XXI?асыр к?шбаcшысы

ХХІ ғасыр көшбасшысы

Мақсаты:оқушылардың математика пәні бойынша білім қабілеттерін тексеру,сыныптың көшбасшысын анықтау.

Барысы:

Жоспар.

І кезең.

1)Таныстыру

2)Бәйге(сұрақтарға ауызша жауап беру)

3)Санамақ(өлең есеп шығару)

4)Математикалық тест

ІІ кезең

1) Тіл – өнер сайысы (құрамында сан есімі бар жұмбақ шешу және оны орысшаға аудару)

2)Білімпаз (Тақтада берілген тапсырманы дұрыс әрі шапшаң орындау)

3) Жорға (екі оқушы 1 минуттың ішінде сұрақтарға жауап беруге тиіс, әр жауапқа 5 ұпай)

4)Мың бір мақал( оқушылар өздері жаттаған сан есімі бар мақал- мәтелдерімен айтысады)

1-жүргізуші:

Уа, халайық,халайық,

Бәріңе жар салайық.

Бүгінгі кеш төрінде,

Математика елінде

Есеп шешіп жарысып,

Жұмбақ шешіп андысып,

Шабыт тасып шалқысып,

Көңілді кеш жасайық.

Мұнда қызық табылар,

Әр сабақтың бәрі бар.

Ал ,сайыскер балалар,

Білімдеріңді сынайық.

2- жүргізуші:

ХХІ ғасырдың көшбасшысын табайық. Құрметті ұстаздар, оқушылар, сіздер 4- сынып оқушылар арасындағы сайысымызға қош келдіңіздер! Ал енді әділқазылар алқасын сайлап алайық.

1-жүргізуші.

Ойынымыз 2кезеңнен, яғни 8 турдан тұрады.Әрбір дұрыс жауап үшін қатысушыларға 5 ұпайдан беріледі.І кезеннен кейін , демек 4- турдан кейін ұпайы төмен 2 оқушы ойыннан шығады сосын 6 –турдан кейін ұпайларын санап

ең аз ұпай алған 1 оқушы шығады.Ең соңында 1 оқушы,яғни көшбасшы анықталады.

2-жүргізуші:

Ғылымның сырын ұғына

Шығыңдар білім шыңына.

Ұқыптылық пен зеректік

Жеткізер сіздей өренді

Әр сабақтың сырына.

Қадамдарың оң болсын ,

Сәт- сапар енді тілейік!

1-жүргізуші:

Біреуінің жүрегінің түгі бар,

Біреуінің арқалап жүрген жүгі бар.

Бәрінен де ең бастысы- барлығының

Қатты істейтін миы бар!- демекші енді ортаға сайыскерлерімізді шақырайық.

Ду қол шапалақпен қарсы алайық!

1-тур.Өздерін таныстырып өтеді.

2-тур. Бәйге(ауызша сұрақтарға жауап беру)

1)1тоннада неше кг бар?(1000кг)

2)1м² неше квадрат дециметр бар?(100дм²)

3)Тік төртбұрыштың ауданын қалай табамыз?(Ұзындығын еніне көбейтеміз)

4)Қосудың ауыстырымдылық заңын айт.(Қос-ң орнын ауыс. мәні өзгермейді)

5)Ең үлкен 4 таңбалы санды ата.(9999)

6) Қашықтықты қалай табады?(S=u.t)

7)Теңдеу дегеніміз не?(Теңдеу дегеніміз құрамына енетін әріптің мәнін табу керек болатын теңдік)

8)Кез келген санды 0-ге кобейтсе не шығады?(0)

9)24×2 кобейтіндісі нешеге тең?(48)

10) 10² нешеге тең?(100)

11)Шаршының қасиетін айт.(барлық қабырғаларының ұзындықтары тең)

12)Колемді қалай есептейді?

3-тур. Өлең есептер шығару

Талдан ұшты топ торғай

Бірақ емес көп торғай

Алдында оның бастаушы

Артында оның төрт қостаушы

Қайта оны санасақ:

Соңында біреу қалып келеді

Ойың жүйрік болса егер

Торғай нешеу есеп бер (6) ***********

Он бір түйе, бес жылқы,

Екі сиыр, бес ешкі,

Екі қоян, үш түлкі

Таба алмасаң бұл күлкі(28)

**************

Бес бұтақты ағашта

Бұтақ сайын бес алма

Біреуін бер Омашқа,

Сонда қалмақ неше алма?(24)

**************

Қиын пәннен сұралып,

Қалды Қанат «бір» алып,

Сөйлеймін деп беталды,

Самат одан «екі» алды.

Мен де сөзден тұсалдым,

Өліп –талып «үш» алдым.

Тастамайтын бар пәнді-

Таңат болса «төрт» алды.

«Озатымыз» қашаңғы-

Орақ болса»бес» алды.

Жауап таппай қиналып,

Жасама сен осалдық.

Барлығымыз жиналып,-

Айтып берші , неше алдық?(15)

*******************

Бар еді қос досым,

Қос досым өскесін-

Қос досын әкеліп,

Достыққа қос десін.

Қос досы келді де,

Қосты әйбат бес досын.

Осынау достарға

Мені де қосқанда-

Жұмылса жұдырық,

Ұқсаймыз қос қолға!

Сонда біз баршамыз,

Санағын:- Қаншамыз?(10)

4-тур.Математикалық тест.

1) Теңдеуді шеш. Х:70=9

а)630 ә)63 б)7

2) Салыстыр Зсағ * 300 мин

а) ә) б) =

3) Мәнін тап 12×5:2

а)50 ә)40 б)30

4) Шаршынын периметрі 24 см . Оның ауданын тап.

а)35см² ә)40см² б)36см²

5) Сан қатарын жалғастыр 2,4,6..

а)10 ә)16 б)12

6) Бір айда 5 рет жексенбі болуы мүмкін бе ?

а)ия ә)жоқ

7) Токарь 2 сағатта 86 деталь дайындайды, 6 сағатта неше деталь дайындайды?
а)25 ә)86 б) 158

8) Ағасы 12 кг шие терді. Ал қарындасының терген шиесі оның төрттен
біріндей болды.Олар екеуі неше кг шие терді ?

а)20 ә)15 б)16

9) Сандардың квадратын тап а)9²= ә)3²= б)6²=

10) Ұзындығы 4 см, ені 3 см, ал биіктігі 1 см . Қораптың көлемін тап

а) 7 см ә)12см б)8см³

Әділқазыларға сөз беріледі .Ұпайы аз 2оқушыны анықтау,шығарып салу.

ІІкезең. 5 – тур. Санды жұмбақтар шешу.

1) 104 түйме,

11 ине. (есепшот-счёты)

2)100мүйізі бар ,үстінде киізі бар. (киіз үй-юрта)

3)Қос құлақты,100 тісті

Жүзінен бір-ақ із түсті. (ара- пила)

4)1санға өсірді.

Өзі қалып орнында,

Бізді алға көшірді. (сынып-класс)

5)Қалқиып 2 құлағы,елеңдеп қорқып тұрады.(қоян-заяц)

6)Екі аяқты 1 ізді,үстіне адам мінгізді. (велосипед-велосипед)

7)Бойы 2 қарыс,сиып тұр 25 арыс.(сызғыш-линейка)

8)Ағайынды 5 туыс,жамылатын тоны бар.

5-еуінде 5 қуыс, сырттан кірер жолы бар. (қолғап-перчатки)

9)2 аяқпен кезек-кезек тебеді,ол тынымсыз домалап

Зыр жүгіре береді. (доп-мяч)

10)1 қораға қамалғандар,жану үшін жаралғандар.(сіріңке-спички)

6-тур.Білімпаз. (Тақтадағы тапсырмаларды орындау)

1)Есепті шығар:

Жаяу адам сағатына 5км жүрсе,3 сағатта қанша км жүреді?

2)Өрнектің мәнін тап:

128 ×4 1600:2 136 × 30 207 × 4 588:4 325:5

3)Теңдеуді шеш:

Х× 100=14000-8000 Х:4=984

Әділқазыларға сөз беру.

Ұпайы ең аз1 оқушыны шығарып салу.

7-тур. Жорға

2 оқушы 1 минуттың ішінде сұрақтарға жауап беруге тиіс(Әр жауапқа 10 ұпай беріледі)

І нұсқа

1. Азайтудың нәтижесі қалай аталады?

2. Бір тәулікте неше сағат бар?

3. Қосуға кері амал

4. Ғасырда неше жыл бар?

5. Ұзындық өлшем бірліктерін ата?

6. Аптаның соңғы күні қалай аталады?

7. 58-дің алдындағы сан?

8. 340 пен 300-дың айырмасы нешеге тең?

9. Оқу басталатын ай?

10. Тоғыз жүздік пен сегіз жүздіктің айырмасы?

ІІ нұсқа

1.Қосудың нәтижесі қалай аталады?

2.Бір сағатта неше минут?

3.Бөлуге кері амал

4.Жылда неше ай бар?

5.Масса өлшем бірліктерін ата

6.Аптаның басы қалай аталады?

7.70-тің алдындағы сан?

8.340пен300қосындысы нешеге тең?

9.Оқу аяқталатын ай

10.Тоғыз мыңдық пен сегіз мыңдықтың айырмасы?

8-тур. Мың бір мақал.

Сан есімі бар мақалдарды айту.Оларға да 5 ұпайдан беріледі

Әділқазылар алқасына қорытынды сөз беру .Марапаттау.

Айсары орта мектебі

Математикадан сыныптан тыс жұмысы: «ХХІ ғасыр көшбасшысы»

Өткізген:ЖукеноваЛ.Қ.