Классный час "Тілім барда" 7 класс

Тәрбие сағаттың тақырыбы: «Тілім - тірегім»

Мақсаты: Оқушылардың ана тілге деген құрметін, сүйіспеншілігін ояту. Тілдерін дамыту, мәнерлі сөйлету, ой өрісін кеңейту. Туған жеріне құрмет көрсете білуге, ұлтжандылыққа  тәрбиелеу.

Көрнекілігі: тіл туралы аталарымыз айтып кеткен асыл маржан қанатты сөздер, суреттер.

Тәрбие сағаттың барысы.

Заря Ерденбекқызы: Құрметті ұстаздар,оқушылар, ата-аналар,"Тілім - тірегім " атты тәрбие сағатымызға қош келдіңіздер!

Бүгін біздің осылай мерекелі кешке жиналып отырғанымыз-Алланың бізге берген ұлы бақытының арқасы. Тәуелсіздігімізді, еркіндігімізді баянды еткен басты қаруымыз-туған тіл.

Гульжанар Бактыгерейқызы: Тіл -халықтың жаны, сәні, тұтастай кескін келбеті. Адамды мұратқа жеткізетін ана тілі мен ата мұраты. Біздің қасиетті мұрамыз-қазақ тілі. Қазақ тілі – Қазақстан  Республикасының мемлекетік тілі.

Заря Ерденбекқызы:   Тіл- халықтың тұтастай кескін келбеті, болмысы. Тіл әрбір адамға ана сүтімен бірге еніп қалыптасады. Тіл байлығы -әрбір елдің мақтанышы. Елбасымыз Нұрсұлтан Назарбаев «Тіл тағдыры - өзін Қазақстан азаматымын деп санайтын баршаның ортақ ісі» деп атап көрсеткендей.

Қазақстан Респуликасының мемлекеттік әнұраны орындалсын.

Гульжанар Бактыгерейқызы: Кешіміз екі бөлімнен тұрады.

I бөлім: «Тілім – тірегім». Оқушылар тілге деген құрметін  жүрекке ұялаған өлеңдерімен жеткізеді.

1-оқушы: Тілім менің ғасырлардан аманат,

Аманатқа адам болсын қанағат.

Ар намысқа келтірмейік жаман ат,

Қазақ болып туылдың ба,

Ендеше,

Өз еліңді өзгелерге бағалат.

2-оқушы: Жүзімнің нәрлі,нәзік сабағындай,

Тіліңді мәпелей біл,ала қылмай.

Аямай арам шөбін отап жатыр,

Таза сақтап көзіңнің жанарындай.

3-оқушы: Қуан далам!Қуанатын күн бүгін,

Сертіп таста мұңды жүрек түндігін.

Тіл туралы Заңым енді күшіне,

Паш еткендей кескен жаңа кіндігін.

4-оқушы: Қуан бабам!Қуанатын жөнің бар,

Деген едің тіл бар жерде өмір бар,

Халық жауы атандық-ау сол үшін,

Ғұмырыңды құрбан етіп жалынды ар.

5-оқушы: Ана тілің-арың бол,

Ұятың боп тұр бетте.

Өзге тілдің бәрін біл,

Өз тіліңді құрметте.

Заря Ерденбекқызы:  Волкова Татьянаның орындалуында «Испан» әні

6-оқушы: Ана тілі-асыл нәрі бабамның,

Қуатымсың ақ сүтіндей анамның.

Сәби шақтан бесігімде жыр,

Туған тілді жаттап өскен баламның.

Гульжанар Бактыгерейқызы: Сүйемін туған тілді анам тілін,

Бесікте жатқанымда-ақ берген білім.

Шыр етіп жерге түскен минутымнан

Құлағыма сіңірген таныс үнін.

Ән: «Атамекен».

7-оқушы: Ақиқатты мойындайық қазір біз

Мәңгүрт бала жаздағанбыз бәріміз.

Тіл-тәрбие,ұлт мейірі емес пе,

Мәңғі бақи шырқалатын әніміз.

8-оқушы: Өз тілімдей тіл қайда еркін басар?

Тілім барда еркіме кім таласар.

Туған тілім күрмеліп әлсіресе,

Ыстық қаным суынып сиқым қашар.

9-оқушы:Тілден биік асқар жоқ,

Тілден асқан байлық жоқ,

Тілден терең теңіз жоқ.

Заря Ерденбекқызы: II бөлім:«Ана тілі-білімнің кілті».

Асыл тастан,өнер жастан

Шығады деп дарынды.

«Халық айтса қалып айтпайды»,

Әрқашан да нанымды,-дей келе сайыскерлерімізді бағалайтын әділқазылар алқасымен таныс болыңыздар.

Сайысымыз бірнеше бөлімнен тұрады.

1.Таныстыру.

2.Бәйге.

3.Полиглот.

4.Топбасшылар сайысы.

Кім білімді,өнерпаз,білейікші,

Оқушылар алғыр деп жүрейікші.

Әділқазылар алқасына тек әділдікті,

Сайыскерлерге сәттілік тілейікші,- деп сайыскерлерімізді ортаға шақырамыз.

1-ші сайысымыз:Таныстыру.

Заря Ерденбекқызы: Білім деген биік шың

Бақытқа сені жеткізер.

Білім деген ақылшың,

Қиындықтан өткізер.

Келесі сайысымыз-«Бәйге».

«Бәйге» (Әр топқа сұрақтар қойылады. )

1-топқа

1.Фонетика нені зерттейді?

2.Қазақ тілінде неше буын бар?

3.Қазақ тілінде неше әріп бар?

4.Сын есім дегеніміз не?

5.Етістік қандай сұрақтарға жауап береді?

2-топқа

1.Қазақ тілінде неше сөз табы бар?

2.Әріп дегеніміз не?

3.Жұрнақ нешеге бөлінеді?

4.Бір аптада неше күн бар?

5.Қазақстан Республикасының астанасы?

Гульжанар Бактыгерейқызы:

Келесі сайысымыз Полиглот.(мақал-мәтелдің түсіп қалған сөздерін анықтап,екі тілдегі баламасын табу керек.)

1-топқа

1.Құлақтан кірген......

Жүрекке барып мұз болар. (сөз-слово)

2.Таза мінсіз асыл......

Су түбінде жатады.

Таза мінсіз асыл сөз

Ой түбінде жатады. (тас-камень)

3.Бас кеспек болса да,

...... кеспек жоқ. (тіл-язык)

2-топқа

1.Сөз анасы-құлақ,

..... анасы-бұлақ. (су-вода)

2.Ілім-бұлақ,

......-шырақ. (білім-знание)

3.Жігіт бір сырлы,

...... қырлы болсын. (сегіз-восемь)

Гульжанар Бактыгерейқызы Ана тілін білмеген,

Ақылы жоқ желікбас.

Ана тілін сүймеген,

Халқын сүйіп жарытпас-деп қырғыз ақыны Б.Сарноғаев айтса Расул Гамзатовтың "Ертең туған тілім жоғалар болса, мен бүгін дайынмын!"деген ойлары тілдің қай елде,қай ұлтта болса да қастерлі қасиетті екенін дәлелдейді.

Келесі кезекте Топбасылар сайысы.

Сұрақтар:

1.Ұлттық ойын түрлерін ата?

2.Абай Құнанбаевтың өлеңдерін ата?

3.Қазақстан Республикасының президенті кім?

4.Жыл мезгілдерін ата?

5.Төрт түлікті ата?

6.Адамның сенімді серігі.

Заря Ерденбекқызы: Қорытынды.

Әділқазылар топтардың балдарын есептеп болғанша келесі кезекті биге берейік.

Базаралиева Анеля мен Жумагазиева Дарияның орындауында ән «Туған жер»

Гульжанар Бактыгерейқызы: Асан қайғы, Жиренше

Сөйлеп өткен қызыл тіл.

Әз Жәнібек Қойлыбай

Сыйлап өткен ғажап тіл.

Заря Ерденбекқызы: Осы тілді жек көрген,

Дүниеден қалар құр.

Бағаласаң шынымен

Баба тілі асыл дүр – деп «Тілім тірегім»

Атты тәрбие сағатымызды жабық деп жариялаймыз.Уақыт бөліп келгендеріңізге рахмет . Сау болыңыздар!

 

№24 Орта жалпы білім беретін мектеп

Тіл мерекесіне арналған шара

«Тіл – достық көпірі»

Өткізген: қазақ тілі мен әдебиет пәнінің мұғалімі:

Карашева Гульжанар Бактыгерейқызы

Орал – 2016 о.ж