Разработка на тему "Көп таңбалы сандарды көбейту"

Сабақтың тақырыбы: Көп таңбалы сандарды көбейту.

Сабақтың мақсаты: Есептер беру арқылы көптаңбалы сандарды көбейтуге үйрету.

Сабақтың міндеттері:

- оқушылардың іздену жолдары арқылы көптаңбалы сандарды көбейтуге дағдыларын қалыптастыру;

- шығармашылыққа, өз бетімен жұмыс жасауға, түйін шығаруға дамыту;

- айналаны қорғауға тәрбиелеу;

Көрнекіліктер: интерактивті тақта, карточкалар.

Сабақ барысы.

1. Ұйымдастыру.

Балалар, көңіл күйлерін қалай?

Ендеше, біздің көңіл күйіміз одан да жақсы болу үшін, біз «Шаттық шеңберге» тұрайық.

(балалар өз аттарын айтып, қимыл жасайды қалғандары қайталайды)

Орындарына отыру.

- Балалар, кешегі бақта біз көптаңбалы сандарды көбейтуге үйрендік, ал бүгінгі сабақта үйренгенімізді көрсетуге тырысамыз.

Ал, қазір математикалық диктант.

Математикалық диктант.

1. а: 3=300, теңдеудің белгісіз санын тап.

2. (25: 25)*3 -(100*0+3) амалдың мәні нешеге тең?

3. 5000: 500, 500: 50 - өрнегін шығар.

4. 827 санындағы ондық разрядында тұрған санды жаз.

Жауаптары: 900, 0, 10, 2.

Осы сандарды қосынды түрінде жазып, мәнін тап.

900+0+10+2=912

Шыққан санды екі есе арттыр. Неше шықты?

912*2=1824

Балалар, бұл сан сендерге еш нәрсені естеріне түсірмей ме?

1824 жылы Көкшетау қаламыздың іргетасы қаланды?

- Ал, сендер осы қаламыздың көшелерінде қыдырып жүргенде қандай жағымсыз жағдайларға тап боласыңдар?

- А, оған кімдер немесе нелер кінәлі?

- Ал, қандай қоқыс түрлерін сендер көресіңдер?

- Біз, мына кітапты алайық, ал сендер білесіңдер ме бір кітап шығару үшін қанша ағаш кесіледі?

- Біз соны бүгін сабақта білуге тырысамыз. Ол үшін мына алгоритм бойынша жұмыс жасаймыз:

1. Кітаптың ені мен ұзындығын өлшейік.

2. Ауданын тап.

3. Неше бет бар екен? Ол неше парақ болады? Анықта.

4. Ауданды парақтың санына көбейт.

Қазақстан статистикасы бойынша 1000 м2 - 20 ағаш келеді.

5. Шыққан санды 20 - ға көбейт.

6. Таралымның санына көбейт.

7. Шыққан сан неше?

- Міне, балалар сонда қандай түйін шығаруға болады?

Сергіту сәті.

- Балалар, кеше біз бастауыш сыныптардан қағаздардан қоқыстарды жинап алдық.

Енді, оны өлшеп алайық.

- Сонда неше грамм шықты?

Енді, топтарға тапсырма

1 топ - 1оқу жылында 200 күн бар. Осы күндерде неше грамм қоқыс жинап алуға болады? Килограммен өрнекте.

2 топ - Бастауыш сыныптарында 120 оқушы бар. Сонда 1 оқушыға неше граммнан келеді?

3 топ - Бастауыш мектепте 7сынып бар. Әр сыныпқа неше граммнан келеді?

4 топ - Біздің мектебімізде 70 сынып бөлмесі бар. Сонда біздің мектептен қанша грамм қағаз шығады?

Топтар өз жұмыстарын қорғайды.

Түйінін шығару.

- Балалар, 4 в сынып оқушысы Нұрмұхамед өз ғылыми жобасында, Көкшетау қаласы бойынша ең коп қоқыс, қағаз қоқсы дейді - ол 30%.

Қорытынды.

Топтарға бөліну.

Балар өз таңдаулары бойынша: көз, құлақ, ауыз, қол суретін алып топтасып отырады.

Әр бала, гүлге сабақта не естігенің, айтқанын, көргенін, жазғанын үш сөзбен жазып тақтаға іледі.

Оқушылар бағалау парағын толтырады.

Үйге жұмыс.

Өзін өзі бағалау парағы

Оқушының аты - жөні:

1 Математикалық диктант

2 Ауызша сұрақтарға жауап беру

3 Практикалық жұмыс

4 Топта мен қалай жұмыс істедім?

5 Логикалық тапсырма

Барлығы

1 тапсырма - қатесіз - 4 ұпай, 1қате - 3 ұпай, 2 қате - 2 ұпай.

2 тапсырма - 2 ұпай

3 тапсырма - 3 ұпай

4 тапсырма - 2 ұпай

5тапсырма - 2 ұпай.

Егері, барлығы - 13 ұпай болса -«5» баға

11 - 10 -«4» баға

9 - 7 - «3» баға