7 -сынып. ?стеуден ?ткенді ?айталау

Аты-жөні: Онор Алтынгуль

Оқыған оқу орны: Астана қаласы, Еуразия Ұлттық Университеті, филология факультеті.

Мамандығы: Қазақ тілі және әдебиеті пәндерінің оқытушысы

Қызмет орны: Астана қаласы, №58 мектеп-гимназиясы

Сабақтың тақырыбы: Үстеуден өткенді қайталау

Мақсаты:Білімділік:Оқушылардың үстеуден алған білімдерін нығайту, тиянақтау, бір жүйеге келтіріп қорыту,теориялық білімдерін практикамен ұштастыру,оқушы білімін есепке алу;

Дамытушылық:әдеби жанрлардың түрлерінен мысалдар келтіруарқылы оқушының әдебиетке деген қызығушылығын арттыру ізденімпаздыққа, шығармашылық қасиеттерін қалыптастыру, тіл байлығын жетілдіру;

Тәрбиелік: оқушыларды адамгершілікке, ізеттілікке, әдептілікке, шапшаңдыққа тәрбиелеу, ұлттық құндылықтарды қадірлеуге баулу, өз тілін, елін,жерін сүюді үйрету.

Сабақтың типі: қайталау сабағы

Сабақтың түрі: жарыс сабақ

Әдісі: Сын тұрғысынан ойлату әдісінің элементтерін пайдалану

Көрнекілігі: тестік карточкалар , поэзиялық прозалақ шығармалардан үзінділер, мақал-мәтел, жұмбақ, жаңылтпаш жазылған карточкалар, оқушы білімін есепке алатын бағалау сигналдары , слайд;

Сабақтың барысы: Ұйымдастырылуы.

-Сәлеметсіңдерме , балалар?

-Кезекші кім?

-Үйге қандай тапсырма берілді?

-Жақсы. Сабағымызды бастамас бұрын бүгінгі сабақтың мақсатымен таныстырып өтейін.

-Сонымен қатар бүгінгі біздің сабақ әдеттен тыс сабақ. Бізде қонақтар отыр. Сол себепті бір-бірімізге игі тілектер айтайық!

-Жақсы күнделіктерің 4 пен 5 ке толсын. "Күнделік" сөзі неше буыннан тұр. Және алғашқы буыны қайсы?

Олай болса, Күніміз нұрлы болсын,

Көңіліміз аспандағы күндей,

Шуақты да жылы болып,

Өміріміз нұрлы болсын!,-деген игі тілекпен сабақты бастайық!

Қызығушылықты ояту сатысы:

"Адам-өз өмірінің суретшісі. Ол өмірді сырлап б ояуға, оған ажар беруге, түр беруге, оны әшекейлеп өрнектеуге еңбек етеді.",-деген екен жауынгер ақын Б.Бұлқышев.

Күй. С.Тұрысбеков "Көңіл толқыны "

-Ал, балалар, Б.Бұлқышевтың бұл сөзін қалай түсінесіңдер?

Жақсы.

Ал,еңбек ету үшін, адамның ажарлы өмір сүруі үшін не керек деп ойлайсыңдар?

-Білім.

-Ендеше, бүгінгі сабағымызда ойлау сатыларына "Адам-керуен,өмір-жол" дегендей жолға шығамыз. Ол үшін топқа бөлініп отырмыз. Екі топқа ат қояйық ! "Намыс" , "Жігер" болсын. Әрбір тапсырмаларға мен бағалау сигналдарын беремін.Қай топ көп жинаса, сол топ жеңіп менің қолымдағы "Астана бәйтерек" монументіне билетті ұтып алады.

Ендеше іске сәт!

Мағынаны ашу сатысы.

-Сонымен , жолға шықтық. Жолдағы ережелерді сақтап, бағыт сілтеуші не?

-Бағдаршам. Олай болса, бүгінгі бағыт сілтеушілерің мен, ал сиқырлы бағдаршам түстері сендерді ойлау сатыларына шақырады.

-Балалар, қандай түс?

-Ақ түсті көрген кезде көздеріңе не елестейді?

-Жалпы-ақ түс шексіздік ұғымына сай келеді. Адам баласының алар ұғымы өте шексіз.

-М:-Ендеше сол шексіздіктің бірі-үстеу.

"Қайталау-оқу анасы"-

Деген халық данасы.

Білімді болсақ егер біз,

Ешкімнің болмас таласы.

Олай болса, балалар,

Қане қалыс қалмаңдар.

Қайталайық үстеуді

Босқа қарап тұрмаңдар,-дегендей бүгінгі сабақтың тақырыбы-

Үстеуден өткенді қайталау.

"Зымыран" сұрақтарға жауап берейік!

Өте жақсы.

Келесі түс қандай? Жасыл

-Жасылда қандай ой бар?

Жасыл-көңілдің жайсаңдығын білдіреді . Тыныштықты тілейді. Ендеше "жол ашық!"

келесі ойлау сатысы- алған мағлұматтарды зерттеу. Яғни практика жүзінде іске асыру. Әр топтан 2 оқушы шығамыз. Қалғандарымыз дәптерге жазамыз.

1-топқа: «Дұшпан ұшақтары қала үстінде күні-түні ұшып,бомбаларды боратып жатыр».

2-топқа: «Ол бәрін қасақана істегенін мойындады.»

-Өте жақсы.

-Келесі қандай түс?

-Сарыда қандай ой бар?

-Сары шексіз байлықты, дархандықты білдіреді.Бай болу үшін еңбектену керек.Ендеше еңбектенуге дайындал!

Деңгейлік тапсырмалар:

1-деңгей: Кез-келген тақырыпқа шағын өлең шығару.Құрамында үстеу болу керек.

Төмендегі оқушылар:Саяжан,Ердәулет,Олжас,гүлжан,Жанаргүл,Алдаберген.

2-деңгей:Құрамында үстеуі бар ән жазып, орындау.

Төмендегі оқушылар:Серікболат, Сүйінбай,Гүлмира,Айдос,Зулай

3-деңгей: Үстеулерді қатыстырып сөйлем құрау.

Төмендегі оқушылар: Еркегүл,Зоя,Айдын,Темірлан,Байсолтан,Ақбота

-Өте жақсы.Әр балаға 1 сигнал беріледі.Топтың қоржынына түседі.

Келесі түс қандай?

-Қара

-Қарада қандай ой бар?

-Қара адамның көңіл күйін түсіреді.Яғни білмейтін жағымызды көрсетеді.Ендеше, қара түстен сақ болайық!

«Көмбедегі сұрақ» тестке тез-тез жауап берейік!

Өте жақсы.

Ал,балалар, келесі қандай түс?

-Көк.

-Көк түсте қандай ой бар?

-Көк түс түпсіз тұңғиық дегенді білдіреді.

-Жақсы.Таза мінсіз-асыл тас,

Су түбінде жатады.

Таза мінсіз-асыл сөз,

Ой түбінде жатады,-деп Асан атамыз айтып кеткендей, келесі ойлау сатысы:

«Ой толғаныс» деп аталады.Олай болса, «Cабақтан алған әсерім» атты шағын ой толғау жазамыз.

-Жақсы. Келесі соңғы түс қандай балалар?

-Қызыл.

-Қызылда қандай ой бар?

-Қызыл-көңіл-күйдің көтеріңкілігін білдіреді. Бұл соңғы түс.Сондықтан тоқтаймыз. Келесі ойлау сатысы:

БҮҮ страгтеиясы:

-Енді алдымыздағы сигналдарды санап жеңімпаз топты анықтайық

Үй тапсырмасы: Құрамында үстеуі бар 5 мақал-мәтел жазып келу;

Бағалау:оқушылардың сабаққа қатысы, білімін ескере отырып бағалау