Конспект внеклассной работы "Математика ??пиялары"

ШҚО, Тарбағатай ауданы, Би Боранбай атындағы орта мектебі

Математика пәнінің мұғалімі Бектемирова Айгуль Шаяхметовна

Математика құпиялары (Сыныптан тыс шара)

Мақсаты:

Білімділік: Оқушыларға тарихи мәліметтер беру. Фокустар мен ойындардың математикалық заңдылықтарға негізделгенін көрсету.

Дамытушылық: Логикалық ойлау, математикалық тілде сөйлеу қабілеттерін дамыту.

Тәрбиелік: Белсенділікке, жолдастыққа және ізденімпаздыққа тәрбиелеу.

Сабақтың түрі: Танымдық ойын

Сабақтың әдісі: Блум таксономиясы, эссе

Көрнекілігі: слайдтар, кубиктер, квадрат бөліктері, сынақ билеттері

Сабақтың барысы:

І. Ұйымдастыру кезеңі: Оқушыларды 2 топқа бөлу, бағалау парағын тарату ( Оқушылар әрбір орындалған тапсырма үшін «+» белгісін қойып отырады)

ІІ. Қызығушылықты ояту (5-10 мин.)

1.«Жалғасын тап!» ойыны ( Сандарға, оқу-білімге байланысты мақал-мәтелдердің жалғасын табады)

1. Бір жылы сөз - (көп күнге азық)

2. Дос егіз болса, (дұшпан сегіз)

3. Жеті жұрттың тілін біл, ( жеті түрлі білім біл)

4. Оқу білім азығы, (білім өнер қазығы)

5. Емен ағаштың иілгені – сынғаны, ( ер жігіттің екі сөйлегені - өлгені)

6. Алтау ала болса, ауыздағы кетеді, ( төртеу түгел болса, төбедегі келеді)

7. Білекті бірді жығады, ( білімді мыңды жығады)

8. Білгенің бір тоғыз, ( білмегенің тоқсан тоғыз)

ІІІ. Мағынаны ажырату ( 20-25 мин.)

2. Блиц-турнир ( Математика тарихы бойынша сұрақтарға жауап береді. Қосымша материалдармен мұғалім толықтырады)

3. Фокус «3 – ші дәрежелі түбір табу» ( 1-ден 100-ге дейінгі кез-келген санның кубы арқылы оның 3 – ші дәрежелі түбірін табу әдісін көрсету)

Әр топ осы әдісті пайдаланып мысал келтіреді және әдісті қалай қолданғанын түсіндіреді.

Сергіту сәті: «Танграмм» ойыны ( Бөліктерден квадрат құрастыру керек)

Танграмм – ескі қытай ойыны.Ол осыдан 4000 жыл бұрын пайда болған. Квадратты 7 бөлікке бөліп, осы бөліктерден жануарлардың, адамдардың бейнелерін және тағы басқа фигураларды жинауға болады.

4. Фокус «Үш таңбалы сандар»

Бес ойын сүйегінің жақтарына үш таңбалы 30 сан жазылған. Ойын сүйектерін столда лақтырғанда түскен сандардың қосындысы тез арада есептеледі. Оқушыларға сұрақ қойылады:

Қосындыны табу қандай заңдылыққа байланысты? Басқа сандар үшін орындала ма?

( Әр топ жауап береді)

5. Жаңа нәтижеге ие болу – бұл адам бақыты ( Пастер) . (Оқушылар өз бетімен дайындаған жұмыстарын көрсетеді)

6. Релелік сынақ (Оқушылар қарапайым, орташа және күрделі дәрежедегі сұрақтар жазылған билеттерді алады, дайындалып жауап береді. Топ мүшелерінен бір көмек алуларына болады)

Ой-толғаныс ( 10-15 мин.)

1. Бағалау ( Жауап парағындағы белгілері бойынша топта талқылайды және бағалайды )

2. «Математиканы оқу қажет пе?» тақырыбына эссе жазады. Жазғандарын дауыстап оқиды.

Үйге тапсырма: Фокустарды қайталау. Математика құпияларын ашу үшін іздену.