, театр мен киноға арналған музыкалар, “XIXғ. мен XXғ. Басындағы қазақ халық композиторларының өмірі мен шығармашылығы”, “Ғасырлар пернесі”, “Замана бұл-бұлдары”, “Мұқан Төлебаев”, “Құрманғазы” этнографиялық зерттеулерін жазды. А.Жұбановтың қазақ музыка тарихына сіңірген еңбегі ұшан - теңіз.

Ұлт аспаптар оркестрі қалай құрылды?

Оркестрдегі дирижердің міндеті.

Домбыра мен қобыз аспабының түрленуі

«Би» күйін тыңдату.

«Бірге ойлаймыз» әдісі арқылы оқушылар Ахмет Жұбанов туралы постер жасайды және қорғайды.

«Ой қозғау» Ақ көгершін ненің символы?

«Ақ көгершін» әнін тыңдату. «Ақ көгершін» әнінің мазмұның талдау. «Ақ көгершін» әнін айтқызу, жаттату.

Ахмет Жұбанов туралы білгенімізді тірек сызба арқылы көрсетеміз .

Оқушылар сабақ туралы өз пікірлерін стикерлерге жазып, көңіл – күй ағашына іледі.

Оқушыларды смайликтермен бағалау.

Үйге тапсырма: Мұқан Төлебаевтің өмірбаяны мен шығармашылығы туралы мәлімет жинау