"Программа интерфейсімен танысу"

Сынып:6 Күні:15.03.2016ж. ДОТЖО:_________

Сабақтың тақырыбы: Программа интерфейсімен танысу. Презентациялар. Мультимедиялық презентациялардың конструкторы.

Мақсаты:

• Білімділік: Оқушыларға MS Office -нің бір бағдарламасы-MS Power Point- тың құрылымы, мүмкіндіктерімен таныстыру.

• Дамытушылық: Жаңаша, шығармашылық тұрғыда ойлай алатын, танымдық мәдениеті биік, дүниеге этикалық тұрғыдан жоғары жауапкершілікпен қарай білетін адамды қалыптастыру; Тәрбиелік: Еңбекке баулу, ұлттық салт-дәстүрге тәрбиелеу

Оқыту әдістері: көрнекі , практикалық (берілетін теориялық білімнің мазмұны бойынша анықталады).

Оқыту формалары: жеке

Сабақтың көрнекілігі: Интерактивті тақта, презентация

Сабақтың барысы:

1. Ұйымдастыру кезеңі

а) оқушылармен амандасу, түгендеу

ә) оқушыларды шаттық шеңберіне тұрғызу

«Шаттық шеңбері»

Бір-біріне тілек айту.

1. Үй тапсырмасын сұрау.

Тест алу.

1. Жаңа сабақ.

Тақтаға күннің реті мен жаңа тақырыпты жазу

Power Point презентацияны дайындау және өткізудің ең жақсы бағдарламаларының бірі. Power Point презентацияны жоспарлауға жасауға және көрсетуге мүмкіндік береді. Пайдаланушыға шаблондардың модификацияланатын жиынтығы, слайдтар редакторы, схема құру құралы ұсынылады. Power Point презентацияның барлық құрауыштарын экранға шығаруға немесе басуға және презентацияларды кейін басып шығаруға сақтауға мүмкіндік береді.

Power Point бағдарламасы мына әмірлерді орындау арқылы іске қосылады:

Бастау-Барлық Бағдарламалар- Microsoft Office -Microsoft Power Point

Power Point терезесінің құрылымы Windows қосымшалары терезесінің дәстүрлі құрылымындай, үстелер мен әмірлердің негізгі міндеттерін қайталайды, бірақ жекелеген элементтерімен ерекшеленеді

• Тақырып жолағы- құжат атауын және терезені басқару батырмаларын қамтиды

• Меню жолы- Power Point әмірлерінің басым бөлігінің батырмаларынан тұрады.

• Құралдар панелі- пішімдеу әміріне арналған батырмаларды қамтиды

• Құрлымдар аймағы- көрме слайдтары арасында жылдам ауысып жүруге арналған

• Жұмыс аймағы- слайдтарды жасауға, онда нысандарды мәтінді, суреттерді диаграммаларды, клиптарды, дыбыстарды орналастыруға арналған аймақ.

• Күй жолағы- құжат ақпаратын қамтиды

Меню жолы мына бөлімдерден тұрады.

1. Файл. МS Offiсе стандарттық менюі. /почталық хабар жіберу, оған презентациялар салу, презентацияны WORD-қа жөнелту/;

2. Басты. Қаріпті туралауды, мәтін интервалдарын немесе слайд объектілерін, тізім маркері түрін таңдайды.

3. Кірістіру. Презентацияға әр түрлі объектілерді кірістіру командалары (күні, уақыты, диаграмма, кесте, дыбыс, фильм және т. б.);

4. Дизайн. Слайдтар үлгілерін, фон түстерін, қаріптердің шрифттің және слайд өлшемдерің таңдауға мүмкіндік береді.

5. Слайд ауысымы. Бұл меню слайд ауысым режимін таңдайды;

6. Анимация. Бұл слайдқа кірістірген объектілерді әр түрлі эффекте экранға шығарады.

7. Слайдтарды көрсету. Презентацияны толығымен қарауға мүмкіндік береді

Қарау режимдері:

Әдеттегі режим. Мұнда біз толықтай әр слайдпен жұымыс жасау үшін қолданылады. Жұмыс аймағы мен құрлымдар аймағын көруге болады.

Сұрыптағыш. Бұл режимде барлық слайтар кішігірім режимде көрсетіледі.

Көрсету режимі. Бұл режимде слайтың алмасу әсерлерін, анимацияны қалай болатының көруге болады.

Ескерттпелер беттер режимі- астында ескертпелер жазылған слайдты толықтай көрсетеді.

1. Сергету сәті

2. Тапсырма

«ҚР мемлекеттік рәміздері » атты тақырыпта кішігірім презентация құру

1. Қортындылау.

1. Microsoft Power Point бағдарламасы қалай іске қосылады?

2. Microsoft Power Point бағдарламасының қандай мүмкіндіктері бар?

3. Слайдпен жұмыс істеудің қандай режимдері бар?

4. Слайдтарды қалай баспаға береміз?

5. Құрлымдар аймағы дегеніміз не?

1. Үй тапсырмасы: §27 оқу