Біздің жанұя.

Сабықтың тақырыбы: Біздің жанұя.

Мақсаты:а) білімділік: Жанұя туралы балалардың түсінігін қалыптастыру, отбасы

                  мүшелерінің атауларын атай білуге, сұрақ-жауапқа толық жауап беруге,

                  инретнат үйінде қызмет ететін тәрбиешілердің, мұғалімдердің,

                  мамандардың, күтушілердің есімін біліп атай білуге үйрету.

             в) дамытушылық:Көріп есте сақтау қабілетін, есте сақтау қабілетін,

             зейінің, фонематикалық есту қабілетін, сөздік қорың дамыту, ойын

             дағдыларын қалыптастыру және ойындар арқылы сұрақтарға жауап беруге

             дағдыландыру, сабаққа деген қызығушылығын арттыру, ұсақ қол

             қимылдарын жаттықтыру.

             г) тәрбиелік: үлкендер мен кішілерді құрметтеуге, сыйлауға және бір-біріне

            көмектесіп, қамқор болуға тәрбиелеу.

Көрнекі-құралдар: отбасы мүшелерінің суреттері, жыл мезгілдерінің суреттері, отбасы мүшелерінің буклеті, жануарлардың суреттері.

Әдіс-тәсілдері: әңгімелесу, сұрақ-жауап алу, көрсету, түсіндіру, бой сергіту, ойындар, мақал-мәтелдер, қорытындылау және мадақтау.

Сабақтың барысы:

1.Ұйымдастыру кезеңі.

Шаттық шеңбер:

Сәлемдесу.

-Сәлеметсіңдер ме балалар, бүгін біздің сабағымызға көп қонақтар келді. Келген қонақтарды орнымыздан тұрып, қарсы алып, амандасайық.

Арайлап таң атты,

Алтын сәуле таратты.

Жарқырайды қаламыз,

Жайнай түсті даламыз.

Қайырлы таң, балалар,

Қаырлы таң, қонақта!

- Жарайсындар балалар, қане орындықтарымызға отырайық.

- Бүгінгі біздің сабағымызға келген қонақтар, сендердің сабаққа қалай жақсы қатысатындарыңды көруге келді, ал ендеше балалар сабаққа жақсы қатысып, жауап беріп отырындар.

- Балалар қазір жылдың қай мезгілі?

- Қазір жылдың қыс мезгілі.

- Қыс мезгілінде қандай өзгерістер болады?

- Қыс мезгілінде күн суық болады, жиі-жиі аппақ ұлпалы қар жауады. Айналаның барлығы аппақ болып жатады, далада аяз қатып, ауа райы суық болады.

- Балалар қардан біз не жасаймыз?

- Қардан аққала жасаймыз.

- Ал, қыс мезгілінде біздің асыға күтетін қандай мереке келе жатыр?

- Әрине «Жаңа жыл» мерекесі келеді.

- Жаңа жылда бізге кімдер келіп сыйлықтар береді?

- Аяз ата мен Ақшақар келіп, бізге сыйлықтар сыйлайды.

- Бүгін далада ауа райы қандай?

- Бүгін далада ауа райы суық.

Сұрақ-жауап:

- Ал, балалар бүгін біз отбасы мүшелері туралы  қайталау сабағын өтеміз.

- Отбасы мүшелері деп кімдерді атаймыз?

- Отбасы мүшелеріне апа, ата, әке, ана, аға, әпке, іні, қарындас жатады.

- Апа, ата, әке, ана, аға, әпке, іні, қарындасты жалпы сөзбен қалай атаймыз?

- Оларды жалпы сөзбен отбасы мүшелері деп атаймыз.

- Отбасы жайлы жақсы сөздерді, тәрбиені, өсиетті кімнен аласындар?

- Мұғалімдерден, тәрбиешілерден, ата-әжеден, туыстардан аламыз.

- Отбасы мүшелері қайда тұрады?

- Отбасы мүшелері бір үйде тұрады.

- Отбасы мүшелері бір-біріне қандай қарым қатынас жасайды?

- Отбасы мүшелері бір үйде тұрады, әңгімелеседі, бірге бір дастархан басында отырып ас ішеді, бірге теледидар көреді, барлығы бірге мейрамдарды мейрамдайды, саябаққа шығып қыдырады.

- «Отан-отбасынан басталады» демекші, өскен ұянды құрметтеу мен «Отбасы шағын мемлекет» деп үлкенді сыйлап, кішіге қамқор болуды отбасында үйретеді. (ата-әжесінен, әке-анадан, аға-женгеден үйренеді)

- Ал, сендердің балалар отбасыларын осы интернат үйі болып келеді. Яғни біздің отбасы мүшелермізге тәрбиешілер, мұғалімдер, медбикелер, күтуші апайлар, күзетшілер және ең жақыны, әрине тобымыздағы балалар жатады. Мұғалімдер сендерге жазуды, сызуды, әріптерді тануды, оқуды, түстер мен пішіндерді ажыратып айта білуге, ән айтуды, киімдерді тігуді және үтіктеуді, сурет салуды, дұрыс сөйлеуді үйретеді. Ал, тәрбиешілер сендерге тәрбие береді киімдерді ұқыпты етіп киіндіріп сабаққа жібереді, сендерді асханаға апарып астарынды береді, түсте ұйықтатады, ұқыпты жүруге, тазалықты сақтауға, бір-біріне қамқоршы болуға, мейірімділікке тәрбиелейді. Күтуші апайларымыз біздің топ бөлмелерімізді таза ұстайды, біздің төсектерімізді жинайды, бізге қамқорлықпен жақсы қарайды. Медбикелерсендер ауырып қалған кезде дәрілер мен дәрумендер береді, дене қызуларынды өлшейді, екпе салады, сендердің тез сауығып кетулеріне көмектеседі. Күзетшілер біздің интернат үйімізді және біздің тыныштығымызы сақтап, қорғайды. Ал, балалар сендердің ен жақын отбасы мүшелерін топтағы балалар. Яғни сендер күнде бір топта бірге боласындар, теледидар көресіндер, бірге ойыншықтарды бөлісіп ойнайсындар, бір дастархан басында отырып тамақ ішесіндер, сабаққа бірге барасындар, мерекелерге бірге қатысасындар, бірге театрға, музейге, саябаққа, серуендеуге шығасындар, күнделікті бір-бірімен әңгімелесесіндер. Мінекей балалар сендердың отбасы мүшелерін өте үлкен екен. Сондықтан балалар бір-бірімізді, үлкендер мен кішілерді ренжітпей сыйлап, тындап, көмектесіп жүріндер.

- Ал, енді балалар өздерінің тәрбиешілерінді, күтуші апайлаынның, мұғалімдердің және топтағы балалардың есімдері мен жақсы жақтарын айтып беріндеріш?

2. Мақал-мәтелдер.

- Қазір мен сендерге мақал-мәтелдер айтып беремін, ал сендер мұқият тындап отырындар.

1.Әке – бәйтерек,

Ана – жапырақ,

Бала – жағасындағы құрақ.

2.Ананың сүті-бал,

Баланың тілі – бал.

3. Балалы үй базар,

Баласыз үй мазар.

- Балалар осы айтылған мақал-мәтелде кімдер жайлы айтылған?

- Әке, ана, бала.

-Әке, ана, бала бәрі бірігіп жанұяны құрайды яғни біз оны отбасы мүшелері деп атаймыз.

3. Сергіту сәті.

Орнымыздан тұрайық,

Алақанды соғайық.

Оңға, солға қарайық,

Қолымызды созайық.

Он қол, сол қол,

Он аяқ, сол аяқ.

Жаттығу оп-оңай-ақ,

Қане балалар орнымызды табайық.

4. «Кім тапқыр?» ойыны.

Ойын шарты: отбасы мүшелерінің жеке суреттері көрсетіледі, көрсетілген суреттерді жинап алып, орнына суреттердің көлеңке бейнелері тақтаға ілінеді. Ал, балалар суреттердің көлеңкесіне қарап, кімнің бейнесі екенін табуы керек. Суреттер: апа, ата, ана, әке, әпке, аға.

5. Саусақ жаттығуы: «Біздің шаңарық».

Ойын шарты: екі қолдың саусақтарының атауларын атай отырып, бір-біріне кезекпен теңестіреміз.

Бас бармағым- атам, үйдің данасы,

Балаң үйрек- апам, ошақ анасы.

Ортан терек- әкем, отау панасы,

Шылдыр шүмек-анам, үйдің ажары.

Кішкентай бөбек –мен, бәрінің базары мен еркесі.

6.«Қайсы қалай дыбыстайды?» ойыны.

Ойын шарты: суреттен кез келген жануарды көрсетемін, ал балалар көрсетілген жануардың атауын атап, дыбыстауын дыбыстап айтып береді.

Сиыр- муу- муу деп дауыстайды,

Қой- мәә-мәә деп дауыстайды.

Жылқы- иаа-иааа деп дауыстайды,

Мысық- мияу-мияу деп дауыстайды.

Ит- гаф-гаф деп дауыстайды,

Шошқа хрю-хрб деп дауыстайды.

Есек- и-а—и-а деп дауыстайды,

Ешкі мәә-мәәә деп дауыстайды.

Ал балалар қоян қалай дыбыстайды, әрине қоян үндемей қытырлатып сәбізін жеп отырады.

7. «Кім жылдам?» ойыны.

Ойын шарты: балаларға көптеген дыбыстарды айтамын, айтылған дыбыстардың ішінен белгіленген дыбысты естігенде, жылдам алақандарың соғып дыбысты ұстап алуы керек.

1). О – у – е – (а) – ә – и – (а)

2), ә – ж – қ – (к) – ф – м - х – (к)

3). С – (з) – ж – т – д – (з)- ц

4) п – б – н- (м) – у- х –ш –(м)

8. Сабақты қорыту.

- Сонымен балалар отбасы мүшелеріне кімдер жатады?

- Ал, сендердің отбасы мүшелерін кімдер?

- Бүгінгі сабақтың ойындары қызықты болдыма?

Бағалау: сабаққа жақсы қатысқандары үшін мадақтау.

- Жарайсындар балалар бүгінгі сабаққа барлықтарын жақсы қатыстындар, ойындарға белсене қатысып, ойындарды қызығушылықпен ойнадындар.

Сабақ соңында қоштасу.

- Сау болыңыздар, рахмет!