"?ш?ан ?я" ашы? саба? жоспары

Қостанай қаласы

№9 орта мектебі

Мурзатаева Куляш Нартаевна

Оқу орны: Рудный педучилище - мамандығы бойынша бастауыш сынып мұғалімі, Қостанай Мемлекеттік пед институт – мамандығы бойынша қазақ тілі және әдебиет

Білімі: жоғары

Еңбек өтілі – 36,5 жыл

Санаты: І

Сабақтың тақырыбы: Ұшқан ұя

Сабақтың мақсаты: І. Білімділік: Батырдың балалық шағы немесе жалпы ол туралы не білетіндерін ескере отырып, мәтінді өз бетімен оқып, талдап шығуға мүмкіндік беру.

II. Дамытушылық: 1.Оқушыға өздік жұмыс жасату арқылы оның оқулықпен жұмыс істеу мәдениетін көтеру, проблемалық мәселелерді шешудегі іскерлігін арттыруға жағдай тұғызу.

2. Оқушылардың сын тұрғысынан ойлауын дамыту. Шығармашылықпен жұмыс істеуге, өз ойын ірікпей айтып, дәлелді сөйлеп, болжай білуге үйрету.

3. Тәрбиелік : Үлкенді сыйлауға, әдепті болуға, ата тегін, елін құрметтей білуге, батылдық пен батырлыкқа тәрбиелеу.

Сабақтың көрнекілігі: Интеративті тақта, конферт, хат суреттері,Б. Момышұлының суреті, киіз үй суреті, тірек сөздер, музыка әуені «Келші, келші, балашым» сөзі Қ. Ыдырысов, әні Е.Хасанғалиев, тест сұрақтары, мадақтауға қима жүректер.

Сабақтың типі: Жаңа материалды меңгерту.

Сабақтың түрі: Дамытушылы қ сабақ

Сабақтың әдісі: Ой шақыру, тірек сөздер, қызығушылықты ояту, болжау, негізгі идеяны суреттеу, мағынаны тану, ой толғаныс, бес жолды өлең, тест.

Сабақтың барысы : І. Ұйымдастыру кезеңі. Психологиялық дайындық. (1 слайд)

Бір Аллаға сиынып,

Кел, балалар, оқылық,

Оқығанды көңілге

Ықыласпен тоқылық..

Оқысаңыз , балалар,

Шамнан шырақ жағылар,

Тілегенің алдыңнан

Іздемей-ақ табылар.

ІІ. Үй тапсырмасын тексеру. Ыбырай Алтынсарин «Ата әжеме хат». (2 слайд)

1. Қызығушылықты ояту: Блиц сұрақтар. (3 слайд)

1. Хатты жазып отырған кім?

2. Ыбырай Алтынсарин кім?

3. Ыбырай Алтынсарин қай жылы дүниеге келді?

4. Ыбырай Алтынсарин туралы тағы не білеміз?

5. Ол хат кімдерге арналған?

6. Хаттың бөліктері?

III. Шығармашылық жұмыс. Оқушылардың үйде алыстағы туған - туысқандарына жазып келген хаттарын ортаға салып оқуы. (4 слайд)

IV. Мағнаны тану.Жаңа сабақтың тақырыбын мақсатын хабарлау (5, 6 слайд) «Ұшқан ұя» Б.Момышұлы

V. Oй қозғау (7 слайд)

- Балалар, Бауыржан Момышұлы туралы естігендерің бар ма? Ол туралы не білесіңдер?

Бауыржан Момышұлы өмірімен таныстыру (8,9 слайд)

Жамбыл облысы Жуалы ауданы

Бауыржан Момышұлы

1910-1982 ж.

Кеңес Одағының батыры Жазушы

Балалар, – бүгін біз Б.Момышұлының «Ұшқан ұя» әңгімесімен танысамыз. Бұл әңгімеде Бауыржан ағаларыңның балалык шағы туралы әңгімеленген. Ұшқан ұясында атасынан алған тәрбиесі туралы айтылған.

Балалар, ұшқан ұя сөзін қандай сөзбен алмастыруға болады?

Мүмкін ....... оқушылардың ойы құстың ұясы, жанұя, отбасы т.б.

Әңгіме мазмұны оқылмас бұрын бірлесе отырып жұмыс істейік.

VI. Әр қатарға тапсырма:

1 қатарға «Білім» тапсырма Тірек сөздермен әңгіме құрау. Тірек сөздер: бала, кісі, ата, ұшқан ұя,сәлем.

2. қатарға «Ақыл» тапсырма: Ой шақыру. «Ұя» сөзін естігенде ойларыңа не келеді?

3. қатарға Көрініс көрсету. «Әке мен баланың амандасуы»

Тапсырмалар «Ұшқан ұя» тақырыбына орындалатын айтып өтемін.

Екі қатардың тапсырмаларының орындалуын тыңдау, салыстыра отырып мәтінмен жұмыс істеу.

VII. Бес жолды өлең (10слайд)

Кім? –

Қандай? –

Не істеді? –

Не үшін? –

Жалпы ойды түйіндеу –

Негізгі идеяны суреттеу.

Кейіпкер Бауыржан – батыр, әділ, шыншыл,әдепті, күшті, батыл, ақылды, мейірімді.

Мақал- мәтел батыр туралы.

Сергіту сәті.

VIII. Мағынаны тану Киіз үй суреті (11слайд)

Міне балалар сендердің ойларыңды білдік. Енді Бауыржан аталарыңның әңгімесімен танысайық. Ой толғаныс

Мәтіннің алғашқы бөлімі оқылып әрі қарай не болатынына болжам жасалады.

Оқиғаны өз ойларыңмен жалғастырып көріңдерші.

Балалардың ойын тыңдай отырып, мәтінді әрі қарай жалғастырып оқимын. Балалардың құраған әңгімелерімен, болжамдарымен салыстырамын.

IX. Сөз маржаны (12,13,14,15,16 слайд)

Қымыз - қымыздың пайдасы (12,13,14 слайд)

Ел тану - ата – тегін білу (15 слайд)

Ата тегі - арғы аталары. (16 слайд)

Араз –тату емес,өш.

Баппен – асықпай.

Ұя - жанұя, отбасы

X. Ой толғаныс

Мәтінді оқып, өзара бір – бірімен түсіндіру. Үш оқушы шығып әңгіме мазмұнын әңгімелейді.

Мәтінді дауыстап оқу.

XI. Болжау

Балалар биыл қандай жыл?

Егер Бауыржан ата қазіргі заманда өмір сүрсе қандай болар еді?

Қандай әңгімелер жазған болар еді деп ойлайсыңдар?

XII. Қорытынды Тест (17 слайд)

1. Үйге кіргенде не істеу керек?

а) сәлемдесу

ә) отыру

в) айқайлау

2.Отбасы сөзінің мағыналас сөзі:

а) ұшақ

ә) ұя

в) бас

3. Елтану үшін ең әуелі нені білу керек?

а) ұйықтау

ә) ойнау

в) ата – тегін білу

XIII. Оқушылардың ата тегін айтуы «Жеті ата»

XIV. Сызбаны толтыр (18 слайд)

XV. Үйге тапсырма: (19 слайд) «Ұшқан ұя» әңгімесін оқу. Еркін жазу «Менің жанұям»

XVI.Бағалау.